Izikẹlụ 8:3 - Ika

³ Ọ nọ tịnpụ ihiẹn nọ kẹ ẹka, dọdọn m ntutu, mmọn Chuku nọ dọrị m ẹrịra shi imẹ elu, we m shi Jerusalẹm, imẹ ọhụn hụ gha ẹka Osolobuẹ bịa. Ọ nọ we m shi Ụlọ-nsọ, ẹhụ ọnụ-ụgba hụ rị ẹbamịn-ugu hụn wẹ gha a banye ihun-ezi rị imẹ-imẹ Ụlọ-nsọ — ebe wẹ kpụtọ mmọn ahụn wẹ gi kpasu Osolobuẹ iwe, hụn ẹnya gi rị a fụ Osolobuẹ.

Izikẹlụ 8:3 ပူးပေါင်းရင်းမြစ်များ

Ndị-nze Nke Ibuzọ 18:12

Bụ amarịn m ebe Mmọn Osolobuẹ jẹnkọ d'e we i shi hụn m gihụ la ị tọ. M jẹn nwan d'a gwa Ehabụ, ọ bịa bụ ọ hụnn'ị, o gbu m — bụ Osolobuẹ kẹ mmẹ wụ odibo i e fe gha alị lala.

Ndị-nze Nke Ẹbụọ 16:14

O bupụ ukpo nchụn-ẹjan igwe-bronzu hụn te rị ihun Osolobuẹ, ihun Ụlọ-nsọ, ẹgbata ukpo nchụn-ẹjan ahụn ọ rụn lẹ Ụlọ Osolobuẹ kẹti-kẹti, bu ẹ che ẹbamịn-ugu ukpo nchụn-ẹjan ọhụn ahụn.

Ndị-nze Nke Ẹbụọ 2:16

Wẹ nọ sị a, “Lee ẹ, ẹnyi ndị idibo i nwọn mmadụ iri kwasị ọgụnnaị ka-ẹhụ ọhụnma-ọhụnma. Dodo, nị wẹ jẹnlele d'a chọ di-nwọnni i. Ikẹnkwọ Mmọn Osolobuẹ e burugụọ a, butọ enu ugu mọbụ imẹ ọdanmgbugbu.” Ọ nọ sị wẹ, “Mba; ezilẹ ni wẹ.”

Ndị-nze Nke Ẹbụọ 21:7

O weri osisi hụ ọ pịn wẹ gi a rụa Ashẹra che imẹ Ụlọ-nsọ nwẹn Osolobuẹ gwa Defidi lẹ nwa a wụ Solomọnụ oku ẹ, sị, “Imẹ Ụlọ-nsọnị lẹ imẹ Jerusalẹm, obodoni m họrị imẹ alị ebọn ile rị Izrẹlụ, kẹ m k'e buche Ẹfan m jẹnrin ejẹn.

Ẹbụ-ọma 78:58

E gi wẹ mmọn wẹ rị a rụa ebe jẹn elu a kpasu ẹ iwe, gi mmọn wẹ kpụ e mẹ ẹnya a fụ a.

Ọpụpụ 20:4

“Elerikwọlẹ ni ihiẹn ọwụlẹ mẹmẹrin mmọn, kẹ ihiẹn rị elu-igwee kẹ ihiẹn rị elu-ụwa kẹ ihiẹn rị imẹ mirin;

Ọpụpụ 20:5

akpọkwọlẹni ni wẹ isi alị mọbụ fe wẹ; makẹni mmẹ, hụn wụ Osolobuẹ, Chuku ụnụ, wụ Chuku ẹnya a fụ omẹni wẹ ye onyẹ ọzọ ihiẹn runi m. M'e gi njọ ndị ize m e ze e sọn ụmụ wẹ d'e rudẹ agbọ nke ẹtọ lẹ nke ẹnọ.

Ọpụpụ 34:14

Efekwọlẹ ni mmọn ọwụlẹ cheni m, makẹni mmẹ, Osolobuẹ hụn ẹfan a wụ ‘Hụn Ẹnya A Fụ’, wụ Chuku hụn ẹnya a fụ.

Jerimaya 32:34

“A kọmadẹ wẹ mmọn wẹ ndị ahụn, ihiẹn ndị ahụn m'a sọ, ye imẹ ụlọ ahụn rị a za ẹfan m, gi wẹ mẹrụ a.

Jerimaya 7:30

“Osolobuẹ: Ndị Juda e mẹgụọ ihiẹn rịlẹni mma ẹnya m. A kọmagụọ wẹ mmọn ndị ahụn rụnị ye imẹ ụlọ hụn a za ẹfan m, mẹrụ a.

