Jemisi 1:19 - Ika

¹⁹ Ezigbo umunẹ m, ọnwan ya we ụnụ ẹnya: onyẹ ọwụlẹ ya a nụkpọ oku; y'e kukẹnrinlẹ oku; y'e bukẹnrinlẹ olulu —

Jemisi 1:19 ပူးပေါင်းရင်းမြစ်များ

Nehemiah 8:18

Ẹzra hụ a gụn Ẹkụkwọ Iwu-Osolobuẹ ụhụọhịn-ụhụọhịn, gha ụhụọhịn ibuzọ d'e ru ụhụọhịn ikpanzụụn. Akpọhịn ẹsa kẹ wẹ mẹ mmẹmmẹ hụ. Nke akpọhịn ẹsatọ wẹ nọ zu iko rị nsọ ya lẹ ẹ wị.

Nehemiah 9:17

A jụ wẹ n'e gọnkọ wẹ ntịn, anyanhanzidẹni wẹ ọrụn-atụmẹnya ị rụnsọnmẹ imẹ igunrun wẹ; a gba wẹ isi akwanran tumẹrin ịhịan n'o dukin wẹ Ijiptu nwẹn wẹ te nọ wụ igbọn. Kanị Chuku hụn a gbagharị njọ k'ị wụ, onyẹ ẹfọma lẹ onyẹ e mẹyeni ịhịan, onyẹ ghalẹni e wekẹnrin iwe, onyẹ e nwọn ihiẹn-ọsụsụọ ọda-ọda, y'a gbakitọkwọnị wẹ azụụn —

Nehemiah 9:3

Ebẹhụ wẹ wuzokwọ, a gha wẹ imẹ Ẹkụkwọ Iwu Osolobuẹ wụ Chuku wẹ gụnpụhanị wẹ Iwu ndị ahụn. Wẹ kebe ụhụọhịn ụzọ ẹnọ, gi ụzọ ohu gụn Ẹkụkwọ Iwu hụ, gizi ụzọ ohu kupụhasọnmẹ njọ wẹ, e fe Osolobuẹ wụ Chuku wẹ ofufe.

Jobu 32:16

Nị m nọdịkwọ e che? Hụnnị wẹ gba nkịtịn; hụnnị wẹ nwọnzilẹni ihiẹn wẹ k'a za?

Itẹn 10:19

Njọ ara kọ ebe ọtụtụ oku rị, kanị onyẹ hụn nwọn uche e kwọndọn ire ẹ.

Itẹn 13:3

Onyẹ hụn e kwọndọn ire ẹ rị e chedọn ndụn a, kanị onyẹ ghalẹni e rogụ o kebe ku k'a la iwi.

Itẹn 14:17

Onyẹ e bukẹnrin olulu e mẹ ihiẹn-ẹwobi; ịhịan e ze ize onyẹ marịn ẹnya eje-ihiẹn.

Itẹn 14:29

Onyẹ ndidin e nwọn nghọta ọda-ọda, kanị onyẹ e bukẹnrin onunu a ghọsị nzuzu.

Itẹn 15:18

Onyẹ e bukẹnrin olulu e se oku, kanị onyẹ ndidin e gbọn ikpe.

Itẹn 15:2

Oku-ọnụ ndị nwọn uche e mẹ ịhịan a chọ n'ọ marịn ihiẹn, kanị ọnụ ndị-nzuzu e hupụha oku nwọnlẹni isi.

Itẹn 16:32

Onyẹ nwọn ndidin ka odogun-agha mma; onyẹ ma kwọndọn enwẹn ẹ ka onyẹ ma mẹri obodo mma.

Itẹn 17:14

Ibidọn ikpe nọ kẹ itikpọ ụgba wẹ gi gbọndọn okẹn mirin; la nwan oku hụ tọ o gini e se ikpe.

Itẹn 17:27

Onyẹ ma kwọndọn ire ẹ a marịnghọ ihiẹn, onyẹ ghalẹni e bukẹnrin olulu e nwọnghọ nghọta.

Itẹn 18:13

Onyẹ hụn a shịarịgụ oku d'e gọnmẹ ntịn, wụ nzuzu lẹ ihiẹn-ifẹnrẹn.

Itẹn 18:21

Ọnwụn lẹ ndụn rị ire, ndị gi ire e bi k'e ri ihiẹn o wẹhẹ.

