Izikẹlụ 9:4 - Ika

⁴ Ọ sị a, “Ghagbama ọgbara-ogbe ile rị obodoni wụ Jerusalẹm d'e buchesọnmẹ ahịma ezimezi ihun ndị ile rị a kwan a sụn udẹn makẹ arụ ile rị e mẹ imẹ ẹ.”

Izikẹlụ 9:4 ပူးပေါင်းရင်းမြစ်များ

Jẹnẹsisi 4:15

Kanị, Osolobuẹ nọ sị a, “O mẹkọ ẹrịra. Onyẹ gbu Keni, e mẹgwarị m'a ya mmagi-mmagi ụzọ ẹsa!!” Ya kẹ Osolobuẹ nọ ye Keni ahịma, amamgbe ịhịan e kunrun Keni gbu ẹ.

Ndị-nze Nke Ẹbụọ 22:13

“D'a jụnịnị m Osolobuẹ — mmẹ lẹ ndị alịnị lẹ Juda ile — banyeni ihiẹn wẹ deye imẹ ẹkụkwọnị wẹ hụn. Olulu Osolobuẹ gi e sọn ẹnyi e hikẹ, makẹni ndị nẹdi ẹnyi esọnni oku ndị wẹ deye imẹ ẹkụkwọnị; egini wẹ ihiẹn ndị wẹ deyeni ẹnyi ebẹhụ rụn ọrụn.”

Ẹbụ-ọma 119:136

Ẹnya-mirin m hụ e hu nọkẹ iyi, makẹni a rị wẹ e dọnmẹ iwu i.

Ẹbụ-ọma 119:53

Olulu ndị-njọ e bu m ọda-ọda, makẹni w'a ra dọnmẹ iwu i.

Ọpụpụ 12:13

Ẹdeke ahụn k'a rị ọnụmụzọ ụnụ k'a wụrụ ahịma ụnụ ye ụlọ ndị hụ ụnụ rị; m hụn ẹdeke ahụn, a ghafe m ụnụ; nsọngbuni e gbuni erukọ ụnụ ẹhụ ogẹn m'e gi mẹ Ijiptu ihiẹn m k'e mẹ ẹ.

Ọpụpụ 12:23

Makẹni Osolobuẹ jẹnkọ d'a ghagbarị alị Ijiptu d'e gbu ndị Ijiptu; ọ hụn ẹdeke ahụn elu ọnụmụzọ lẹ ụsụọ a ẹbụbụọ, ọ ghafe ọnụmụzọ hụ, ọ nịkọ Ụkọ-ọnwụn ahụn rị e gbuni banhan iwe ọnụ d'e gbu ọnụ.

Ọpụpụ 12:7

Wẹ k'e weri ẹdeke ẹ ẹkẹrẹ tesọnmẹ amanran-ụzọ lẹ lintẹlụ rị elu ụzọ ụnọ ndị wẹ sikọ d'a nọ ri anụ hụ.

Azaya 57:15

Makẹni, Onyẹ hụ kachanrịnnị hụn rị ebe kachanrịnnị, Onyẹ hụn rị ndụn jẹnrin ejẹn, hụn ẹfan a rị nsọ, sị, “M bi ebe jẹn elu, ebe rị nsọ kanị mmẹ lẹ onyẹ ọwụlẹ hụn gi akpakalị obi ẹ rogharị bizikwọ, onyẹ ọwụlẹ hụn e welụa enwẹn ẹ alị — kẹni m hụn ụzọ mẹ ndụn banzị ndị welụa enwẹn wẹ alị, mẹ ndụn banzị ndị gi akpakalị obi wẹ rogharị.

Jerimaya 13:17

Kanị, omẹni ụnụ egọnni ntịn, ya wụ nị m k'e zueri a kwan ẹkwan-ẹkwan, makẹ mpache ụnụ; ẹnya m k'a chansọnmẹ, ẹnya-mirin m e huru — makẹni wẹ jẹnkọ d'a kpụnrụn igunrun atụnrụn Osolobuẹ.

Izikẹlụ 21:6

“Yụ nwẹn, Nwa-ịhịan, sụnma nwan udẹn! E finfin ụkụ, a kwan ụya idẹnya wẹ.

Izikẹlụ 6:11

“Lee ihiẹn Osolobuẹ nwọn ihiẹn ile ku: O sị, ‘A fịan ẹka obi, e finfin ụkụ, e yi “Heuu!” makẹ eje-ụrụ ile ndị Izrẹlụ mẹ; makẹni ọpịa-agha, ẹgụn lẹ eje-emu sikọ nwan d'e gbu wẹ.

Izikẹlụ 9:5

A nụ m kẹ Osolobuẹ sị ikẹnnyẹ ndị hụ họdụnị, “Sọnrinn'ẹ ghasọnmẹ obodoni ile kẹni ụnụ gbu. Gbu ni onyẹ ọwụlẹ o yelẹni ahịma ezimezi ihun. Elekwọlẹ ni wẹ ẹnya ihun; emẹlẹ ni omikẹn wẹ;

Izikẹlụ 9:6

gbu ni kẹ ikẹnnyẹ-ọba kẹ ikorọbịa, kẹ ịgbagba kẹ ụmụ-ẹka kẹ ikpoho-ọba; ka emẹtụkwọlẹ ni onyẹ ọwụlẹ nwọn ahịma hụ ẹka. Gha nị Ụlọ-nsọ m gbumẹ.” Ya wẹ nọ gi ndị-ichẹn hụ rị ihun Ụlọ-nsọ a rụa mmọn bidọn.

