Jemisi 2:8 - Ika

⁸ Omẹni ụnụ e dọnmẹghọ iwu hụ Eze ye kẹ wẹ dọn de ẹ imẹ Ẹkụkwọ-nsọ, sị, “Ihiẹn ibe i ya sụọ ị kẹ ihiẹn i dọn a sụọ ị,” nkẹ ọ rịka mma.

Jemisi 2:8 ပူးပေါင်းရင်းမြစ်များ

Ndị-nze Nke Ibuzọ 8:18

Kanị Osolobuẹ nọ sị Defidi nẹdi m, ‘Ebe ị nọ bu ẹ obi n'ị tụnnị m Ụlọ-nsọ jẹnkọ d'a za Ẹfan m, y'e mẹkẹ ebe ị nọ ro ẹ.

Ndị-nze Nke Ẹbụọ 7:9

Wẹ nọ sị ibe wẹ, “Ihiẹn ẹnyi rị e mẹ arị mma. O te furu ni ẹnyi d'a gwa wẹ ihiẹnni rị mma mẹ tannị, bụ ẹnyi a gba nkịtịn. Ẹnyi cheri mgbe eki fọn, o k'e buhẹkwọnị ẹnyi afụnfụn. Nị ẹnyi jẹn d'a gwa ndị rị obi-eze.”

Lẹvitikọsụ 19:18

“Emẹgwarịlẹ onyẹ nke ụnụ mọbụ bu iwe ẹ obi, ka ihiẹn ibe i ya a sụọ ị kẹ ihiẹn enwẹn i dọn a sụọ ị. Mmẹ wụ Osolobuẹ.

Lẹvitikọsụ 19:34

I k'e mẹrịrị abịamabịa yụ lẹ ya bi kẹ onyẹ nke ụnụ. Ihiẹn ẹ ya sụọ ị kẹ ihiẹn enwẹn i dọn a sụọ ị, makẹni ụnụ nwẹn nkẹ te wụ abịamabịa imẹ alị Ijiptu. Mmẹ wụ Osolobuẹ, Chuku ụnụ.

Jona 4:4

Ya kẹ Osolobuẹ nọ jụ Jona kẹ o furughọ n'o we iwe.

Jona 4:9

Ya kẹ Chuku nọ jụ a kẹ o furughọ n'o ze ize nị ihiẹn-akụnkụn hụ shinwụn eshinwụn. Jona nọ za, sị, “Ize k'e ze m nụ! O d'e zegbudẹ m!”

Matiu 22:39

Nke ẹbụọ nọzị kẹ nke ibuzọnị: ọ sị, ‘Ihiẹn ibe i sikọ d'a sụọrịrị ị kẹ ihiẹn enwẹn i dọn a sụọ ị.’

Matiu 25:21

“Di-nwọnn'ẹ nọ sị, ‘Ezigbo odibo wẹ gi e dọn ẹnya! Y'e kwọndọngụọ ihiẹn mẹ ẹkẹrẹ ọhụnma. M jẹnkọ d'e ye i ihiẹn bu ọda lepụ ẹnya. Bịa d'e sọn di-nwọnn'i ghọghọ.’

Matiu 25:23

Di-nwọnn'ẹ nọ sị a, ‘Y'e mẹyekẹ, ezigbo odibo wẹ gi e dọn ẹnya; y'e kwọndọngụọ ihiẹn mẹ ẹkẹrẹ ọhụnma. M jẹnkọ d'e ye i ihiẹn bu ọda lepụ ẹnya. Bịa d'e sọn di-nwọnn'i ghọghọ.’

Matiu 7:12

“Ya wụ, imẹ ihiẹn ile, e mẹ ndị ọzọ ihiẹn i chọ nị wẹ mẹ i: ọnwan wegbama ihiẹn ile Iwu lẹ ndị-amụma ku.

Ndị Rom 13:10

Onyẹ nwọn ihiẹn-ọsụsụọ ịhịan ara mẹ ẹ eje-ihiẹn; ya wụ nwan nị onyẹ nwọn ihiẹn-ọsụsụọ ibe ẹ e mẹzuchanrịngụọ Iwu.

Ndị Galeshịa 5:14

Makẹni, wẹ wegbamachanrịn Iwu ile imẹ iwu ohu hụn wụ “Ihiẹn ibe i k'a sụọrịrị ị kẹ ihiẹn enwẹn i dọn a sụọ ị.”

Ndị Galeshịa 6:2

E bu ni ibu ibe ụnụ, e gi ẹ e mẹzu iwu Kraịstị.

Ndị Filipi 4:14

K'osilẹrị, ụnụ e mẹkẹ ụnụ gi yeni m ẹka imẹ nsọngbu m.

Ndị Tẹsalonika Ibuzọ 4:9

O mẹ nke inwọn ihiẹn-ọsụsụọ ibe ụnụ nọkẹ umunẹ imẹ Kraịstị, ọ rịnị mkpa nị wẹ deni ụnụ ihiẹn ọwụlẹ. Makẹni, Osolobuẹ e gigụọ ẹka a kuzi ụnụ inwọn ihiẹn-ọsụsụọ ibe ụnụ.

Jemisi 1:25

Kanị omẹni ịhịan hụ e lee iwu hụ zu oke ịhịan gi e nwọnrin enwẹn ẹ, e lesọnmẹ, nị ẹlẹ onyẹ a nụgụ, a zọ, kanị ọ hụ e gi ẹ e bi, o sikọ d'a narịn ngọzi makẹni ọ hụ e mẹ ẹ.

Jemisi 2:12

Ya wụ, kẹ oku-ọnụ kẹ omumẹ, e mẹchanrịn nị wẹ kẹ ndị wẹ k'e gi iwu e mẹ ịhịan e nwọnrin enwẹn ẹ kin ikpe:

Jemisi 2:19

Y'e nwọnghọ okukwe i gi kweri nị Osolobuẹ ohu sụọ rị, ẹlẹ ịya? Y'e mẹkẹ! Eje-mmọn nkẹ e nwọnzighọ okukwe wẹ gi kweri! Ya haịn wẹ gi a ma piripiri!

Jemisi 4:11

Umunẹ m, ekujakwọlẹ ni oku ibe ụnụ, makẹni onyẹ hụn kuja oku ibe ẹ mọbụ kin ẹ ikpe rị e kuja oku Iwu Osolobuẹ ye, e kin Iwu Osolobuẹ ikpe. Ị gha e kin Iwu ikpe, y'ẹlẹzi onyẹ e dọnmẹ Iwu, y'a wụrụgụọ ọka-ikpe!

Pita Ibuzọ 2:9

Kanị, ụnụ nwẹn wụ agbọ wẹ họrị ahọrị; ndị nchụn-ẹjan Eze; ebọn rị nsọ; ndị nke Osolobuẹ kẹti-kẹti, kẹni ụnụ a ghọsị ẹka-ọrụn Onyẹ hụn kpọpụha ụnụ imẹ ishi bu ụnụ che imẹ ukpẹ ẹ rịgbu enwẹn ẹ mma.