Jemisi 2:14 - Ika

¹⁴ Umunẹ, elee erere k'ọ ban nị ịhịan sị n'o nwọn okukwe, bụ o gin'ẹ rụn ọrụn? Nị okukwe ahụn saẹka zụọpụha a?

Jemisi 2:14 ပူးပေါင်းရင်းမြစ်များ

Jerimaya 7:8

Ka lee ẹ nwan, ụnụ hụ e gi ntụ hụn jẹnkọlẹni d'a bannị ụnụ erere e dọn ẹnya.

Matiu 5:20

M rị a gwa ụnụ, mmanị ezi-omumẹ ụnụ ka nke ndị-nkuzi Iwu lẹ ndị Itu-Farisi, ụnụ asakọ ẹka banye Alị-eze elu-igwee.

Luku 3:11

Ọ nọ sị wẹ, “Onyẹ nwọn ẹwuru ẹbụọ jẹnkọ d'e werịrị ohu ye onyẹ nwọnlẹni; onyẹ nwọn ihiẹn-oriri ya mẹzikwọ ẹrịra.”

Luku 6:49

“Kanị, onyẹ hụn a nụ oku m bụ ara gi ẹ rụn ọrụn rị kẹ onyẹ tụn ụlọ ye alị-mmakalaka, o gbeni iyetọ a: hụn mirin ahụn gihụ hukunrun ụlọ ahụn, ọ dan ozigbo, dankpọchanrịn!”

Ọrụn Ndị-ozi 15:9

Onwọnni ihiẹn ọ sị n'ọ rị ichẹn ẹgbata ẹnyi lẹ wẹ, makẹni o gigụọ okukwe chanchan obi wẹ.

Ọrụn Ndị-ozi 8:13

Saịmọnụ lẹ nwẹn ẹ nọ kwerizidẹ; e mẹgụ w'a mirin-Chuku, ọ nọ sọnhunmẹmẹ Filipu; okẹn ọrụn-atụmẹnya lẹ ihiẹn-nghọsị ọ rị a hụn Filipu rị a rụn hụ a tụ a ẹnya ọda-ọda.

Ọrụn Ndị-ozi 8:21

Y'a rị imẹ ihiẹnni, onwọnzikwọnị ihiẹn runi i imẹ ẹ, makẹni obi i ezinrinni ẹnya Osolobuẹ.

Ndị Rom 2:25

Nị ịhịan kwa ugun a banghọ erere omẹni ị hụ e dọnmẹ Iwu Osolobuẹ. Kanị, omẹni y'e nupụ isi okpuru Iwu ẹ, ugun ị kwa ẹlẹzi ugun nke-esi.

Ndị Kọrẹntị Ibuzọ 15:2

oziọma ahụn Osolobuẹ gi rị a zụọpụha ụnụ, omẹni ụnụ e kwọnkẹnmẹghọ ozi hụ m zi ụnụ — mmanị ụnụ kwerihụ nke ọlaliwi.

Ndị Kọrẹntị Ibuzọ 16:22

Ịbụ-ọnụ ya rịnị onyẹ ọwụlẹ ihiẹn Di-nwọnni-ẹnyi ghalẹni a sụọ! Di-nwọnni-ẹnyi, bịa!

Ndị Galeshịa 5:13

Ụnụ nwẹn, Osolobuẹ kpọ ụnụ d'e weri enwẹn ụnụ, umunẹ m, ka egikwọlẹ ni nị ụnụ nwọn enwẹn ụnụ mẹmẹ k'ọ rị ụnụ; ka gi ni ihiẹn-ọsụsụọ e fetarị ibe ụnụ.

Ndị Galeshịa 5:6

Makẹni, imẹ Kraịstị wụ Jizọsị, ịkwa-ugun lẹ akwanị-ugun enwọnni ihiẹn ọ wụ. Ihiẹn rị mkpa wụ okukwe rị e gi ihiẹn-ọsụsụọ a ghọsị enwẹn ẹ.