Itẹn 19:11

Amamihiẹn ịhịan e ye ẹ ndidin; ọghọ a rọ n'o nu ihiẹn wẹ mẹ ẹ ẹka.

Itẹn 19:19

Onyẹ obi-ọkụn k'e girịrị isi ẹ buru ihiẹn rịn'a; ị zụọpụhagụ a, ị k'a zụọpụhazị a ọzọ.

Itẹn 21:23

Onyẹ hụn e kwọndọn ọnụ a lẹ ire ẹ rị a napụ enwẹn ẹ nsọngbu.

Itẹn 25:28

Onyẹ ghalẹni as'ẹka e kwọndọn enwẹn ẹ nọhụ kẹ obodo mgbọn ẹ dankpọ.

Itẹn 29:20

Y'a hụnghọ onyẹ ghalẹni e rogụ d'e ku? O k'a rịnị onyẹ-nzuzu mma karị a.

Ọgụngụn 22:27

Jaki ahụn a hụn mmọn-ozi Osolobuẹ, o nọ gbu osekpu, hụn ahụn o bu Balaam. Ya kẹ Balaam nọ gi iwe fịan a ọkpọ o bu.

Matiu 5:22

Kanị, m rị gwa ụnụ nị onyẹ budẹni nwẹnẹ ẹ olulu a kpọ w'a ikpe; onyẹ kpọ nwẹnẹ ẹ iyi, o jẹnkọ Ọgwa Ndị-isi; onyẹ sị ịhịan ‘Nzuzu,’ ọkụn-mmọn rị e che ẹ.

Makị 12:37

Defidi lẹ enwẹn ẹ kpọ a ‘Di-nwọnni m,’ nanị k'o dọn nwan wụrụ nwa Defidi?” Ọ hụ e ku, ọ hụ a sụọ igunrun hụ.

Makị 2:2

Ndị bu ọda nọ ruhẹ, nke wụnị ụzọ eruzini wẹ, kẹ imẹ ụlọ kẹ ihun-ezi. Jesu hụ a gwa wẹ oku-Chuku.

Luku 15:1

Ndị ile a na ụgwọ-isi lẹ ndị wẹ gi njọ marịn hụ a nọkunmẹ Jizọsị nị wẹ gọn ẹ ntịn.

Luku 19:48

kanị, ahụnnị wẹ ụzọ mẹ ẹ, makẹni nkuzi ẹ e werigụọ igunrun ahụn ile.

Ọrụn Ndị-ozi 1:15

Ogẹnni kẹ Pita gi lihi ọtọ imẹ igunrun ndị kwerini, gwama wẹ oku. Wẹ rị ihiẹn nọ kẹ mmadụ ọgụn-isin gbakikomẹ ebẹhụ. Ọ sị wẹ,

Ọrụn Ndị-ozi 10:33

Ya m nọ zi wẹ d'a kpọ ị ozigbo. Y'e mẹkẹ i gi bịa. Ẹnyi ile rị nwan ihun Osolobuẹ ebeni kẹni ẹnyi nu ihiẹn ile Di-nwọnni-ẹnyi sị ị gwa ẹnyi.”

Ọrụn Ndị-ozi 13:48

Ogẹn ndị wụlẹni ndị Ju gi nụ ihiẹnni, ya wẹ nọ ghọghọma, jama oku Di-nwọnni-ẹnyi mma. Ndị ile wẹ họtọ nị wẹ nwọnrin ndụn-itẹbitẹ nọ kweri.

Ọrụn Ndị-ozi 17:11

Ndị Ju rị Bẹrịa ka obi a shịapụ karị ndị rị Tẹsalonika. Makẹni, wẹ gichanrịn obi wẹ ile nabanhan oku Di-nwọnni-ẹnyi, e leban ẹnya Ẹkụkwọ-nsọ ụhụọhịn ile nị wẹ marịn kẹ ihiẹn ndị hụ Pọlụ ku wụ ezioku.

Ọrụn Ndị-ozi 2:42

Ndịnị ile nọ bu enwẹn wẹ che nkuzi ndị-ozi hụ pụ-ichẹn, izu iko ofufe, iri Oriri-nsọ lẹ imẹ-ekpere.