Izikẹlụ 1:1

Nke akpọhịn isẹn imẹ ifọn nke ẹnọ imẹ ahụa nke iri-kwasị-ọgụn, m rị mkpẹnrẹn Iyi Kẹba alị Babilọnụ, ebe wẹ kpụnjẹn mmẹ lẹ ndị Juda ibe m. Ya m nọ hụn ọhụn. Imẹ ọhụn ahụn, igwere nọ kpupụ, Chuku nọ ghọsị m ihiẹn.

Izikẹlụ 10:3

Ndị chẹrobu hụ wuzo ẹbamịn ndịdan Ụlọ-nsọ kẹ okẹnnyẹ hụ banye, orukpu nọ jun ezi-ọgwa ahụn rị imẹ-imẹ.

Izikẹlụ 11:1

Mmọn-nsọ nọ bushi m elu, buhẹ m ọnụ-mgbọn rị ẹbamịn ọwụwa-ẹnyanwụn Ụlọ-Osolobuẹ. Ikẹnnyẹ isẹn-kwasị-ọgụn hụ ebẹhụ wẹ gha a banye ọnụ-mgbọn hụ. M nọ hụn Ja-azanịa nwa Azuru lẹ Pẹlatịa nwa Bẹnaya imẹ wẹ. Madụ ẹbụbụọnị rị ndị-isi alị.

Izikẹlụ 11:24

Ya kẹ Mmọn Chuku nọ buru m shi imẹ elu, imẹ ọhụn hụ Chuku mẹ m hụn, wekinhẹn m ebẹhụ ndị Izrẹlụ wẹ kpụnhan Babilọnụ rị. Ọ nọ fọn m ẹnya.

Izikẹlụ 2:9

Ya m nọ lee ẹnya, e lee ẹka ohu tịnpụ zinmẹ m; ibe ẹkụkwọ hụ a.

Izikẹlụ 3:12

Ya kẹ Mmọn Osolobuẹ nọ buli m elu, m nọ nụ ụzụn ibe azụụn m, ụzụn ahụn nọ kẹ ụzụn okẹn mirin. Ọghọ ahụn m hụn Osolobuẹ gi pụha ebẹhụ a pụkakwọ ichẹn!

Izikẹlụ 3:14

Mmọn-Osolobuẹ nọ buli m elu, weri m, mmẹ lẹ ẹfọ rịlẹni a sụọ m ụsụọ lẹ olulu jun m obi; ẹka Osolobuẹ kwọndọn m ọda-ọda.

Izikẹlụ 37:1

Osolobuẹ mẹtụ m ẹka, gi Mmọn Osolobuẹ wepụha m, bu m che etintinnaị ọdanmgbugbu ohu. Ọkpụkpụ jun ọdanmgbugbu hụ.

Izikẹlụ 40:2

Imẹ ọhụn hụ gha ẹka Osolobuẹ bịa, Osolobuẹ nọ we m shi alị Izrẹlụ, bu m che elu-ugu jẹngbu enwẹn ẹ elu. O nwọn ebe nọ kẹ obodo elu ẹ ebẹhụ, ẹbamịn ndịdan.

Izikẹlụ 43:5

Ya kẹ Mmọn Osolobuẹ nọ buli m elu, weban m ezi-ọgwa rị imẹ, m nọ hụn nị ọghọ Osolobuẹ jun imẹ Ụlọ-NSỌ.

Izikẹlụ 43:8

E bu wẹ ọnụmụzọ wẹ nọkunmẹ ọnụmụzọ m, ẹhụ-ụlọ ohu sụọ nọ rị ẹgbata mmẹ lẹ wẹ; e gi wẹ ụrụ ile wẹ mẹ mẹrụ Ẹfan m rị nsọ, m nọ gi iwe tikpọ wẹ.

Izikẹlụ 5:11

“ ‘Mmẹ, Osolobuẹ nwọn ihiẹn ile rị nwan e kun enwẹn m, a sị ị nị ebe o mẹni y'e gigụọ mmọn ndị hụ ile rụnị ị kpụ lẹ arụ ile ị rị e mẹ mẹrụ Ụlọ-nsọ m, mmẹ lẹ enwẹn k'a kpụnpụ ị ntutu; elekọ m'ị ẹnya ihun, emẹkọnị m'ị omikẹn.

Izikẹlụ 7:20

Makẹni ihiẹn-mma wẹ ile magbu enwẹn ẹ e bugụọ wẹ isi; makẹni e gigụọ w'a kpụrụ mmọn lẹ Iyi rụnị, ihiẹn m'a sọ. M sikọ nwan d'e mẹ ihiẹn-mma wẹ wụrụnị wẹ ihiẹn rụnị.