Ndị Tẹsalonika Ibuzọ 1:3

Ẹnyi hụ a nyanhan ụnụ ihun Osolobuẹ ẹnyi wụ Nẹdi ẹnyi: ihiẹn ile ụnụ rị e gi okukwe ụnụ a rụn, kẹ ụnụ dọn rị a lịlịma makẹni ụnụ nwọn ihiẹn-ọsụsụọ lẹzi kẹ ụnụ dọn rị e gi olilẹnya ụnụ nwọn imẹ Di-nwọnni-ẹnyi wụ Jesu Kristi e dingbu ihiẹn ile.

Timoti Ibuzọ 1:5

I sikọ d'a gwa wẹ akuzizilẹ, kẹni ịhịan hụn ụzọ gi ihiẹn-ọsụsụọ gha obi rị mma pụha e bi, e gi ịhọrị rị mma lẹ okukwe ru akpakalị obi e bi.

Timoti Ibuzọ 4:8

Ịzụn ẹhụ a banghọ erere, kanị ife-Osolobuẹ ka erere a ban ụzọ ile, makẹni w'e ri erere ẹ imẹ ndụnnị lẹ ndụn lalanị.

Taịtọsụ 1:16

Wẹ sị n'a marịnghọ wẹ Osolobuẹ, kanị wẹ e gi ihiẹn w'e mẹ a ghọsị n'a marịn w'a. Wẹ wụ ihiẹn-izize; wẹ a gba isi-akwanran; w'a ra saẹka mẹ ihiẹn ọwụlẹ rị mma.

Taịtọsụ 3:8

Ọnwan wụ ezioku. M chọ ni y'e ku ihiẹn ndịnị, e kushi wẹ ikẹn, kẹni ndị kwerigụnị Osolobuẹ hụn ụzọ e dọnrin ẹnya e we enwẹn wẹ a kwanị ọrụn ọma. Ihiẹn ndịnị a rịka mma, w'a bannị ịhịan ile erere.

Hibru 11:17

Okukwe kẹ Ebraham gi wepụha Aziki n'o gi ẹ chụn ẹjan, ogẹn Osolobuẹ gi lele ẹ. Onyẹ nwẹn Osolobuẹ kwe nkwa ndị ahụn nọ wepụha akpụ nwa a ohu!

Hibru 13:9

Awụkwọlẹ ni ndị wẹ gi nkuzi rị ichẹn-ichẹn e dufie; makẹni ọ rịka mma omẹni obi hụ e ru ịhịan alị makẹni o gi eyemẹka Osolobuẹ dọn ẹnya, ẹlẹ nị o dọnmẹsọnmẹ iwu ihiẹn-oriri, iwu ndị bantulẹnini ndị e dọnmẹni wẹ erere.

Jemisi 1:16

Ezigbo umunẹ m, anịkwọlẹ ni wẹ dufie ụnụ.

Jemisi 2:16

ị sị a, “Ihiẹn e mẹ i! Oyi atụkwọlẹ i! Rijunkwọ ẹfọ!” Bụ y'e yenin'ẹ ẹka, elee erere k'ọ ban?

Jemisi 2:18

Kanị, o nwọn onyẹ k'a sị, “Nke i wụ okukwe, nke m wụ ọrụn.” Azịza m wụ, “Ghọsị m okukwe i ahụn i gilẹni rụn ọrụn. Mmẹ nwẹn, m jẹnkọ d'e gi ọrụn m ghọsị ị okukwe m.”

Jemisi 2:26

Ya wụ, kẹ ẹhụ mmọn rịlẹni dọn wụ ihiẹn nwụnnị, ẹrịra kẹ okukwe ọrụn rịlẹni dọnzikwọ wụ ihiẹn nwụnnị.

Pita Nke Ẹbụọ 1:5

Ufiri ẹ, lịlịma nị nwan ụzọ ile nị ụnụ we ịrị-mma cheni okukwe ụnụ; ụnụ e we ịmarịn-ihiẹn cheni ịrị-mma ụnụ.