Jemisi 2:6 - Ika

⁶ Bụ ụnụ hụ e legberi ndị-igbẹnnyẹ! Ẹlẹ ndị-ịdanfịn a bịangbu ụnụ? Ẹlẹ wẹ a dọjẹn ụnụ ọgwa?

Jemisi 2:6 ပူးပေါင်းရင်းမြစ်များ

Jobu 20:19

Makẹni ọ bịangbuọlẹ ndị igbẹnnyẹ, gbachanrịn wẹ ẹka; o werigụọ ụlọ ndị ọ tụnlẹni.

Ẹbụ-ọma 10:10

Ndụn a gụ wẹ, a sọhị wẹ, makẹni ọ karịgụọ wẹ ẹka!

Ẹbụ-ọma 10:14

Kanị yụ wụ Osolobuẹ hụ a hụnkwọ kẹ nsọngbu kẹ ẹkwan — n'i mẹgwarị. Onyẹ wẹ rị a bịangbu sikọ d'e bu enwẹn ẹ che i ẹka; ịyụ e yeni ndị nwọnlẹni nẹdi ẹka.

Ẹbụ-ọma 10:2

Eje-ịhịan hụ e mẹkarị enwẹn ẹ a chụgbu ndị zelẹni; eje-umẹ wẹ rị e zu ya nwụndọn wẹ!

Ẹbụ-ọma 10:8

Ọ warịsọnmẹ alị ọfịa, a nọ ebe ọ warị e gbu ndị nwọnlẹni ihiẹn wẹ mẹ; ẹnya a hụ a chọ onyẹ k'a nị a gbu.

Ẹbụ-ọma 12:5

Osolobuẹ sị, “Makẹ ọbịangbu wẹ rị a bịangbu ndị zelẹni lẹ udẹn ndị rị imẹ-nsọngbu rị a sụn — m jẹnkọ d'e lihi nwan d'e che wẹ nche hụ rị wẹ obi ọda-ọda.”

Ẹbụ-ọma 14:6

Ụnụ ndị-ejẹ e mẹsọnmẹ ndị ụnụ rị a bịangbu uke, kanị Osolobuẹ kẹ wẹ gbaburu.

Itẹn 14:31

Onyẹ hụn e mẹgbu ndị igbẹnnyẹ rị e legberi Onyẹ keni wẹ, kanị onyẹ ọwụlẹ e mẹni ndị elu rị a fụ ọhụnma rị a gbaye Chuku.

Itẹn 17:5

Onyẹ hụn a mụ ndị igbẹnnyẹ ẹmụ rị a kpari Onyẹ keni wẹ; onyẹ hụn a ghọghọ makẹni nsọngbu bịanị ịhịan k'a narịnrịrị afụnfụn.

Itẹn 18:23

Ogbẹnnyẹ a rịọ arịọ, kanị ọdanfịn a gan agan.

Itẹn 22:16

Kẹ onyẹ hụn e mẹgbu ndị igbẹnnyẹ e gi ẹ e hiwaye ọdanfịn kẹ onyẹ hụn e ye ọdanfịn ihiẹn, ogbẹnnyẹ kẹ wẹ ẹbụbụọ a dan.

Itẹn 22:7

Ọdanfịn a kị ogbẹnnyẹ, onyẹ zinnarịnnị wụ odibo onyẹ zinyen'ẹ.

Ẹkịliziastisi 5:8

Ị hụn alị wẹ nọ a bịangbu ogbẹnnyẹ, e mẹgbu ịhịan, a napụ wẹ ihiẹn runi wẹ, ya atụlẹ i ẹnya; makẹni onyẹ ọrụn rị e mẹn'ẹ rị e lee onyẹ-isi ẹ; onyẹ-isi rịzịkwọ e lee onyẹ hụn ka ya nwẹn.

Azaya 53:3

Wẹ lelịa a elelịa, jụ a; nsọngbu-nsọngbu lẹ afụnfụn wẹ gi a gbanị ịhịan ọsọ k'ọ hụnsọnmẹ. Wẹ legberi ẹ elegberi; onwọndẹni ihiẹn ẹnyi kpọ a.