Izikẹlụ 8:5

Ya kẹ Osolobuẹ nọ sị m, “Nwa-ịhịan, lee ẹnya ẹbamịn-ugu.” M nọ lee ẹnya ẹbamịn-ugu: e lee mmọn hụ wẹ kọma hụn ẹnya gi rị a fụ Osolobuẹ! Ọnụ-mgbọnni rị ẹbamịn-ugu ukpo wẹ nọ a chụnyeni Osolobuẹ ẹjan kẹ wẹ kọma a.

Izikẹlụ 9:2

M nọ hụn ikẹnnyẹ isin kẹ wẹ lala: wẹ gha ibẹka Ọnụ-mgbọn hụ rị mkpọnyin lala — Ọnụ-mgbọn hụ bu ihun zinmẹ ẹbamịn-ugu. Onyẹ-onyẹ imẹ wẹ bu ihiẹn o gi e gbu. Okẹnnyẹ ohu hụn yi ẹkwa-linẹni rị imẹ wẹ, o kẹn ihiẹn wẹ gi e de ihiẹn ukun. Wẹ ile nọ bịa d'e wuzo ẹhụ ukpo nchụn-ẹjan igwe-bronzu Ụlọ-nsọ.

Daniẹlụ 10:10

Ẹka ohu nọ mẹtụ m, weli mmẹ lẹ ẹhụ rị a ma m nni, bu m mkpụkụ lẹ ọb'ẹka che alị.

Daniẹlụ 10:18

Ya onyẹ ahụn nọ kẹ ịhịan nọzị mẹtụ m ẹka, mẹ ndụn ban m.

Daniẹlụ 5:5

Idẹnmizi ẹka ịhịan nọ pụha, demẹ ihiẹn ye ụsụọ ẹjan wẹ te hụn nọkunmẹ ukpẹ rị imẹ obi-eze hụ. Eze hụ e lee ẹka hụ k'ọ rị e de ihiẹn ahụn.

Ọrụn Ndị-ozi 8:39

Ogẹn wẹ gi gha imẹ mirin pụha, idẹnmizi, Mmọn-nsọ Di-nwọnni-ẹnyi nọ jụrụ Filipu; okẹn-okporo hụ ahụnzịn'a, ya okẹn-okporo hụ nọ gi ịghọghọ jẹnmẹ ebe o jẹnkọ.

Ditrọnọmi 32:16

E gi wẹ ife mmọn-lẹ-iyi mẹ ẹnya fụma a, gi ihiẹn ndị ahụn rụnị wẹ kpụ kpasu ẹ iwe.

Ditrọnọmi 32:21

E gigụọ wẹ ihiẹn ahụn wụlẹni Chuku mẹ ẹnya fụma m, gi ihiẹn nwọnlẹni isi wẹ kpụ kpasu m iwe. M k'e gi ndị wụlẹni ihiẹn ọwụlẹ mẹ ẹnya fụma wẹ; m k'e gi alị nwọnlẹni nghọta kpasu wẹ iwe.

Ditrọnọmi 4:24

Makẹni, Osolobuẹ wụ Chuku ụnụ wụkwọ ọkụn e bu ihiẹn e ri, Chuku ghalẹni e gi ẹnya a hụn kẹ ihiẹn ọzọ weri ọnọdị a k'ọ wụ.

Ditrọnọmi 5:9

“Akpọkwọlẹ ni ni wẹ isi alị mọbụ fe wẹ, makẹni mmẹ, Osolobuẹ hụn wụ Chuku ụnụ, wụ Chuku ẹnya a fụ; m'e gi njọ ndị hụn ize m e ze e sọn ụmụ wẹ d'e ru ụmụ-ụmụ lẹ ụmụ ụmụ-ụmụ wẹ,

Ditrọnọmi 6:15

Osolobuẹ wụ Chuku ụnụ hụn rị imẹ igunrun ụnụ wụ Chuku ẹnya a fụ; o k'e gi olulu mẹ ụnụ ihiẹn, kpọnchanpụ ụnụ alị hụ.

Joshụa 24:19

Kanị Joshụa nọ sị wẹ, “Ụnụ asakọ ẹka fe Osolobuẹ, n'ọ wụkwọ Chuku rị nsọ; Chuku ẹnya a fụ ụfụ k'ọ wụ; ọ gbagharịkọkwọ ụnụ nnupụ-isi lẹ njọ.