Jemisi 3:13 - Ika

¹³ Onyẹ marịn ihiẹn nke-esi imẹ igunrun ụnụ? Onyẹ nwọn nghọta? Ya gi obibi rị mma lẹ iwelụa enwẹn ẹ alị ghọsị amamihiẹn ẹ.

Jemisi 3:13 ပူးပေါင်းရင်းမြစ်များ

Jobu 28:28

Ya ọ nọ sị ịhịan, ‘Ịtụ egun Osolobuẹ — ịya wụ amamihiẹn, ịjụ eje-ihiẹn — ịya wụ nghọta.’ ”

Ẹbụ-ọma 107:43

Ndị marịn ihiẹn wẹ rokpọ ihiẹn ndịnị wẹ, wẹ lekpọ ihiẹn-ọsụsụọ Osolobuẹ.

Ẹbụ-ọma 122:8

Ufiri umunẹ m lẹ ndị-ọwụ m, m sị, “Ya rịnị ị mma!”

Ẹbụ-ọma 149:4

Makẹni ihiẹn ndị nke Osolobuẹ a sụọ Osolobuẹ a sụọ; o gi nzụọpụha a chọ ndị wẹ rị a bịangbu mma.

Ẹbụ-ọma 25:9

O zin ndị welụa enwẹn wẹ alị kẹ wẹ dọn e mẹ ihiẹn rị mma, a kuzi wẹ kẹ wẹ dọn e sọn ụzọ a.

Ẹbụ-ọma 45:4

Gi ọghọ-nze lẹ anyịnyan ị jẹnmẹ d'e mẹrisọnmẹ; d'a kwadọn ezioku lẹ iwelụa-enwẹn alị lẹ ezi-omumẹ; ẹka-nni i ya kpasọnmẹn'i ikẹn!

Ẹkịliziastisi 8:1

Onyẹ nọ kẹ onyẹ marịn ihiẹn? Onyẹ marịn alị ihiẹn? Amamihiẹn e mẹ ihun ịhịan e fọn, e mẹ ihun ẹ a lụlụa.

Ẹkịliziastisi 8:5

Onyẹ mẹ ihiẹn o ku, onwọnni ihiẹn jẹnkọ d'e mẹn'ẹ, onyẹ marịn ihiẹn a marịngụọ ezigbo ogẹn lẹ usọnrọn ihiẹn eze.

Azaya 29:19

Ndị welụa enwẹn wẹ alị k'a ghọghọmazị makẹ Osolobuẹ; ndị ogbẹnnyẹ a ghọghọma ọda-ọda makẹ Onyẹ-nsọ Izrẹlụ.

Azaya 60:6

Anyịnyan mkpukpuke k'e jun alị ị, okoro Anyịnyan mkpukpuke hụn ghasọnmẹ alị Midianị lẹ alị Efa bịa. Kẹ ndị hụn k'a gha alị Shẹba bịa bukọ goru lẹ nsẹnsi — a ja ẹfan Osolobuẹ mma wẹ lalanị.

Azaya 61:1

Mmọn Di-nwọnni-ẹnyi wụ Osolobuẹ rị imẹ m, makẹni Osolobuẹ e tumẹgụọ m d'e zi ndị igbẹnnyẹ ozi rị mma. O zi m d'a kasị ndị ndụn gụ obi, d'a sị ndị wẹ kwọndọn lama, d'a sị ndị ngan pụha;

Jerimaya 9:12

Onyẹ marịn ihiẹn ọhụnma n'ọ saẹka ghọta ihiẹnni? Onyẹ kẹ Osolobuẹ gwa oku n'ọ saẹka kọwa ihiẹnni? Kị wẹ tikpọnị nwan alịnị la iwi, hụn o gi nwan nọ kẹ alị ọkpọ-nkụn ịhịan ghalẹni a s'ẹka a gha?

Jerimaya 9:23

Osolobuẹ sị, “Onyẹ marịn ihiẹn y'e gilẹ amamihiẹn ẹ nyan isi; dikẹn y'e gilẹ ikẹn o nwọn nyan isi; ọdanfịn y'e gilẹ efe ẹ nyan isi,

Daniẹlụ 2:21

Ịya e hutọ ogẹn lẹ mgbe ihiẹn gi e mẹ; ịya e tumẹ ndị-nze, a chụpụzịkwọ ndị-nze. Ịya e ye onyẹ nwọn uche amamihiẹn, e ye onyẹ marịn ihiẹn nghọta.

