Jemisi 1:2 - Ika

² Umunẹ m, e nwọnni ezigbo ịghọghọ ogẹn ọwụlẹ ọnwụnwan ichẹn-ichẹn gi bịanị ụnụ —

Jemisi 1:2 ပူးပေါင်းရင်းမြစ်များ

Ọrụn Ndị-ozi 5:41

Ya kẹ ndị-ozi ahụn pụ-ichẹn nọ gha Ọgwa Ndị-isi Nkịkwama hụ pụha, a ghọghọ nị Osolobuẹ weri wẹ kẹ ndị furuni ebe ọ nọ nị wẹ narịn ifẹnrẹn makẹ Ẹfan Jesu.

Ndị Rom 5:3

Ẹlẹdẹ ọhụn sụọ, ẹnyi a ṅanzị nị ẹnyi rị a hụn nsọngbu ẹnyi rị a hụn, makẹni ẹnyi a marịnghọ nị nsọngbu e wẹhẹ ndidin;

Ndị Filipi 1:29

Makẹni Osolobuẹ e yeọlẹ ụnụ oghere, ẹlẹ hụn ụnụ e gi kweri ni Kraịstị sụọ kanị hụn ụnụ e gizi tan'a afụnfụn,

Ndị Filipi 2:17

Ọsụọn'a nwan nị wẹ rị nwan e hupụ ndụn m nọkẹ manya e cheni okukwe ụnụ nọkẹ ẹjan wẹ rị a chụnyeni Osolobuẹ, ẹfọ rị a sụọ m ụsụọ; m rị e sọn ụnụ a ghọghọ!

Ndị Filipi 2:18

Ẹfọ ya sụọzị ụnụ nwẹn ụsụọ, ụnụ e sọn m ghọghọ.

Ndị Kolosị 1:24

M rị nwan a ghọghọ nị m rị a tanị ụnụ afụnfụn, e gi ẹhụ m a tapụnị Kraịstị afụnfụn họdụnị wẹ k'a tanị ẹhụ a wụ ụka.

Hibru 10:34

Ẹghẹẹ, ụnụ a chọ ihiẹn ụnụ e mẹni ndị rị ngan ogẹn hụ; kẹ wẹ napụ ụnụ ihiẹn ụnụ, ụnụ gidẹ ịghọghọ din ẹ, makẹni ụnụ a marịnghọ nị ụnụ lẹ enwẹn ụnụ nwọn hụn ka mma lẹ hụn k'a rị jẹnrin ejẹn.

Jemisi 1:12

Onyẹ hụn din ndidin ebe wẹ rị e lele ẹ e nwọngụọ ngọzi, makẹni, ọ pụha ọhụnma, Osolobuẹ e gi ndụn tu ẹ ugọn k'o dọn kwe nkwa n'o k'e mẹ ndị ihiẹn ẹ a sụọ.

Jemisi 1:16

Ezigbo umunẹ m, anịkwọlẹ ni wẹ dufie ụnụ.

Jemisi 1:19

Ezigbo umunẹ m, ọnwan ya we ụnụ ẹnya: onyẹ ọwụlẹ ya a nụkpọ oku; y'e kukẹnrinlẹ oku; y'e bukẹnrinlẹ olulu —

Jemisi 5:11

Eziẹ, ẹnyi a ja ndị din ndidin mma. Ụnụ a nụghọ kẹ Jobu dọn din ndidin; ụnụ a hụnzịghọ ihiẹn Di-nwọnni-ẹnyi mẹ ikpanzụụn, nị Di-nwọnni-ẹnyi e mẹkẹ ẹfọma lẹ omikẹn.

Pita Nke Ẹbụọ 2:9

wẹ ile ghọsị nị Di-nwọnni-ẹnyi ma gbapụha ndị e fen'ẹ imẹ ọnwụnwan, e bu ndị-njọ e che imẹ afụnfụn d'e ru Ụhụọhịn okinkin-ikpe,

Rẹvẹleshọnụ 2:10

Atụlẹ ni egun afụnfụn ụnụ jẹnkọ nwan d'a ta. Lee ẹ, Ekwensụ e d'a tụ ụfọdụ imẹ ụnụ ngan kẹni wẹ gi ẹ lele ụnụ. Ụnụ k'a ta afụnfụn akpọhịn iri. Kwọnkẹnmẹ ni okukwe ụnụ d'e ru ọnwụn, e gi m ndụn wụ ndụn tu ụnụ ugọn.