Izikẹlụ 9:2 - Ika

² M nọ hụn ikẹnnyẹ isin kẹ wẹ lala: wẹ gha ibẹka Ọnụ-mgbọn hụ rị mkpọnyin lala — Ọnụ-mgbọn hụ bu ihun zinmẹ ẹbamịn-ugu. Onyẹ-onyẹ imẹ wẹ bu ihiẹn o gi e gbu. Okẹnnyẹ ohu hụn yi ẹkwa-linẹni rị imẹ wẹ, o kẹn ihiẹn wẹ gi e de ihiẹn ukun. Wẹ ile nọ bịa d'e wuzo ẹhụ ukpo nchụn-ẹjan igwe-bronzu Ụlọ-nsọ.

Izikẹlụ 9:2 ပူးပေါင်းရင်းမြစ်များ

Ndị-nze Nke Ẹbụọ 15:35

Kanị, ofufe hụ wẹ rị a dan Iwu e fe Osolobuẹ ebe jẹnsọnmẹ elu a kụsịkwọnị, ndị alị hụkwọ e jẹn ebẹhụ d'a chụnnị Osolobuẹ ẹjan, a mụ nsẹnsi. Jọtam rụn Ọnụ-mgbọn hụ rị ebe ka elu e jẹn hụn wẹ ghazị a banye Ụnọ-nsọ Osolobuẹ.

Ihiẹn Mẹni Nke Ẹbụọ 27:3

Jọtam dọnzi Ọnụ-mgbọn rị mkpọnyin hụn wẹ ghazị a banye Ụlọ-nsọ Osolobuẹ; ọ rụnzịghọ ihiẹn bu ọda ebe ọ nọ e dọnzi mgbọn Jerusalẹm ibẹka ugu Ofẹlụ.

Ihiẹn Mẹni Nke Ẹbụọ 4:1

O gi igwe-bronzu mẹmẹ ukpo nchụn-ẹjan, usue ẹ wụ ọb'ụkụ iri kwasị ọgụn, ụshịa a wụ ọb'ụkụ iri kwasị ọgụn, ojijẹn-elu ẹ wụ ọb'ụkụ mmisẹn.

Ọpụpụ 40:29

Ọ nọ bu ukpo hụ wẹ nọ a dụn ẹjan ọkụn che ẹhụ ọnụmụzọ Ọdụ-nsọ, Ọdụ-ozuzu, nọ elu ẹ chụn ẹjan w'a dụn ọkụn lẹ ẹjan-ọka: kẹ Osolobuẹ dọn gwa a.

Jerimaya 1:15

M'e d'a kpọha alị-eze ndị rị ẹbamịn-ugu.” Ya kẹ Osolobuẹ ku. “Ndị-nze wẹ k'a bịa d'e tumẹsọnmẹ ukpo-eze wẹ ọnụ-mgbọn ile rị Jerusalẹm; wẹ k'e tikpọ mgbọn ile fihunmẹn'ẹ lẹ obodo ndị ọzọ ile rịzị alị Juda.

Jerimaya 25:9

m jẹnkọ d'a kpọhanị ụnụ ndị alị ile rị ẹbamịn-ugu — uwẹ lẹ odibo m wụ Nebukadineza eze Babilọnụ. M k'e wẹhẹ wẹ d'e mẹ alịnị lẹ ndị rịn'a lẹ alị ndị ọzọ ile fihunmẹ alịnị ihiẹn. M k'e tikpọchanrịn wẹ, mẹ wẹ gba okpokoro, mẹ wẹ wụrụ ihiẹn w'a manị ọsụa (ọsụọ) lẹ ebe mẹ mkpọkọ-mkpọkọ jẹnrin ejẹn.

Jerimaya 26:10

Ogẹn ịhaịmẹ alị Juda gi nụ ihiẹn rị e mẹni, wẹ nọ gha ebe wẹ rị imẹ obi-eze shi ụlọ-nsọ ebẹhụ. Wẹ nọ zu Ọnụ-mgbọn Ọhụn hụn rị Ụlọ-nsọ Osolobuẹ.

