Jemisi 2:18 - Ika

¹⁸ Kanị, o nwọn onyẹ k'a sị, “Nke i wụ okukwe, nke m wụ ọrụn.” Azịza m wụ, “Ghọsị m okukwe i ahụn i gilẹni rụn ọrụn. Mmẹ nwẹn, m jẹnkọ d'e gi ọrụn m ghọsị ị okukwe m.”

Jemisi 2:18 ပူးပေါင်းရင်းမြစ်များ

Ndị Rom 14:23

Onyẹ gi obi-ẹbụọ e ri, ikpe a magụọ a, makẹni o rin'ẹ n'o nwọn okukwe n'ọ hụghọ mma ẹnya Osolobuẹ: makẹni ihiẹn ọwụlẹ ịhịan gilẹni okukwe mẹ wụ njọ.

Ndị Rom 3:28

Ya wụ, ẹnyi gi ẹ dọn nị okukwe ịhịan kẹ Osolobuẹ gi e kuni ịhịan ọhụnma, ẹlẹ idọnmẹ Iwu.

Ndị Rom 4:6

Ịya kẹ Defidi gi sị nị ngọzi rọ nị Osolobuẹ kpọ ịhịan onyẹ ezi-omumẹ bụ onwọnni ọrụn ọma onyẹ hụ rụn: Defidi sị,

Ndị Rom 8:1

Ya wụ, onwọnzini nwan ikpe hụn ma ndị rị imẹ Kraịstị wụ Jizọsị, ndị rịzịlẹni e bi kẹ ịhịan-mmaka kanị kẹ Mmọn-nsọ dọn chọ.

Ndị Rom 9:19

Kanị ụnụ k'a sị m, “Kị Chuku rị nwan e kpeni? Onyẹ napụtu Chuku ihiẹn ọ chọ n'o mẹ?”

Ndị Kọrẹntị Ibuzọ 13:2

O mẹdẹ ni m nwọn oyiye m gi e bu amụma e zi ozi Osolobuẹ, nwọnzikwọ oyiye m gi a ghọta ihiẹn ile mini lẹ hụn m gi a marịnchanrịn ihiẹn ile; ọsụọn'a nị m nwọn okukwe ile, nwọndẹ hụn m gi a saẹka e bupụ ugu ọnọdị a bụ enwọn m ihiẹn-ọsụsụọ, onwọnni ihiẹn m wụ!

Ndị Kọrẹntị Nke Ẹbụọ 5:17

Ya wụ, onyẹ rị imẹ Kraịstị a wụrụọlẹ onyẹ wẹ kedọnzi; ihiẹn akan a gharịgụọ; lee ẹ, ihiẹn ile e họnringụọ nke ọhụn!

Ndị Kọrẹntị Nke Ẹbụọ 7:1

Ndị nke m, hụnnị Osolobuẹ kwe ẹnyi nkwa ndịnị, nị ẹnyi chanpụ enwẹn ẹnyi ihiẹn ile e mẹrụ ẹhụ lẹ mmọn, gi egun Osolobuẹ a rịchanrịn nsọ.

Ndị Galeshịa 5:6

Makẹni, imẹ Kraịstị wụ Jizọsị, ịkwa-ugun lẹ akwanị-ugun enwọnni ihiẹn ọ wụ. Ihiẹn rị mkpa wụ okukwe rị e gi ihiẹn-ọsụsụọ a ghọsị enwẹn ẹ.

Timoti Ibuzọ 1:5

I sikọ d'a gwa wẹ akuzizilẹ, kẹni ịhịan hụn ụzọ gi ihiẹn-ọsụsụọ gha obi rị mma pụha e bi, e gi ịhọrị rị mma lẹ okukwe ru akpakalị obi e bi.

Taịtọsụ 2:7

Wụrụ onyẹ wẹ e leri imẹ ihiẹn ile rị mma. Ebe nkuzi i rị, wụrụ onyẹ ezioku lẹ onyẹ ghalẹni e gi nkuzi e gu egu,

Hibru 11:31

Okukwe kẹ ịgbaraja wụ Rehabụ gilẹni sọn ndị nupụ isi la ntikpọ, makẹni ọ nabanhanghọ ndị Izrẹlụ gi nzuzue bịa d'e lele alị wẹ.

Hibru 11:33

ndịnị ile gi okukwe mẹri alị rị ichẹn-ichẹn, gi ẹ kị ọkịkị rị mma; gi ẹ nwọnhẹn ihiẹn Osolobuẹ kwe wẹ nkwa a, gi okukwe kpukinsọnmẹ ọnụ ẹwọrọ;

Hibru 11:6

bụ ịhịan as'ẹka mẹ ihiẹn a sụọ Osolobuẹ mmanị o nwọn okukwe. Makẹni, onyẹ ọwụlẹ bịa d'e kunrun Osolobuẹ k'e girịrị a dọn nị Osolobuẹ rị arị lẹ nị ọ kụ ndị e gichanrịn obi wẹ a chọ a ụgwọ.

Jemisi 2:14

Umunẹ, elee erere k'ọ ban nị ịhịan sị n'o nwọn okukwe, bụ o gin'ẹ rụn ọrụn? Nị okukwe ahụn saẹka zụọpụha a?

Jemisi 3:13

Onyẹ marịn ihiẹn nke-esi imẹ igunrun ụnụ? Onyẹ nwọn nghọta? Ya gi obibi rị mma lẹ iwelụa enwẹn ẹ alị ghọsị amamihiẹn ẹ.