Emọsụ 4:1

Gọn ni ntịn, nị onyẹnnyẹ efin Bashanị kẹ ụnụ wụ, ụnụ, ikpoho bi ugu Sameria. Ụnụ ndị a bịangbu igbẹnnyẹ, e gwekpọ ndị ẹka wẹ rulẹni. Ụnụ ndị a sị ndị di ụnụ, “Wẹhẹ manya nị ẹnyi ra!”

Emọsụ 5:11

Ebe ụnụ rị a zọ ndị igbẹnnyẹ ụkụ isi, a sị wẹ tụnị ụnụ ọka, ụnụ ebikọ ezigbo ụlọ ndị ahụn ụnụ gi ọmụma wẹ chọ mma tụn! Ụnụ arakọ manya alị-vaịnị ndị ahụn rịgbu enwẹn ẹ mma hụn ụnụ rụn;

Habakọkụ 3:14

Ị nọ gi ihiẹn-ọgụn a zupu ndị odogun-agha a isi, kẹ wẹ kpọha nọkẹ okẹn ufere d'e feyịya ẹnyi; e yi, a ghọghọ, nọkẹ onyẹ gi nzuzue bịa d'e gburi ndị nwọnlẹni onyẹ eyemẹka;

Zẹkaraya 7:10

abịangbulẹ ni ikpoho di wẹ nwụn, ndị nwọnlẹni nẹdi, abịamabịa lẹ ndị igbẹnnyẹ; amamalẹ ni ni ibe ụnụ eje-ihiẹn.”

Jọnụ 8:49

Jesu nọ sị, “Eje-mmọn arị imẹ m; m hụ e ye Nẹdi m ọghọ, ụnụ nwẹn hụ a kpari m.

Ọrụn Ndị-ozi 13:50

Ya ndị Ju nọ kpasu ikpoho wẹ marịn amarịn wụlẹni ndị Ju, hụn e sọn ndị Ju e fe Osolobuẹ, uwẹ lẹ ikẹnnyẹ wẹ marịn amarịn obodo hụ, wẹ ile nọ kpokpomẹ Pọlụ lẹ Banabasị, chụpụ wẹ ẹgbẹrẹ wẹ.

Ọrụn Ndị-ozi 17:6

Ahụnnị wẹ wẹ; ya wẹ nọ dọkpụnrụn Jasịnị lẹ ụfọdụ ndị kwerini jẹnni ndị-isi obodo hụ, e yi, “Ikẹnnyẹ ndịnị rị e bu ụwa isi a kpọma alị e ruzịọlẹ ebeni,

Ọrụn Ndị-ozi 18:12

Kanị ogẹn Galio gi wụ Gọvanọ rị a kịnị ndị Rom Ẹgbẹrẹ Akaya, ndị Ju nọ kpọngbama, maye Pọlụ, w'ẹ jẹn ọgwa Gọvanọ.

Ọrụn Ndị-ozi 8:3

Kanị Sọlụ nkẹ hụ a lụ nọ kụsị ụka Jesu, a gha ụlọ-ụlọ a dọkpụnpụha ikẹnnyẹ lẹ ikpoho kweri ni Jesu, e bu wẹ e che ụlọ-ngan.

Ndị Kọrẹntị Ibuzọ 11:22

Kịnị! Ụnụ enwọn ụlọ ụnụ nọ e ri, a ra? Ra ụnụ rị e legberi ụka Osolobuẹ, e gbe ifẹnrẹn e ye ndị nwọnlẹni ihiẹn ọwụlẹ ihun? Kị m k'a gwa nwan ụnụ? Nị m jama ụnụ mma? Ajakọ m ụnụ!

Jemisi 2:3

nị ụnụ a gbaye hụn kẹn ekikẹn rị mma, sị a, “Dodo, nọdị alị ocheni rị mma,” sị hụn ogbẹnnyẹ, “Wuzo ebẹhụ,” mọbụ “Nọdị alị akpakalị ebeni ụkụ m rị,”

Jemisi 5:4

Gọn ni ntịn! Egho ụnụ jụ nị ụnụ akụkọ ndị sụnnị ụnụ ọfịa rị nwan a shịagbu ụnụ ẹri! Ẹkwan ndị ghọnị ụnụ ihiẹn-ugbo e rugụọzị Osolobuẹ nwọn ikẹn ile ntịn!

Jemisi 5:6

Ụnụ a magụọ ndị nwọnlẹni ihiẹn wẹ mẹ ikpe, gbu wẹ, onwọnni ihiẹn wẹ jụ ụnụ!