Jemisi 3:9 - Ika

⁹ Ịya kẹ ẹnyi gi a ja Di-nwọnni-ẹnyi wụ Nẹdi ẹnyi mma; ịya kẹ ẹnyi gizi a bụ ịhịan ọnụ, ịhịan Osolobuẹ leri enwẹn ẹ ke!

Jemisi 3:9 ပူးပေါင်းရင်းမြစ်များ

Jẹnẹsisi 5:1

Ebeni kẹ wẹ deyesọnmẹ ẹfan ụmụ Adam. Ogẹn Osolobuẹ gi ke ịhịan, o ke ẹ, o yi Osolobuẹ.

Jẹnẹsisi 9:6

Onyẹ gbu ịhịan, ịhịan k'e gbu ẹ, makẹni Osolobuẹ ke ịhịan n'o yi Osolobuẹ lẹ enwẹn ẹ.

Samuẹlụ Nke Ẹbụọ 16:5

Ogẹn Eze wụ Defidi gi nọkunmẹmẹ Bahurim, e lee okẹnnyẹ ohu ya lẹ ikpụlọ Sọlụ wụ ebọn ohu k'ọ kpọla iyi! Ẹfan a wụ Shimei nwa Gẹra.

Samuẹlụ Nke Ẹbụọ 19:21

Abishaị nwa Zeruaya nọ sị, “Kịnị k'a sị wẹ egilẹ ufiri ihiẹnni gbu Shimei — ebe omẹni ọ kpọgụọ onyẹ Osolobuẹ tumẹ iyi.”

Ihiẹn Mẹni Nke Ibuzọ 29:10

Defidi nọ nọ idẹnya ndị Izrẹlụ ile zuni ja Osolobuẹ mma, sị, “Ịja-mma ya rịn'ị, Osolobuẹ, Chuku Izrẹlụ nẹdi ẹnyi, ya rịnị ị jẹnrin-ejẹn k'o dọn rị gha alị lala.

Ihiẹn Mẹni Nke Ibuzọ 29:20

Ya kẹ Defidi nọ sị ndị Izrẹlụ ile zuni, “Ja nị Osolobuẹ wụ Chuku ọnụ mma.” Wẹ ile nọ ja Osolobuẹ wụ Chuku ndị nẹdi wẹ mma; wẹ nọ hulụa isi, yechanrịn Osolobuẹ lẹ eze ọghọ.

Ẹbụ-ọma 10:7

Ihiẹn jun ẹ ọnụ wụ ịkpọ-iyi, lẹ ntụ lẹ irọn-egun, o gi ire ẹ e mẹ oku, e ku eje-oku.

Ẹbụ-ọma 108:1

Euu Chuku, a kwademẹgụọ m obi m! M k'e gi obi m ile bụ ẹbụ, kpọ egu!

Ẹbụ-ọma 145:1

M k'a ja ị mma, Chuku m hụn wụ Eze; m k'a ja ẹfan ị mma jẹnrin ejẹn.

Ẹbụ-ọma 145:21

Ọnụ m sikọ d'a ja Osolobuẹ mma; ihiẹn ile rị ndụn wẹ jama ẹfan nsọ a mma jẹnrin ejẹn.

Ẹbụ-ọma 16:9

Ya kẹ ẹfọ gi a sụọ m ụsụọ, obi m hụ a ghọghọ — ẹhụ m k'e zudẹ ikẹn:

Ẹbụ-ọma 30:12

kẹni obi m bụn'ị ẹbụ, hụn nkẹ o gi gba nkịtịn. Euu Osolobuẹ hụn wụ Chuku m, m k'a kpanmịn ị jẹnrin ejẹn.

Ẹbụ-ọma 34:1

M k'a kpanmịn Osolobuẹ ogẹn ile; ọnụ m ajabehikọ a mma.

Ẹbụ-ọma 35:28

Ogẹn ahụn, ire m k'a rị e ku oku ezi-omumẹ i, a ja ị mma kẹ ụhụọhịn han.

Ẹbụ-ọma 51:14

Chuku, dodo anịlẹ isi m tọ ọchụ m gbu, dodo, Chuku hụn a zụọpụhanị m! Ọnụ m sikọ d'e yi oro ịghọghọ, ku ẹ nị y'a rịka mma.

Ẹbụ-ọma 57:8

Obi m, tẹnhin! Ụbọ mmaka lẹ ụbọ-layẹ tẹnhin ni! Mmẹ k'a kpọtiẹndẹ ụtụntụn!