Zẹfanaya 2:3

Mẹsọnmẹ ni uche Osolobuẹ ụnụ ile hụn e welụa enwẹn wẹ alị, ụnụ ile hụn e mẹ ihiẹn Osolobuẹ ku; e mẹni uche ẹ, ewelụabehikwọlẹ ni enwẹn ụnụ alị; ikẹnkwọ Osolobuẹ a nị ụnụ wanahịn ogẹn hụ o k'a ghọsị iwe-lẹ-ọnụma a.

Ọgụngụn 12:3

(Okẹnnyẹ hụ wụ Mozizi e welụakẹnmẹkẹ enwẹn ẹ alị; ịya kachanrịn ịhịan ile rị elu ụwa enwẹn ẹ alị e welụa.)

Matiu 11:29

Yiri ni agbụn yoku m, ụnụ a mụnarịn m; makẹni, m rị jụụ, e welụa enwẹn m alị imẹ obi. Ụnụ mẹ ẹ, umẹ-ndụn ụnụ e nwọnrin ezumikẹn.

Matiu 21:5

“Sị nị ndị obodo Zayọnụ, lee ẹ, eze ụnụ lala d'e kunrun ụnụ, o welụa enwẹn ẹ alị: ọ nyinla Jaki lẹ nwa-jaki.”

Matiu 5:5

Ngọzi wụ nke ndị hụn e welụa enwẹn wẹ alị, makẹni wẹ sikọ d'e nwọnrin ụwa ile.

Matiu 7:24

“Ya wụ, onyẹ nụ ihiẹn ndịnị m rị e ku, gi wẹ bi, hụnyẹ lẹ onyẹ marịn ihiẹn hụn tụn ụlọ a ye elu ọmụma wụ ohu:

Ndị Kọrẹntị Ibuzọ 6:5

Nị m ku ẹ kẹni ifẹnrẹn mẹ ụnụ! Ya wụ, onwọnni onyẹ marịn ihiẹn imẹ ụnụ k'a s'ẹka dọnzi oku rị ẹgbata ndị kwerini —

Ndị Kọrẹntị Nke Ẹbụọ 10:1

Mmẹ wụ Pọlụ rị a rịọ ụnụ; m rị e gi nwayọ lẹ obi-ebere Kraịstị a rịọ ụnụ. Mmẹ hụn wẹ sị nị m'e ku ẹkẹrẹ-ẹkẹrẹ ihun ụnụ, kanị m pụ ebe ụnụ rị, a banmanị m ụnụ mban!

Ndị Kọrẹntị Nke Ẹbụọ 8:24

Gi ni nwan oghereni ghọsị ndịnị ihiẹn-ọsụsụọ lẹ ihiẹn ẹnyi rị e gini ụnụ a nyan isi, kẹni ndị ụka ile gi ẹ dọn.

Ndị Galeshịa 5:23

imẹ-jụụ, ikwọndọn-enwẹn ịhịan. Onyẹ e mẹ ihiẹn ndịnị adannị iwu ọwụlẹ.

Ndị Galeshịa 6:1

Umunẹ m, omẹni o nwọn onyẹ mẹ njọ, ụnụ ndị Mmọn-nsọ rị a kị, gi ni nwayọ wekinhẹn ẹ. Ka kpachanpụ nị ẹnya amamgbe ọnwụnwan a bịanị ụnụ nwẹn.

Ndị Galeshịa 6:4

Onyẹ-onyẹ ya lele ihiẹn ọ rị e mẹ. Omẹni ọ hụghọ mma, ya gi ihiẹn ya lẹ nwẹn mẹ nyan isi, ẹlẹ makẹni o mẹkarịgụọ onyẹ ọzọ,

Ndị Ẹfẹsọsụ 4:2

E welụachanrịn nị enwẹn ụnụ alị, e mẹ ni jụụ; e gi ni ndidin e sọn ibe ụnụ makẹ ufiri ihiẹn-ọsụsụọ.

Ndị Filipi 1:27

Ka bisọnmẹni obibi furu oziọma Kraịstị, n'o mẹni kẹ m bịa d'a hụn ụnụ kẹ abịanị m, nị ntịn kẹ m gihụ nụ ukwere ụnụ, e gi m'ẹ dọn nị ụnụ gi mmọn ohu wuzo, gi obi ohu a lụ ọgụn ụnụ gi a kwadọn ihiẹn ile oziọma sị ẹnyi kweri;

Ndị Kolosị 3:12

Nọkẹ ndị Chuku họrị, ndị rị nsọ, ndị rị a obi, yiri ni nwan omikẹn lẹ ẹfọma, iwelụa enwẹn ụnụ alị, imẹ-jụụ lẹ ndidin.

