Jemisi 3:15 - Ika

¹⁵ Amamihiẹn nọ ẹrịra aghakwọnị elu-igwee bịa! Nke ụwa rọ, ẹka Mmọn-nsọ arịa; nke Ekwensụ rọ.

Jemisi 3:15 ပူးပေါင်းရင်းမြစ်များ

Samuẹlụ Nke Ẹbụọ 13:3

Ogẹnni, Amnọnụ nwọn ọwụ ohu w'a kpọ Jonadabụ; nwa Shimia nwẹnẹ Defidi rọ. Jonadabụ wụ onyẹ-akọ.

Samuẹlụ Nke Ẹbụọ 15:31

A gwagụọ wẹ Defidi, sị, “Ahitofẹlụ rị ndị wẹ lẹ Absalọm gba zun'i umẹ.” Defidi nọ mẹ ekpere, sị, “Osolobuẹ dodo, mẹ ndụnmọdụn ọwụlẹ Ahitofẹlụ jẹnkọ d'e ye wụrụ nzuzu.”

Samuẹlụ Nke Ẹbụọ 16:23

Makẹni, ogẹn ahụn, Ahitofẹlụ tụ iroro, ọ nọ kẹ ebe Osolobuẹ nọ gi ịhịan ku uche ẹ; kẹ Defidi kẹ Absalọm e gi ẹnya hụ e lee ndụnmọdụn Ahitofẹlụ.

Jerimaya 4:22

“Ndị nke m e zuzu ezuzu; amarịn wẹ m. Ụmụ nwọnlẹni uche kẹ wẹ wụ; enwọn wẹ nghọta. Eje-ihiẹn kẹ wẹ marịn ẹnya a; ama wẹ mẹ ihiẹn rị mma.”

Luku 16:8

“Ufiri ihiẹnni o mẹ, ọdanfịn hụ nọ ja onyẹ nlepụ-ẹnya hụ furulẹni wẹ gi e dọn ẹnya mma makẹ akọnị o nwọn. Ẹghẹẹ, makẹni ndị ụwanị ka ụmụ ukpẹ akọ e nwọn ebe wẹ lẹ ibe wẹ rị e mẹ ihiẹn.

Jọnụ 3:17

Ẹlẹ ikpe kẹ Osolobuẹ zi Nwa a d'a ma ndị rị ụwa, o zi ẹ kẹni wẹ gha ẹka a nwọnrin nzụọpụha.

Jọnụ 8:44

“Ụnụ wụ nke Ekwensụ nẹdi ụnụ. Ihiẹn nẹdi ụnụ chọ kẹ ụnụ chọ nwan nị ụnụ mẹ. Izighẹ k'ọ wụ gha isi mbidọn lala; ọ kwadọntuni ezioku — makẹni ezioku arị imẹ ẹ. Ọ gha a tụ ntụ, onwọnni ihiẹn ọ kpọ a, makẹni onyẹ ntụ lẹ nẹdi ntụ k'ọ wụ.

Ọrụn Ndị-ozi 13:10

sị a, “Onyẹ hụn ẹro lẹ eje-ihiẹn ile jun imẹ ẹ! Nwa Ekwensụ! Eṅẹnrẹn ihiẹn ile rị ọchan! Y'a fịbehikọ ezioku Di-nwọnni-ẹnyi?!

Ndị Rom 1:22

Ebe wẹ rị a sị nị wẹ marịn ihiẹn, e họnrin wẹ ndị-nzuzu;

Ndị Kọrẹntị Ibuzọ 1:27

Kanị, Osolobuẹ họrị ihiẹn wụ nzuzu ẹnya ụwa, kẹni o gi wẹ gbe ifẹnrẹn ye ndị marịn ihiẹn ihun; ọ họrị ihiẹn zelẹni, kẹni o gi wẹ gbe ifẹnrẹn ye ndị zeni ihun.

Ndị Kọrẹntị Ibuzọ 2:14

Ịhịan-mmaka nwọnlẹni Mmọn-nsọ ara nabanhan ihiẹn Mmọn-nsọ, makẹni wẹ wụ nzuzu ẹnya a. Ọ ra saẹka ghọta wẹ makẹni Mmọn-nsọ kẹ wẹ gi a ghọha wẹ.

Ndị Kọrẹntị Ibuzọ 3:19

makẹni amamihiẹn ụwanị wụ nzuzu ẹnya Osolobuẹ. Ya haịn Ẹkụkwọ-nsọ gi sị, “Ọ nwụndọn ndị marịn ihiẹn lẹ ẹro wẹ.”