Emọsụ 6:6

e gidẹ afẹrẹ e lura manya, a kwọ udẹn kachanrịn mma — kanị, ara fụ wẹ nị Izrẹlụ, ụmụ Josẹfụ, rị a la iwi.

Zẹfanaya 1:12

O ru ogẹn hụ, m k'e gi ukpẹ gwalọ imẹ Jerusalẹm, m k'e ye ndị hụn nwọnzilẹni ihiẹn wẹ kpọ eje-ihiẹn afụnfụn, ndị hụn nọ nwan kẹ manya dọnni, hụn rị a sị enwẹn wẹ, ‘O nwọnni ihiẹn Osolobuẹ k'e mẹ kẹ mma kẹ njọ.’

Zẹfanaya 3:18

“M k'e wegbamazị ndị ọ rị a fụ nị arịzị wẹ e jẹn mmẹmmẹ nsọ m rị ichẹn-ichẹn, makẹni ụya kẹ o te wụ ụnụ olu.

Malakaị 3:16

Ya kẹ ndị a tụ egun Osolobuẹ nọ gwa ibe wẹ oku, Osolobuẹ nọ gọn ntịn ihiẹn wẹ ku, gụn a yeni wẹ. Ebe Osolobuẹ rị, wẹ nọ de ẹkụkwọ wẹ gi a nyanhan ndị ahụn a tụ egun Osolobuẹ, a gbaye ẹfan a.

Ndị Kọrẹntị Nke Ẹbụọ 1:22

ye ẹnyi ahịma a ghahanị ibu Mmọn-nsọ a che imẹ obi ẹnyi, gi ẹ họnrin mbi ihiẹn ile o k'e mẹni ẹnyi.

Ndị Kọrẹntị Nke Ẹbụọ 12:21

Egun rị a tụ m, nị, ikẹnkwọ Osolobuẹ m e welụa m alị imẹ igunrun ụnụ, m bịazị; ikẹnkwọ a kwanma m ẹkwan makẹ ndị bu ọda mẹ njọ mbụ hụn kelẹni rogharị ihiẹn ru unyin lẹ ughẹrẹ lẹ ihiẹn-ifẹnrẹn ile wẹ mẹsọnmẹ.

Ndị Galeshịa 6:17

Gha ogẹnni e jẹn, ịhịan ya eyezilẹ m nsọngbu, makẹni apa (aparị) wẹ gi a marịn onyẹ wụ nke Jesu hụsọnmẹ m ẹhụ.

Ndị Ẹfẹsọsụ 4:30

Emẹkwọlẹ ni ihiẹn k'a fụ Mmọn-nsọ Osolobuẹ, makẹni ịya wụ ahịma Osolobuẹ ye (yi) ụnụ makẹ ụhụọhịn nzụọpụha.

Timoti Nke Ẹbụọ 2:19

Kanị iyetọ Osolobuẹ turuhụkwọ ebe ọ rị; ihiẹn wẹ deye ẹ wụ: “Di-nwọnni-ẹnyi a marịnghọ ndị wụ ndị nke ẹ” lẹ “Onyẹ ọwụlẹ hụn a kpọku ẹfan Di-nwọnni-ẹnyi ya la njọ tọ.”

Rẹvẹleshọnụ 14:1

E lezi m ẹnya, m nọ hụn Nwa-ebulu hụ k'o turu elu Ugu Zayọnụ, ya lẹ mmadụ nnụ ọgụn-mmẹsatọ wẹ deye ẹfan a lẹ ẹfan Nẹdi ẹ ezimezi ihun wẹ.

Rẹvẹleshọnụ 20:4

Ya m nọ hụn ukpo-eze ndị rị ebẹhụ. Wẹ nọ tumẹ ndị rịsọnmẹ ukpo ndị hụ ndị ọkịkị. M nọ hụnzịkwọ umẹ-ndụn ndị wẹ gi ufiri ozi Jizọsị lẹ oku Osolobuẹ bepụ isi. Ndịnị jụ nị efekọ wẹ eje-anụ hụ lẹ enwẹn ẹ mọbụ hụn wẹ leri ẹ kpụ, jụzị nị anarịnkọ wẹ ahịma eje-anụ hụ ezimezi ihun wẹ mọbụ ẹka wẹ. Wẹ nọ nwan gha ọnwụn lihi, rịzị ndụn, sọn Kraịstị kị ahụa nnụ-uku hụ.

Rẹvẹleshọnụ 9:4

Wẹ nọ sị wẹ egbulẹ ẹfịfịa rị elu-ụwa mọbụ osisi mọbụ ihiẹn-akụnkụn ọwụlẹ, ka wẹ gbu ndị ahịma Osolobuẹ rịlẹni ezimezi ihun sụọ.