Timoti Ibuzọ 4:12

Anịkwọlẹ onyẹ ọwụlẹ legberi i n'ị wụ nwata. Ka wụrụ onyẹ ndị kwerini e leri oku-ọnụ a, obibi ẹ, ihiẹn-ọsụsụọ a, okukwe ẹ lẹ k'o dọn e dọnmẹ obi ẹ ọchan.

Timoti Ibuzọ 6:11

Kanị, ịyụ, onyẹ nke Osolobuẹ, gbanị ihiẹn ndịnị ile ọsọ. Chụma ezi-omumẹ, ife-Chuku ọhụnma, okukwe, ihiẹn-ọsụsụọ, ndidin lẹ imẹ-jụụ.

Timoti Nke Ẹbụọ 2:25

e gi nwayọ a kọwanị ndị ghalẹni e kweyen'ẹ, makẹni Osolobuẹ nwọn ikẹn mẹ wẹ rogharị, bịa d'a marịn ezioku,

Taịtọsụ 3:2

Gwa wẹ ekujalẹ oku ịhịan, wẹ emẹlẹ ndị ikpe-lẹ-ọgụn, wẹ wụrụ ndị e mẹ jụụ lẹ ndị e ye onyẹ ọwụlẹ mgbaye.

Hibru 13:5

Anịkwọlẹ ni egho a sụọ ụnụ; a nị nị ihiẹn ụnụ nwọn e jun ụnụ ẹfọ. Makẹni, Osolobuẹ e kuọlẹ, sị, “Ahapụkọ m ụnụ; alakọ m ụnụ tọ.”

Jemisi 1:21

Wepụ nị nwan ihiẹn ile ru unyin lẹ eje-ihiẹn ile ụnụ rị e gi e mẹkarị enwẹn ụnụ; ụnụ e welụa enwẹn ụnụ alị nabanhan oku Osolobuẹ wẹ kụnye imẹ obi ụnụ, hụn k'a saẹka zụọpụha umẹ-ndụn ụnụ.

Jemisi 2:18

Kanị, o nwọn onyẹ k'a sị, “Nke i wụ okukwe, nke m wụ ọrụn.” Azịza m wụ, “Ghọsị m okukwe i ahụn i gilẹni rụn ọrụn. Mmẹ nwẹn, m jẹnkọ d'e gi ọrụn m ghọsị ị okukwe m.”

Jemisi 3:1

Umunẹ m, emẹlẹ ni ndị-nkuzi, ndị-nkuzi, makẹni ụnụ a marịnghọ nị ikpe wẹ k'e kin ẹnyi ndị-nkuzi k'a ka ikẹn.

Jemisi 3:17

O mẹ nke amamihiẹn ahụn gha elu-igwee bịa, nke ibuzọ wụ nị ya lẹ obi rị ọchan wị, udọn k'ọ chọ, ara mẹ ikẹn-ikẹn; o kweyezini ndị ọzọ, omikẹn lẹ mkpụrụ rị mma jun ẹ, ara gbeyeni ịhịan, ntụ arịa.

Pita Ibuzọ 1:15

Ka bi ni obibi rị nsọ ụzọ ile kẹ Osolobuẹ hụn kpọ ụnụ dọn rị nsọ.

Pita Ibuzọ 2:12

E bi ni ọhụnma imẹ ndị alị ọzọ kwerilẹni; kẹni, wẹ gha e kuja oku ụnụ nị ụnụ rị e mẹ eje-ihiẹn, wẹ hụ a hụn ihiẹn rị mma ụnụ rị e mẹ, kẹni wẹ gi ẹ ja Osolobuẹ mma Ụhụọhịn hụ o k'a bịa.

Pita Ibuzọ 2:9

Kanị, ụnụ nwẹn wụ agbọ wẹ họrị ahọrị; ndị nchụn-ẹjan Eze; ebọn rị nsọ; ndị nke Osolobuẹ kẹti-kẹti, kẹni ụnụ a ghọsị ẹka-ọrụn Onyẹ hụn kpọpụha ụnụ imẹ ishi bu ụnụ che imẹ ukpẹ ẹ rịgbu enwẹn ẹ mma.

Pita Ibuzọ 3:4

Ka nị nị mma ụnụ wụrụ mma imẹ obi, mma ahụn ghalẹni a fapụ, mma imẹ-jụụ lẹ ịwụ-ọmẹhẹn, hụn rị mkpa ọda-ọda ẹnya Osolobuẹ.