Ndị Kọrẹntị Ibuzọ 3:3

Makẹni echẹn kẹ ụnụ rịkwọ e bi kẹ ịhịan-mmaka. Ẹghẹẹ, ebe ẹnya-ụfụ lẹ ikpe rị imẹ igunrun ụnụ, ụnụ anọnị kẹ ndị nwọnlẹni Mmọn-nsọ? Ẹlẹ agụngụn ịhịan-mmaka kẹ ụnụ rị a gụn?

Ndị Kọrẹntị Nke Ẹbụọ 1:12

Ihiẹn ẹnyi gi a nyan isi wụ ọnwan: nị ịhọrị ẹnyi rị a shịanị ẹnyi ẹri nị ẹnyi gi obi rị ọchan lẹ ezioku Osolobuẹ bi obibi ẹnyi imẹ ụwa, tụmadụ ẹgbata ẹnyi lẹ ụnụ; nị ẹnyi egini amamihiẹn ụwa bi, kanị eyemẹka Osolobuẹ.

Ndị Kọrẹntị Nke Ẹbụọ 11:3

Kanị, egun rị a tụ m amamgbe w'e dufie ụnụ kẹ Ekwensụ dọn gi ẹro dufie Ivu, e mẹ wẹ ụnụ febehi Kraịstị ofufe ezioku lẹ ofufe rụlẹni:

Ndị Filipi 3:19

Wẹ shikọ ntikpọ; ẹfọ wẹ wụ Chuku wẹ; ihiẹn nkẹ e mẹ wẹ ifẹnrẹn kẹ wẹ gi a nyan isi; ihiẹn-ụwa ihiẹn-ụwa kẹ wẹ e ro.

Ndị Tẹsalonika Nke Ẹbụọ 2:9

Ọbịbịa Eje-ịhịan hụ k'a wụ ẹka-ọrụn Ekwensụ. O k'e gi ikẹn ile rị ichẹn-ichẹn lẹ ihiẹn-nghọsị lẹ ọrụn-atụmẹnya ichẹn-ichẹn wẹ gi e dufie ịhịan bịa,

Timoti Ibuzọ 4:1

Mmọn-nsọ e kupụgụọ a n'o ru ogẹn ikpanzụụn, o nwọn ndị k'a latọ ofufe-Kraịstị, sọnmẹ mmọn ndị hụn e dufieni lẹ nkuzi eje-mmọn,

Jemisi 1:17

Makẹni, ihiẹn ile rị mma zu oke wẹ e ye gha elu-igwee bịa — ọ gha ẹka Nẹdi hụn e ye ukpẹ ile a bịa, Nẹdi hụn ghalẹni e kuhutọ ọnụ mọbụ e yebe ukpẹ yemẹ ishi.

Jemisi 1:5

Onyẹ marịnlẹni ihiẹn o k'e mẹ, ya rịọ Osolobuẹ hụn a shịapụ ẹfọ e ye, hụn ghalẹni e kpe nị w'e rịọ a ihiẹn, o k'e ye ẹ amamihiẹn.

Jemisi 3:17

O mẹ nke amamihiẹn ahụn gha elu-igwee bịa, nke ibuzọ wụ nị ya lẹ obi rị ọchan wị, udọn k'ọ chọ, ara mẹ ikẹn-ikẹn; o kweyezini ndị ọzọ, omikẹn lẹ mkpụrụ rị mma jun ẹ, ara gbeyeni ịhịan, ntụ arịa.

Judu 1:19

Uwẹ wụ ndịnị rị e buhẹ nkebe, ndịnị ihiẹn-ụwa rị ẹnya, nwọnlẹni Mmọn-nsọ.

Rẹvẹleshọnụ 12:9

Wẹ nọ tụtu Dragọnụ uku hụ ye elu-ụwa, agwọ mbụ-mbụ hụ w'a kpọ Ekwensụ, a kpọzị a Setanị, hụn e dufie ụwa ile; a tụtu wẹ kẹ ịya kẹ ndị mmọn-ozi ẹ.

Rẹvẹleshọnụ 2:24

“Nke ụnụ ndị họdụnị, ndị rị ụka Tịatira ghalẹni e sọn nkuzini, ndị kelẹni mụnrụn ihiẹn ahụn wẹ rị a kpọ ‘Okẹn ihiẹn-nzuzue Ekwensụ,’ ebuyekọ m ụnụ ibu ọzọ;

Rẹvẹleshọnụ 9:11

Eze igurube ndịnị wụ eje-mmọn ahụn mgbugbu hụ migbu enwẹn ẹ rị ẹka a. Ndị Hibru a kpọ a Abadọnụ, ndị Griki a kpọ a Apolịọnụ.