Jemisi 3:6 - Ika

⁶ Ire wụ ọkụn nke-esi. Ọ nọhụ kẹ ebe wẹ nọ bu njọ han kẹ ụwa ile che ẹnyi ẹhụ! O ruchanrịn ẹhụ ile unyin! Ọ dụnkwama ndụn ịhịan ọkụn. Ọkụn ire gi a dụn a gha ọkụn-mmọn a bịa.

Jemisi 3:6 ပူးပေါင်းရင်းမြစ်များ

Samuẹlụ Nke Ẹbụọ 16:20

Absalọm nọ sị Ahitofẹlụ, “Tụnị ẹnyi iroro. Kị ẹnyi jẹnkọ d'e mẹ?”

Samuẹlụ Nke Ẹbụọ 19:43

Ya ndị Izrẹlụ nọ sị ndị Juda, “Ụzọ iri wụ nke ẹnyi ebe eze rị — ẹbụọ sụọ wụ nke ụnụ; wezụkadẹ ọhụn, ẹnyi ka Defidi e nwọn karị ụnụ. Kị ụnụ n'e legberini ẹnyi? Ẹlẹ ẹnyi buzọ kumẹ ni ẹnyi d'e welụa eze ẹnyi?” Kanị ọnụ ndị Juda nọ karị nke ndị Izrẹlụ.

Ihiẹn Mẹni Nke Ẹbụọ 13:17

Abija lẹ itu ẹ nọ gbumẹ wẹ ọda-ọda, nke wụnị ndị Izrẹlụ Ẹbamịn ugu ma lụ ọgụn hụn wẹ gbu rị mmadụ nnụ-uku ọgụn-isẹn kwasị nnụ (500,000).

Ẹbụ-ọma 140:3

Ire wẹ hụ a tụ nkọ kẹ nke agwọ; ẹdide ẹjụ-alị rị wẹ ọnụ. Sẹla

Ẹbụ-ọma 64:3

W'e sụọnchanpụ ire wẹ kẹ ọpịa-agha, e bu eje-oku wẹ wụ ọbara-ụta e zinmẹ,

Itẹn 15:1

Wẹ welụa ọnụ shịarị ịhịan oku, olulu a rọ; kanị wẹ weshi ọnụ elu gwa ịhịan oku, ọ kpasu ẹ iwe.

Itẹn 16:27

Eje-ịhịan a chọ ịhịan njọ, ọnụ oku ẹ e rẹn kẹ ọkụn.

Itẹn 6:19

ọshẹri-ntụ, hụn ntụ rị e hupụha ọnụ kẹ mirin lẹ onyẹ hụn e seni nwẹnẹ lẹ nwẹnẹ ikpe.

Itẹn 7:5

e dọnmẹ wẹ i amamgbe y'a danye ẹka okpoho hụn a zọ ụkụ e ye ọfịa, okpoho ẹnya a rị ogbe, okpoho hụn e gi ọnụ-ọma a rẹrẹrị ikẹnnyẹ.

Azaya 30:27

Lee n'ẹ, Osolobuẹ gi ẹfan a gha ebe teni lala, o gi eje-olulu rị a dụn kẹ ọkụn lala lẹ ẹnwụnrụn lọtọnị; ọnụma jun ẹ ụgb'ọnụ, ọkụn a dụnnị rị a ire.

Azaya 50:11

Kanị, ụnụ ile hụn a mụyeni enwẹn ụnụ ọkụn, a mụyeni enwẹn ụnụ ukpẹ-ọwa, gi ni nwan ọkụn ndị ahụn ụnụ mụye ghama, ya lẹ ukpẹ-ọwa ndị hụ ụnụ mụye. Kanị, ihiẹn ụnụ jẹnkọ d'e nwọnhẹn ẹka m wụ ọnwan: ọnụ jẹnkọ d'e dinẹtọ imẹ eje-afụnfụn.

