Jemisi 2:9 - Ika

⁹ Kanị, omẹni ụnụ e gbeyeni ịhịan, njọ kẹ ụnụ rị e mẹ, ikpe a maọlẹ ụnụ makẹni ụnụ rị a dan iwu.

Jemisi 2:9 ပူးပေါင်းရင်းမြစ်များ

Lẹvitikọsụ 19:15

“Ebulẹ ikpe ma onyẹ ikpe malẹni; egbeyelẹni ogbẹnnyẹ mọbụ kuyeni okẹn-ịhịan, ka hannị ibe i eṅẹn ọhụnma.

Jọnụ 16:8

Ọ bịa, ịya sikọ d'a ghọsị ụwa njọ wẹ, ghọsị wẹ ihiẹn wụ ezi-omumẹ, ghọsị wẹ kẹ ikpe dọn ma wẹ.

Jọnụ 8:46

Imẹ ụnụ ile, onyẹ k'a saẹka ghọsị nị m mẹ njọ? Omẹni ezioku ke m rị a gwa ụnụ, kị haịn nwan ụnụ gilẹni kweri ihiẹn m rị e ku?

Jọnụ 8:9

A nụ wẹ ihiẹn ọ za, wẹ ile nọ pụma ohu-ohu — ndị kanị bu ụzọ pụma, d'e ru n'ọ họdụ Jizọsị sụọ; okpoho hụ turuhụkwọ ihun Jizọsị ebẹhụ.

Ọrụn Ndị-ozi 10:34

Ya kẹ Pita nọ gwama wẹ oku, sị, “A hụngụọ m'a nwan nị Osolobuẹ ara tu onyẹ ịhịan wụ.

Ndị Rom 3:20

Makẹni, onwọnni onyẹ jẹnkọ d'e gi idọnmẹ Iwu Mozizi wụrụ onyẹ ezi-omumẹ ebe Osolobuẹ rị, makẹni Iwu Mozizi ke wẹ gidẹ a ghọsị ịhịan n'o mẹọlẹ njọ.

Ndị Kọrẹntị Ibuzọ 14:24

Kanị omẹni ịhịan ile hụ e kupụ uche Osolobuẹ, onyẹ hụn kwerilẹni mọbụ onyẹ marịnlẹni ẹnya ihiẹn ndịnị banhan, ihiẹn ọ rị a nụ ọnụ ịhịan ile a mama a ikpe, mẹ ẹ jụma enwẹn ẹ njụ;

Ndị Galeshịa 2:19

Makẹni, e gigụọ m ihiẹn rị imẹ Iwu nwụnnahịn Iwu, kẹni m hụn ụzọ rịnị Osolobuẹ ndụn.

Ditrọnọmi 1:17

Egbeyelẹni ni hụn ọwụlẹ; nụ nị ọnụ onyẹ-onyẹ — kẹ onyẹ-uku kẹ onyẹ-nta. Atụlẹ ni egun onyẹ ọwụlẹ, makẹni Osolobuẹ ya sị wẹ a han eṅẹn. Ikpe ọwụlẹ karị ụnụ ẹka, ụnụ e wẹhẹni m'ẹ nị m gi ẹka m dọnzi ẹ.”

Jọnụ Ibuzọ 3:4

Onyẹ ọwụlẹ hụn e mẹ njọ rị a dan iwu makẹni njọ wụ ịdan-iwu.

Judu 1:15

Ọ lala d'e kin ịhịan ile ikpe, d'a ma wẹ ile ikpe — ikpe eje-ihiẹn ile wẹ gi eje-agụngụn wẹ mẹ lẹ eje-oku ile jọgbu enwẹn ẹ, hụn ndị-njọ ghalẹni a gbaye Osolobuẹ gi kuja oku ẹ!”