Jemisi 2:25 - Ika

²⁵ Ẹlẹ ẹrịra kẹ Osolobuẹ dọnzi kuni ịgbaraja hụ wụ Rehabụ ọhụnma yeni ọrụn a, ogẹn hụ o gi nabanhan ndị Joshụa zi d'e gi nzuzue lele alị Jẹriko, o zuemẹ wẹ, ghọsị wẹ ụzọ wẹ gha la?

Jemisi 2:25 ပူးပေါင်းရင်းမြစ်များ

Matiu 1:5

Salụmọnụ wụ nẹdi Bụazị, nnẹ Bụazị wụ Rehabụ. Bụazị wụ nẹdi Obẹdi, nnẹ Obẹdi wụ Rutu. Obẹdi wụ nẹdi Jese.

Matiu 21:31

Onyẹ imẹ wẹ mẹ ihiẹn nẹdi ẹ chọ? Wẹ nọ sị, ‘Nke ibuzọ.’ “Jizọsị nọ sị wẹ: M rị a gwa ụnụ ezioku, ndị a na Ụgwọ-isi wẹ gi njọ wẹ marịn lẹ ndị ịgbaraja hụ e buni ụnụ ụzọ a banye Alị-eze Osolobuẹ.

Ọrụn Ndị-ozi 17:7

Jasịnị e bu wẹ che ụlọ! Wẹ ile rị a dan iwu eze-kanị wụ Siza, e ku n'o nwọn eze ọzọ rịnị w'a kpọ Jesu.”

Hibru 11:31

Okukwe kẹ ịgbaraja wụ Rehabụ gilẹni sọn ndị nupụ isi la ntikpọ, makẹni ọ nabanhanghọ ndị Izrẹlụ gi nzuzue bịa d'e lele alị wẹ.

Jemisi 2:18

Kanị, o nwọn onyẹ k'a sị, “Nke i wụ okukwe, nke m wụ ọrụn.” Azịza m wụ, “Ghọsị m okukwe i ahụn i gilẹni rụn ọrụn. Mmẹ nwẹn, m jẹnkọ d'e gi ọrụn m ghọsị ị okukwe m.”

Jemisi 2:22

Y'a hụn a? Okukwe ẹ lẹ ihiẹn o mẹ gba rụn ọrụn; ihiẹn o mẹ kẹ okukwe ẹ gi zu oke.

Jemisi 2:24

Y'a hụn a nwan nị ihiẹn onyẹ rụn kẹ Osolobuẹ gi e kun'ẹ ọhụnma, ẹlẹ okukwe sụọ!

Joshụa 2:1

Ya Joshụa nwa Nọnụ nọ gha Shitim wẹ rị gi nzuzue zipụ ikẹnnyẹ ẹbụọ, sị wẹ, “Jẹn ni d'e lele alị hụ, tụmadụ Jẹriko.” Ya wẹ nọ jẹnmẹ. E ru w'ẹ, wẹ nọ banye iwe ịgbaraja ohu ẹfan a wụ Rehabụ; wẹ nọ ranhịn ebahụn eki e we fọn.

Joshụa 2:15

Ya Rehabụ nọ gha windo gi ụdọ dọtu wẹ ye azụụn mgbọn hụ, makẹni wẹ rụn ụlọ a nyanma mgbọn obodo hụ.

Joshụa 2:16

Ọ gwagụọ wẹ sị, “Gbashi ni ibẹka hụ ugu rịsọnmẹ, amamgbe ndị chọkọ ụnụ a hụn ụnụ. Warị nị ebahụn akp'ọhịn ẹtọ nị wẹ lụahagụ ụnụ kebe lama.”

Joshụa 2:4

Kanị, okpoho ịhịan e wegụọdẹ ikẹnnyẹ ẹbụọ hụ zuemẹ. Ya ọ nọ sị, “Ezioku-ezioku, a bịaghọ wẹ d'e kunrun m, kanị amarịn m nwan ebe wẹ gha bịa.

Joshụa 2:6

(Kanị okpoho ịhịan e wegụọ wẹ shi elu ụlọ, zuemẹ wẹ ye imẹ ikpọn ẹfịfịa-flasị ọ tanma elu ụlọ hụn wẹ gi a tụ oruru linẹ.)

Joshụa 6:17

Wẹ k'e gikwọ obodo Jẹriko lẹ ihiẹn ile rịn'a kwanị Osolobuẹ ghahanị itikpọchanrịnnị wẹ. Rehabụ ịgbaraja sụọ k'a họdụ, ya lẹ ndị ile ya lẹ wẹ rị iwe ẹ, makẹni o zuemẹ ndị ẹnyi zi d'e lele obodo hụ.