Jerimaya 20:10

M hụ a nụ kẹ ndị bu ọda rị a ka-ụka: a kpọ m ‘Ihiẹn-egun E Jun Azụụn ile!’ A sị ‘Kpe n'ẹ! Nị ẹnyi kpe n'ẹ!’ Ndị ile m kpọ ndị ọwụ m hụzịdẹ nwan e che nị m dan. Wẹ hụ a sị, ‘Ikẹnkwọ nị ẹnyi s'ẹka rẹrẹrị a — ẹka ẹnyi a karị nke ẹ, ẹnyi a hụn ụzọ mẹgwarị a.’

Jerimaya 28:16

Lee nwan ihiẹn Osolobuẹ ku: ‘M'e d'e wepụ ị elu-ụwanị. Ahụanị k'i jẹnkọ d'a nwụn, makẹni y'e mẹgụọ ndịnị jụ oku Osolobuẹ.’ ”

Lẹvitikọsụ 24:11

Hụn nnẹ ẹ wụ onyẹ Izrẹlụ nọ kpọlịa Ẹfan hụ rị nsọ, kpọ iyi. Wẹ nọ wẹhẹni Mozizi ya. (Ẹfan nnẹ ẹ wụ Shẹlomiti nwa Dibiri onyẹ ebọn Danị.)

Ọgụngụn 25:2

Ikpoho ndị hụ nọ wejẹnmẹ wẹ ebe wẹ nọ a rụa mmọn wẹ. Ndị Izrẹlụ ahụn hụ e sọn wẹ e ri, a kụnị mmọn ndị ahụn isi alị.

Ọgụngụn 31:16

Lee ẹnya, uwẹ gi ọdụn Balaam dụn wẹ mẹ Izrẹlụ gbakịtọ Osolobuẹ azụụn imẹ alị Pioru, hụn ọnwụn gi gbu ndị o gbu imẹ igunrun ndị nke Osolobuẹ!!

Matiu 12:24

Kanị ogẹn ndị Itu-Farisi gi nụ a, wẹ nọ sị, “Omẹni ẹlẹ ikẹn Bẹzibọlụ onyẹ-isi eje-mmọn, okẹnnyẹni eke saẹka chụpụ eje-mmọn ndịnị.”

Matiu 5:22

Kanị, m rị gwa ụnụ nị onyẹ budẹni nwẹnẹ ẹ olulu a kpọ w'a ikpe; onyẹ kpọ nwẹnẹ ẹ iyi, o jẹnkọ Ọgwa Ndị-isi; onyẹ sị ịhịan ‘Nzuzu,’ ọkụn-mmọn rị e che ẹ.

Makị 7:15

Onwọnni ihiẹn a banye imẹ ịhịan hụn a saẹka e mẹrụ a. Kama, ihiẹn gha imẹ ịhịan pụha wụ ihiẹn e mẹrụn'a.”

Luku 16:24

Ya ọ nọ yi, ‘Nẹdi ẹnyi Ebraham! Mẹ omikẹn m zi Lazarọsụ n'o gi ọnụnụ mkpịnsịn-ẹka a deri mirin tanye m ire kẹni ire jụụ m oyi, makẹni m rị a ta okẹn afụnfụn imẹ ọkụnnị!’

Ọrụn Ndị-ozi 20:30

Ụfọdụ imẹ ụnụ jẹnkọ d'a fịma ezioku kẹni wẹ dọrị ndị nsọnmazụụn Jizọsị.

Ọrụn Ndị-ozi 5:3

Kanị Pita nọ sị, “Ananayasị, kị Ekwensụ nun'i tụ Mmọn-nsọ ntụ, mẹ i bu mgbube egho i re alị hụ tọ?

Ọrụn Ndị-ozi 6:13

Wẹ nọ kpọpụha ndị ọshẹri-ntụ, ndị ọshẹri-ntụ hụ nọ sị, “Okẹnnyẹni ara kujabehi oku Ụlọ-nsọnị lẹ Iwu Mozizi.