Ẹbụ-ọma 59:12

Makẹ njọ wẹ rị e gi ọnụ wẹ e mẹ, makẹ ihiẹn gha wẹ ọnụ a pụha, mpache wẹ rị a pache ya nwụndọn wẹ kẹ ọnyan! Ufiri ọnụ wẹ rị a bụ lẹ ntụ wẹ rị a tụ,

Ẹbụ-ọma 62:4

Wẹ hụ e zu ni wẹ dọtu okẹn-ịhịan! Ịtụ-ntụ hụ a sụọ wẹ ụsụọ. Ọnụ wẹ hụ e ku oku i ọhụnma, obi wẹ hụ a bụ ị ọnụ. Sẹla

Ẹbụ-ọma 63:4

M k'a gha a ja ị mma ọrọgbọ ndụn m ile; a kịshin'i ẹka elu, a kpọku ẹfan ị.

Ẹbụ-ọma 71:24

Ọnụ m k'e ku ihiẹn rị mma i mẹ, kẹ ụhụọhịn han, makẹni o kpuyegụọ ndị rị a chọ m isi, a fagụọ wẹ.

Ẹkịliziastisi 7:22

Ịyụ nwẹn a marịnghọ ọhụnma-ọhụnma nị y'a kpọgụọ ndị ọzọ iyi mgbe ole-lẹ-ole.

Azaya 29:13

Ya haịn Onyẹ-nwọnni-ẹnyi gi sị, “Ọnụ kẹ ndịnị gihụ a nọkunmẹ m, e gihụ ọnụnụ-ire a gbaye m, kanị obi wẹ e tekẹ ebe m rị. Iwu ịhịan kuzi wẹ kẹ wẹ gihụ e fe m ofufe.”

Matiu 26:74

Ya Pita nọ kunmẹ Osolobuẹ, sị n'ọ marịn okẹnnyẹ hụ. Ozigbo hụ, ọkpa nọ kwan.

Matiu 5:44

Kanị mmẹ nwẹn sị ụnụ e nwọn ihiẹn-ọsụsụọ ndị-iṅẹnrẹn ụnụ, e mẹni ni ndị rị e kpokponi ụnụ ekpere,

Ọrụn Ndị-ozi 2:26

Ya haịn obi gi a sụọ m ụsụọ; ya haịn ẹbụ gi a rị m ọnụ. Ẹhụ m k'e zu nwan ikẹn, makẹni m nwọn olilẹnya.

Ndị Rom 3:14

Ịkpọ-iyi lẹ eje-oku jun wẹ ọnụ.

Ndị Kọrẹntị Ibuzọ 11:7

Okẹnnyẹ efuruni n'o kpumẹ isi ẹ ebe o mẹ ni o yi Osolobuẹ e yi lẹni ọ nọkin ẹnya Osolobuẹ; kanị okẹnnyẹ kẹ hụn okpoho nọkin ẹnya a.

Ndị Ẹfẹsọsụ 1:3

Ekele ya rịnị Osolobuẹ, hụn wụ Chuku lẹ Nẹdi Onyẹ-nwọnni-ẹnyi wụ Jesu Kristi, makẹni o yeọlẹ ẹnyi ngọzi imẹ-mmọn ile rị elu-igwee makẹni ẹnyi rị imẹ Kraịstị.

Jemisi 1:27

Ezigbo ofufe zu oke, rụlẹni ẹnya Osolobuẹ Nẹdi ẹnyi wụ hụnnị: ịtụnị ndị nwọnlẹni nẹdi mọbụ nnẹ lẹ ikpoho di wẹ nwụn rị e ri ụya ụya, lẹzi idọnmẹ enwẹn ịhịan makẹ ụwa gha e mẹrụ a.

Jemisi 3:10

Ọnụ ohu hụ kẹ ọjịja-mma lẹ ịbụ-ọnụ gha a pụha! Umunẹ m, o furuni n'ọ rị ẹrịra.

Pita Ibuzọ 1:3

Ọjịja-mma ya rịnị Osolobuẹ hụn wụ Chuku lẹ Nẹdi Onyẹ-nwọnni-ẹnyi wụ Jizọs Kraịstị! O gigụọ okẹn omikẹn ẹ mụdọnzi ẹnyi, mụ ẹnyi ye imẹ olilẹnya ọhụn rị ndụn ghahanị ịgha ọnwụn weli Jizọsị.

Ndị Han Eṅẹn 9:27

Ndị Shẹkẹm a ghọgụ vaịnị rị ugbo wẹ ahụa hụ, pịnpụhagụ manya a, wẹ nọ shi ụlọ-mmọn wẹ d'e ri oriri. Ebe wẹ rị e ri, a ra, wẹ nọ kpọma Abimẹlẹkị iyi.