Ndị Ẹfẹsọsụ 4:26

Olulu nwọn ikẹn bu i, ka egilẹ ẹ mẹ njọ. Olulu y'e bulẹ i nị eki gi.

Ndị Ẹfẹsọsụ 4:31

Wepụ nị iwe ile, ịkpọ-ọnụma, olulu, oro, ikuja oku ịhịan lẹ eje-ihiẹn ile ịhịan gi e sọn ibe ẹ imẹ ụnụ.

Ndị Kolosị 3:15

A chọnị udọn ahụn Kraịstị e ye, e gi ẹ e lele ihiẹn ụnụ rị e mẹ, makẹni, ezioku-ezioku, ịya kẹ Osolobuẹ kpọnị ụnụ d'a rị ẹhụ ohu. A kpanmịn nị Osolobuẹ.

Ndị Kolosị 3:8

Ka wepụ nị nwan ihiẹn ile nọ ẹrịra: olulu, ịkpọ-ọnụma, iwe, ikuja oku ịhịan lẹ iku eje-oku, ụnụ e wepụ oku ọwụlẹ ru unyin ọnụ ụnụ.

Ndị Tẹsalonika Ibuzọ 2:13

Ẹnyi a kpanmịnzị Chuku ogẹn ile, nị, ụnụ anabanhannị oku-Chuku ụnụ nụ ọnụ ẹnyi nọkẹ oku ịhịan, kanị nọkẹ oku-Chuku hụ ọ wụ nke-esi, hụn rị nwan a rụn ọrụn imẹ ndụn ụnụ ndị kwerini.

Jemisi 1:16

Ezigbo umunẹ m, anịkwọlẹ ni wẹ dufie ụnụ.

Jemisi 1:2

Umunẹ m, e nwọnni ezigbo ịghọghọ ogẹn ọwụlẹ ọnwụnwan ichẹn-ichẹn gi bịanị ụnụ —

Jemisi 1:26

Onyẹ sị n'ọ rị e fe Osolobuẹ bụ ara kwọndọn ire ẹ, ọ rị e dufie enwẹn ẹ; ofufe ẹ la iwi.

Jemisi 2:1

Umunẹ m, egbeyelẹni ni ịhịan ebe o mẹni ụnụ e fe Di-nwọnni-ẹnyi wụ Jesu Kristi, Onyẹ ahụn kachanrịnnị.

Jemisi 2:5

Ezigbo umunẹ m m bu obi, gọn ni ntịn! Osolobuẹ a họrịgụọnị ndị wụ igbẹnnyẹ imẹ ụwanị mẹ wẹ wụrụ ndị-ịdanfịn imẹ okukwe, wụrụzị ndị k'a banye Alị-eze hụ o kwe nkwa n'o k'e ye ndị ihiẹn ẹ a sụọ?

Jemisi 3:10

Ọnụ ohu hụ kẹ ọjịja-mma lẹ ịbụ-ọnụ gha a pụha! Umunẹ m, o furuni n'ọ rị ẹrịra.

Jemisi 4:11

Umunẹ m, ekujakwọlẹ ni oku ibe ụnụ, makẹni onyẹ hụn kuja oku ibe ẹ mọbụ kin ẹ ikpe rị e kuja oku Iwu Osolobuẹ ye, e kin Iwu Osolobuẹ ikpe. Ị gha e kin Iwu ikpe, y'ẹlẹzi onyẹ e dọnmẹ Iwu, y'a wụrụgụọ ọka-ikpe!

Jemisi 5:12

Hụn ka mkpa umunẹ m, ekunlẹ ni ihiẹn ọwụlẹ, kaka! Kẹ elu-igwee kẹ elu-ụwa kẹ ihiẹn ọzọ ọwụlẹ. Kama, omẹni ẹghẹẹ rọ, sịhụ “Ẹghẹẹ;” omẹni mba rọ, sịhụ “Mba” amamgbe Osolobuẹ a ma ị ikpe.

Jemisi 5:19

Umunẹ m, omẹni ịhịan latọ ezioku kpahu, nị ibe ẹ e wekinhẹn ẹ,

Jọnụ Ibuzọ 2:21

Ẹlẹ ni ụnụ amarịn ezioku haịn m gi e deni ụnụ, kanị, makẹni ụnụ a marịngụọ a — ụnụ a marịnghọ n'o nwọnni ntụ a gha imẹ ezioku a pụha.