Ditrọnọmi 13:6

Omẹdẹni nwẹnẹ ẹfọ ị mọbụ nwa ị okẹnnyẹ mọbụ nwa ị okpoho mọbụ nwunyẹ i hụn ihiẹn ẹ a sụọ ị mọbụ ọwụ ị kẹnkẹnkẹn e gi nzuzue rẹrẹ i, sị ị, “Nị ẹnyi jẹn d'e fe mmọn-lẹ-iyi”, ọ chọkọ n'o mẹ i fe mmọn-lẹ-iyi ndị o mẹ ni kẹ ịyụ kẹ ndị nẹdi i ghalẹni e fe,

Taịtọsụ 1:11

O furu ni wẹ kpukin wẹ ọnụ! Makẹni, wẹ rị e gi ihiẹn ahụn furulẹni wẹ gi ufiri egho a kuzi a sụkpọsọnmẹ ikpụlọ.

Jemisi 2:7

Ẹlẹ wẹ e kuja oku ezigbo ẹfan Jesu ụnụ rị a za?

Jemisi 3:7

Onwọnni anụ ọwụlẹ a kpa alị mọbụ hụn a rịnị mọbụ hụn rị ohimin mọbụ nnụnụ ịhịan kelẹni zụntu mọbụ hụn wẹ ghalẹni a sa ẹka a zụn.

Pita Nke Ẹbụọ 3:3

Nke ibuzọ, ghọta nị nị ndị-nlelịa hụn e bi k'ọ sụọ wẹ k'a pụha ogẹn ikpanzụụn, a mụ ẹmụ,

Jọnụ Nke Ẹtọ 1:10

M bịa nwan, m k'e wepụha ihiẹn ile ọ rị e mẹ lẹ ọnụ ọ rị e buokinsọnmẹ ẹnyi! Ọhụn ehidẹn'ẹ, ọ jụ n'ọ nabanhankọ ụmụ Osolobuẹ ndị hụ; ọ nịdẹni ndị ọzọ nabanhan wẹ, ọ chụpụ ndị rị imẹ ụka chọ nị wẹ nabanhan wẹ.

Rẹvẹleshọnụ 12:9

Wẹ nọ tụtu Dragọnụ uku hụ ye elu-ụwa, agwọ mbụ-mbụ hụ w'a kpọ Ekwensụ, a kpọzị a Setanị, hụn e dufie ụwa ile; a tụtu wẹ kẹ ịya kẹ ndị mmọn-ozi ẹ.

Rẹvẹleshọnụ 13:14

O gi ọrụn-atụmẹnya ndịnị wẹ ye ẹ ikẹn rụndọnni eje-anụ ibuzọ hụ dufie ndị bi elu-ụwa, sị wẹ kpụ eje-anụ ibuzọ ahụn wẹ gi ọpịa-agha begbu, hụn rịzị nwan ndụn.

Rẹvẹleshọnụ 18:23

ukpẹ ẹka enwunkọzị imẹ i; anụkọzị wẹ ịghọghọ ndị rị a gba ẹkụkwọ imẹ i. O k'e mẹ makẹni ndị-afịa ị te wụ ndị uku ụwa, alị ile kẹ i mẹ ihiẹn hụn i mẹ, dufiechanrịn wẹ.

Rẹvẹleshọnụ 19:20

Kanị wẹ nọ nwụndọn eje-anụ hụ lẹ onyẹ amụma-ntụ ahụn te rị a rụndọnni eje-anụ hụ ọrụn-atụmẹnya, onyẹ-amụma hụ gi ọrụn-atụmẹnya ndị hụ dufie ndị narịn ahịma eje-anụ hụ lẹ ndị fe hụn wẹ leri ẹ kpụ. Wẹ nọ tụ eje-anụ hụ lẹ onyẹ amụma-ntụ ahụn lẹ ndụn ye imẹ odiyiri ọkụn nsịn-ẹnyanwụn;