Jerimaya 4:6

Weshi ahịma elu nị ịhịan ile jẹnmẹ Zayọnụ! Gbakwọ nị ọsọ ndụn, egbukwọlẹ ni ogẹn! Makẹni m gha ẹbamịn-ugu wela ntikpọ, eje-ntikpọ k'o k'a wụkwọ!”

Izikẹlụ 10:2

Osolobuẹ nọ sị okẹnnyẹ hụ yi ẹkwa-linẹni, “Shi ẹgbata wili ndị hụ rị a gba ozigbo-ozigbo okpuru ndị chẹrobu hụ d'e kpọnrin ikeke-ọkụn jun ọb'ẹka, y'a ghịgha wẹ ye alịnị wụ Jerusalẹm.” Idẹnya m, okẹnnyẹ hụ nọ jẹnmẹ.

Izikẹlụ 8:3

Ọ nọ tịnpụ ihiẹn nọ kẹ ẹka, dọdọn m ntutu, mmọn Chuku nọ dọrị m ẹrịra shi imẹ elu, we m shi Jerusalẹm, imẹ ọhụn hụ gha ẹka Osolobuẹ bịa. Ọ nọ we m shi Ụlọ-nsọ, ẹhụ ọnụ-ụgba hụ rị ẹbamịn-ugu hụn wẹ gha a banye ihun-ezi rị imẹ-imẹ Ụlọ-nsọ — ebe wẹ kpụtọ mmọn ahụn wẹ gi kpasu Osolobuẹ iwe, hụn ẹnya gi rị a fụ Osolobuẹ.

Izikẹlụ 9:11

Okẹnnyẹ ahụn yi ẹkwa-linẹni, hụn bu ihiẹn wẹ gi e de ihiẹn ukun, nọ nwan kinhẹn, sị, “E mẹgụọ m ihiẹn ị sị m mẹ.”

Izikẹlụ 9:3

Ya kẹ ọghọ Chuku Izrẹlụ nọ gha ebe o te rị elu chẹrobu ẹbụbụọ ahụn imẹ-imẹ Ụlọ-nsọ buli elu d'a nọdị ọnụ-mgbọn Ụlọ-nsọ. Osolobuẹ nọ hị okẹnnyẹ ahụn yi ẹkwa-linẹni, hụn bu ihiẹn wẹ gi e de ihiẹn ukun.

Daniẹlụ 10:5

e lee m ẹnya, e lee okẹnnyẹ ohu yi ẹwuru linẹni lẹ akpụkpọ ukun ezigbo goru alị Ufazị.

Daniẹlụ 12:6

Ohu imẹ wẹ nọ sị okẹnnyẹ ahụn yi ẹkwa linẹni, hụn rị imẹ-elu ebẹhụ iyi ahụn rị, “Ele mgbe kẹ ihiẹn-egun ndịnị k'e mẹ?”

Lẹvitikọsụ 16:4

O k'e yiri ẹwuru ọrụn nchụn-ẹjan hụ rị nsọ hụn tueru alị wẹ gi ẹkwa linẹni mẹmẹ lẹ apa-linẹni; o gi nfifie linẹni hụ fiedọn ukun, kpuru okpu linẹni hụ isi. Ẹkwa ndị hụ rị nsọ; ya wụ, o k'e girịrị mirin wụgụ ẹhụ o kebe yiri wẹ.

Emọsụ 9:1

M hụn Osolobuẹ ebe o wuzo ẹhụ ukpo nchụn-ẹjan. Ọ nọ sị, “Gi ihiẹn fịansọnmẹ isi-adansụn ndị rị ihun Ụlọ-nsọ, d'e ru ni ọnụmụzọ e mẹhunmẹ. Mẹ wẹ dankpọsọnmẹ isi ndị alịnị ile; e gi m ọpịa-agha gbu ndị họdụnị; onwọnni onyẹ m k'a nị gbapụ, onwọnni onyẹ m k'a nị wanahịn.

Rẹvẹleshọnụ 15:6

Ndị mmọn-ozi ẹsa hụ gi eje-afụnfụn ẹsa hụ nọ gha ebẹhụ pụha. Wẹ yisọnmẹ ẹkwa linẹ nwunni rị e gbukeni, gi ihiẹn goru kẹnhunmẹ obi.