Jemisi 1:27 - Ika

²⁷ Ezigbo ofufe zu oke, rụlẹni ẹnya Osolobuẹ Nẹdi ẹnyi wụ hụnnị: ịtụnị ndị nwọnlẹni nẹdi mọbụ nnẹ lẹ ikpoho di wẹ nwụn rị e ri ụya ụya, lẹzi idọnmẹ enwẹn ịhịan makẹ ụwa gha e mẹrụ a.

Jemisi 1:27 ပူးပေါင်းရင်းမြစ်များ

Ẹbụ-ọma 119:1

Ngọzi wụ nke ndị e bi obibi nwọnlẹni nkọrịanị, ndị gi iwu Osolobuẹ e bi.

Ẹbụ-ọma 146:9

Osolobuẹ e che abịamabịa nche, o yeni ndị nwọnlẹni nẹdi lẹ ikpoho di wẹ nwụn ẹka; kanị, o mẹ ndị-ejẹ uke.

Ẹbụ-ọma 68:5

Nẹdi ndị nwọnlẹni nẹdi k'ọ wụ, onyẹ hụn e kinni ikpoho di wẹ nwụn ọnụ wẹ: ịya kẹ Chuku hụn bi ebẹhụ rị nsọ wụ!

Azaya 1:23

Ndị-ọkịkị ị wụ ndị nnupụ-isi, uwẹ lẹ ndị ohin gba a wị; egho-azụụn a sụọ wẹ ile a sụọ; w'a chọsọnmẹ onyẹ k'e ye wẹ ihiẹn. W'a ra kuni ndị nwọnlẹni nẹdi ọnụ wẹ; w'a ra buchedẹ ẹnya oku ikpoho di wẹ nwụn.

Matiu 12:32

Nị wẹ gbagharịghọ onyẹ kuja oku mmẹ wụ Nwa nke Ịhịan; kanị, agbagharịkọ wẹ onyẹ kuja oku Mmọn-nsọ; agbagharịkọ w'a kẹ ogẹnni kẹ ogẹn ahụn lalanị.

Matiu 5:8

Ngọzi wụ nke ndị obi wẹ rị ọchan, makẹni wẹ sikọ d'a hụn Osolobuẹ.

Luku 1:6

Wẹ ẹbụbụọ wụ ndị ezi-omumẹ ẹnya Osolobuẹ; w'e dọnmẹchanrịn iwu lẹ ọdịnalị Di-nwọnni-ẹnyi, onwọnni hụn w'e gi kọrịanị wẹ —

Ndị Rom 12:2

Elerilẹ ni ndị ụwanị, ka nị nị Osolobuẹ hutọ ụnụ ghahanị ihutọ iroro ụnụ. Mẹn'ẹ kẹni ụnụ hụn ụzọ marịn ihiẹn wụ uche Osolobuẹ, ihiẹn rị Osolobuẹ mma, ihiẹn a sụọ a ụsụọ, ihiẹn zu oke.

Ndị Rom 2:13

Makẹni ẹlẹ ndị a nụhụ ihiẹn Iwu ku kẹ Osolobuẹ e kuni ọhụnma kanị ndị e mẹ ihiẹn Iwu ku.

Ndị Galeshịa 1:4

Di-nwọnni-ẹnyi wụ Jizọs Kraịstị we ndụn a ye makẹ ufiri njọ ẹnyi, kẹni ọ gbapụha ẹnyi imẹ eje-agbọnị gi mẹzu uche Osolobuẹ ẹnyi wụ Nẹdi ẹnyi.

Ndị Galeshịa 3:11

O wegụọ nwan ẹnya n'o nwọnni onyẹ Osolobuẹ jẹnkọ d'e kuni ọhụnma makẹni o dọnmẹ Iwu. Ezioku rọ, makẹni Ẹkụkwọ-nsọ sị, “Okukwe kẹ onyẹ ezi-omumẹ k'e gi rị ndụn,”

Ndị Galeshịa 5:6

Makẹni, imẹ Kraịstị wụ Jizọsị, ịkwa-ugun lẹ akwanị-ugun enwọnni ihiẹn ọ wụ. Ihiẹn rị mkpa wụ okukwe rị e gi ihiẹn-ọsụsụọ a ghọsị enwẹn ẹ.

Ndị Galeshịa 6:14

O bugharị m! Egikọ m ihiẹn ọwụlẹ nyan isi wezụka obe Di-nwọnni-ẹnyi wụ Jesu Kristi. E gigụọ wẹ obe hụ kpọgbu ụwanị, ọ nọ wụrụ ihiẹn nwụnhụnnị ebe m rị, gizikwọ obe hụ kpọgbu m, m nọ wụrụ ihiẹn nwụnhụnnị ebe ụwa rị.

