Jemisi 2:21 - Ika

²¹ Ẹlẹ ihiẹn nẹdi ẹnyi wụ Ebraham rụn kẹ Osolobuẹ gi kun'ẹ ọhụnma, ogẹn hụ o gi wẹhẹ nwa a wụ Aziki ukpo nchụn-ẹjan hụ, n'o gi ẹ chụn ẹjan?

Jemisi 2:21 ပူးပေါင်းရင်းမြစ်များ

Ẹbụ-ọma 143:2

Dodo, akpọlẹ mmẹ wụ odibo i kpe, makẹni onwọnni onyẹ rị ndụn hụn rị ọchan ẹnya ị,

Azaya 51:2

Leri ni nẹdi ụnụ wụ Ebraham lẹ Sẹra nnẹ mụnị ụnụ. Ogẹn m gi kpọ Ebraham, onyẹ ohu k'ọ wụ. Kanị, a gọzi m'ẹ, mẹ ẹ mụba.

Matiu 12:37

Makẹni oku-ọnụ ị kẹ w'e gi ma ị ikpe, oku-ọnụ ị kẹ w'e gizikwọ sị ikpe amanị ị.”

Matiu 3:9

atụkwọlẹ ni enwẹn ụnụ ntụ, a sị, ‘Ebraham wụ nẹdi ẹnyi nụ!’ Makẹni, m rị a gwakwọ ụnụ, Osolobuẹ k'a saẹka gi ọmụma ndịnị ye Ebraham ụmụ.”

Luku 1:73

nyanhan ẹfan a, hụn o kunni nẹdi ẹnyi kanị wụ Ebraham ogẹn o gi kwe ẹ nkwa —

Luku 16:24

Ya ọ nọ yi, ‘Nẹdi ẹnyi Ebraham! Mẹ omikẹn m zi Lazarọsụ n'o gi ọnụnụ mkpịnsịn-ẹka a deri mirin tanye m ire kẹni ire jụụ m oyi, makẹni m rị a ta okẹn afụnfụn imẹ ọkụnnị!’

Luku 16:30

Ọdanfịn hụ nọ sị a, ‘Mba nẹdi ẹnyi wụ Ebraham, ọhụn ezuni! Onyẹ gha ọnwụn lihi jẹn d'e kunrun wẹ, wẹ jẹnkọ d'e rogharị.’

Jọnụ 8:39

Wẹ nọ sị, “Ebraham wụ nẹdi ẹnyi.” Jesu nọ sị wẹ, “Omẹni ụmụ Ebraham kẹ ụnụ wụ, nkẹ ụnụ hụ e mẹ ihiẹn Ebraham mẹ.

Jọnụ 8:53

Ebraham nẹdi ẹnyi a nwụnhụnghọ, ndị-amụma a nwụnhụnzịghọ; ịyụ kazị wẹ? K'ị rịdẹ nwan a kpọ enwẹn i?”

Ọrụn Ndị-ozi 7:2

Stivini nọ za, sị, “Umunẹ m lẹ ndị nẹdi ẹnyi, gọn nị m ntịn! Osolobuẹ hụn nwọn ọghọ bịa d'e kunrun nẹdi ẹnyi kanị wụ Ebraham imẹ alị Mẹsopotemịa. Ebraham eke jẹn alị Haranị d'e biri ogẹn ahụn.

Ndị Rom 3:20

Makẹni, onwọnni onyẹ jẹnkọ d'e gi idọnmẹ Iwu Mozizi wụrụ onyẹ ezi-omumẹ ebe Osolobuẹ rị, makẹni Iwu Mozizi ke wẹ gidẹ a ghọsị ịhịan n'o mẹọlẹ njọ.

Ndị Rom 4:1

Kị ẹnyi k'a sị nwan nị ya kẹ Ebraham nẹdi ẹnyi elu-ụwanị hụn?

Ndị Rom 4:12

lẹni Ebraham wụrụzịkwọ nẹdi ndị hụn kwa ugun bụ ẹlẹ nị wẹ kwahụ ugun, kanị e nwọnzighọ wẹ okukwe ahụn Ebraham nẹdi ẹnyi nwọn n'o d'a kwa ugun.

Ndị Rom 4:16

Ya wụ nị okukwe kẹ wẹ gha e nwọnhẹn ihiẹn ahụn Osolobuẹ kwe nkwa a, kẹni nkwa hụ wụrụ ihiẹn-ọfẹ Osolobuẹ gi ẹfọma ye hụn k'e ru ụmụ Ebraham ile ẹka — ẹlẹ ndị wẹ ye Iwu sụọ kanị ndị ile nwọn okukwe kẹ Ebraham, ebe o mẹ ni ịya wụ nẹdi ẹnyi ile.

Hibru 11:17

Okukwe kẹ Ebraham gi wepụha Aziki n'o gi ẹ chụn ẹjan, ogẹn Osolobuẹ gi lele ẹ. Onyẹ nwẹn Osolobuẹ kwe nkwa ndị ahụn nọ wepụha akpụ nwa a ohu!

Jemisi 2:18

Kanị, o nwọn onyẹ k'a sị, “Nke i wụ okukwe, nke m wụ ọrụn.” Azịza m wụ, “Ghọsị m okukwe i ahụn i gilẹni rụn ọrụn. Mmẹ nwẹn, m jẹnkọ d'e gi ọrụn m ghọsị ị okukwe m.”

Jemisi 2:24

Y'a hụn a nwan nị ihiẹn onyẹ rụn kẹ Osolobuẹ gi e kun'ẹ ọhụnma, ẹlẹ okukwe sụọ!

Joshụa 24:3

Kanị m nọ gha nfetu Iyi Yufretisi wepụha nẹdi ụnụ wụ Ebraham, duru ẹ ghahunmẹchanrịn alị Kenaanị ile, ye ẹ ụmụ bu ọda. E ye m'ẹ Aziki;