Ndị Ẹfẹsọsụ 2:2

Ụnụ e mẹ njọ, e mẹfie nọkẹ ndị ụwanị, e sọn onyẹ hụn a kị eje-mmọn ile rị imẹ elu, mmọn ahụn rị nwan ọrụn imẹ igunrun ndị rị e nupụ isi okpuru Osolobuẹ.

Ditrọnọmi 14:29

nị ndịnị wẹ hụn bi imẹ obodo ụnụ bịa d'e ri, rijun ẹfọ: ndị Livaị (makẹni ekeyeni wẹ ndị Livaị alị mọbụ ukuu nke ẹka wẹ), ndị abịamabịa, ndị nwọnlẹni nẹdi lẹ ikpoho di wẹ nwụn; lẹzi kẹni Osolobuẹ wụ Chuku ụnụ hụn ụzọ a gọzi ihiẹn ile ụnụ buche ẹka.

Timoti Ibuzọ 1:5

I sikọ d'a gwa wẹ akuzizilẹ, kẹni ịhịan hụn ụzọ gi ihiẹn-ọsụsụọ gha obi rị mma pụha e bi, e gi ịhọrị rị mma lẹ okukwe ru akpakalị obi e bi.

Timoti Ibuzọ 5:4

Omẹni okpoho di ẹ nwụn e nwọnghọ ụmụ mọbụ ụmụ-oyẹ, wẹ mụnrụngụdẹ kẹ w'e fe Osolobuẹ iwe wẹ, e gi ẹka wẹ rị e yeni ndị mụnị wẹ a kụkinbelụa wẹ ụgwọ, makẹni ịya a sụọ Osolobuẹ.

Taịtọsụ 2:12

Ẹfọma ahụn a kuzi ẹnyi ịjụ obibi rịlẹni mma ẹnya Osolobuẹ lẹ ịjụ ihiẹn-ọlịlẹnya ụwanị; ọ kuzi ẹnyi igi uche e bi lẹ ibi obibi kụrụ ọtọ lẹ ịtụ egun Osolobuẹ — imẹ ụwanị ẹnyi rị,

Jemisi 3:17

O mẹ nke amamihiẹn ahụn gha elu-igwee bịa, nke ibuzọ wụ nị ya lẹ obi rị ọchan wị, udọn k'ọ chọ, ara mẹ ikẹn-ikẹn; o kweyezini ndị ọzọ, omikẹn lẹ mkpụrụ rị mma jun ẹ, ara gbeyeni ịhịan, ntụ arịa.

Jemisi 3:9

Ịya kẹ ẹnyi gi a ja Di-nwọnni-ẹnyi wụ Nẹdi ẹnyi mma; ịya kẹ ẹnyi gizi a bụ ịhịan ọnụ, ịhịan Osolobuẹ leri enwẹn ẹ ke!

Jemisi 4:4

Ndị ẹnya rịlẹni ụzọ ohu! Ụnụ amarịn nị ọwụ ụwa wụ eṅẹnrẹn Osolobuẹ? Ya wụ, onyẹ chọ n'ọ wụrụ ọwụ ụwa o họnrin eṅẹnrẹn Osolobuẹ.

Pita Nke Ẹbụọ 1:4

Ihiẹn ahụn ile o nwọn lẹ ọchan ọ rị k'o gha nwan kwe ẹnyi nkwa okẹn ihiẹn rị ichẹn-ichẹn w'a chọ achọ, kẹni ụnụ gi wẹ bịa d'a rị kẹ Osolobuẹ, ebe ụnụ nọ wanahịngụ ụrụ rị imẹ ụwa lẹ ihiẹn ọlịlẹnya hụn e buhẹn'ẹ.

Pita Nke Ẹbụọ 2:20

Ẹghẹẹ, makẹni, wẹ gigụ ịmarịn Jesu Kristi wụ Di-nwọnni-ẹnyi lẹ Onyẹ-nzụọpụha ẹnyi wanahịngụ ihiẹn ndị e mẹrụ ịhịan ụwanị, nị a nịzị wẹ ihiẹn ndị hụ kịma wẹ, ọnọdị ikpanzụụn wẹ a kagụọ njọ karị nke ibuzọ.

Pita Nke Ẹbụọ 3:14

Ezi umunẹ m, ebe o mẹni ụnụ rị a tụ ẹnya ihiẹn ndịnị, lịlịma nị nwan nị ụnụ wụrụ ndị nwọnlẹni nkọrịanị mọbụ ebe wẹ nọ rụ ẹnya a, ndị ẹgbata ya lẹ wẹ rị mma.

Jọnụ Ibuzọ 5:18

Ẹnyi a marịnghọ nị onyẹ Osolobuẹ mụ ara mẹ njọ, makẹni Kraịstị, Onyẹ hụ Osolobuẹ mụ, e che ẹ nche, Eje-onyẹ hụ ara mẹtụ a ẹka.