Izikẹlụ 7:7 - Ika

⁷ Nke ụnụ a gụgụọ, ụnụ ndị bi alịnị. Ogẹn e rugụọ; ụhụọhịn hụ a rịọlẹ nsue! Isusu jẹnkọ d'a rị elu-ugu ndịnị ẹlẹ ịghọghọ.

Izikẹlụ 7:7 ပူးပေါင်းရင်းမြစ်များ

Jẹnẹsisi 19:15

Ogẹn eki gi fọn, ndị mmọn-ozi ahụn nọ hụhụma Lọtụ, a sị a, “Ozigbo, weri nwunyẹ i lẹ ụmụ ị ikpoho ẹbụọnị rị ebeni pụ; ụnụ apụnị, afụnfụn lalanị alịnị k'e bu ụnụ ri.”

Jẹnẹsisi 19:24

ya kẹ Osolobuẹ nọ gi ẹka a gha elu-igwee hu nsịn-ẹnyanwụn lẹ ọkụn kpu alị Sodọm lẹ alị Gomora nọkẹ mirin rị e zueni;

Azaya 13:22

Eje-nkitẹ ọfịa wụ haịna k'a rị mkpọkọ okẹn ụlọ wẹ a gbọ, anụ-ọfịa wụ jakalụ nkẹ a nọdị mkpọkọ obi-eze ọma wẹ a gbọzịkwọ. Ogẹn w'e gi tikpọ Babilọnụ a rịgụọ nsue! O biekọzị.

Azaya 16:10

Ịghọghọ lẹ anwịnrịn arịzị ugbo mkpụrụ-osisi; w'a ra nụzị ẹbụ lẹ oro ịghọghọ imẹ alị vaịnị; onwọnzini onyẹ rị ebe wẹ nọ a pịnpụha manya. Makẹni e mẹgụọ m oro ịghọghọ kụsị.

Azaya 17:14

Ẹnyasị, okẹn egun a tụma wẹ idẹnmizi; eki gini d'e fọn, arịkọzị w'a! Ịya e mẹ ndị a kwanarịn ẹnyi ihiẹn ẹnyi, ya wụ ihiẹn rịnị ndị e gbu ẹnyi e weri ihiẹn ẹnyi.

Azaya 22:5

Di-nwọnni-ẹnyi, Osolobuẹ ihiẹn ile rị okpuru ẹ, a kayegụọ ogẹn isusu, ọbịangbu lẹ egun, hụn k'e kunrun Jerusalẹm, Ọdanmgbugbu Ozi-Osolobuẹ — ogẹn wẹ k'a kụtusọnmẹ mgbọn ẹ, ogẹn wẹ k'a gha a kwanghọsị ugu ichẹn-ichẹn.

Jerimaya 20:7

Jerimaya nọ sị, “Euu Osolobuẹ, y'e dufie m, m nọ kweyeni i; y'a karị m ẹka, nke i nọ bụn. Ẹmụ-ẹmụ kẹ w'a mụ m nwan uhinhin lẹ efinaị! Ịhịan ile hụ a mụ m ẹmụ!

Jerimaya 50:27

Gbuchanrịn nị okoro efin wẹ; kpụnrụn nị wẹ d'e gbu! Nsọngbu k'a rịnị wẹ makẹni ogẹn wẹ e rugụọ — o ruọlẹ ogẹn w'e gi narịn afụnfụn ihiẹn wẹ mẹ.

Izikẹlụ 12:28

“Sị wẹ nwan: Lee ni ihiẹn Osolobuẹ nwọn ihiẹn ile ku: ‘Onwọnzini oku m hụn k'e bie d'a bụn; ihiẹn ọwụlẹ m ku k'e mẹ. Ya kẹ Osolobuẹ nwọn ihiẹn ile ku.’ ”

Izikẹlụ 30:3

Makẹni ụhụọhịn ahụn e rugụọ; ụhụọhịn Osolobuẹ a rịgụọ nsue! Igwere efọnkọ ụhụọhịn hụ! O k'a jọ alị ichẹn-ichẹn njọ ụhụọhịn hụ!

Izikẹlụ 7:12

“Ogẹn e rugụọ; ụhụọhịn ahụn a bịagụọ! Hụn e ṅọnni ya aghọghọlẹ; hụn e reni ya akwanlẹ, makẹni olulu Osolobuẹ k'e kunrun ịhịan ile.

Juwẹlụ 1:15

Ụhụọhịn ahụn k'a jọgbu enwẹn ẹ! Ụhụọhịn Osolobuẹ ahụn a rịgụọ nsue! Okẹn ntikpọ gha ẹka Onyẹ hụ nwọn ikẹn ile bịa k'o k'e buhẹ!

Emọsụ 4:13

Lekwọ nị ẹnya, Onyẹ hụn mẹmẹ ugu ile, Onyẹ hụn ke ufere; Onyẹ hụn a gwa ịhịan uche ẹ; Onyẹ hụn e mẹ efinaị a gba ishi; Onyẹ hụn a zọ ebe ile jẹn elu elu-ụwa ụkụ; Osolobuẹ, Chuku ihiẹn ile rị okpuru ẹ ịya wụ ẹfan a!”

Pita Ibuzọ 4:17

Makẹni, o ruọlẹ ogẹn okinkin-ikpe e gi bidọn imẹ ụlọ Osolobuẹ. Omẹni ọ gha ẹka ẹnyi bidọn, kịnị k'e mẹ ndị nupụ isi okpuru oziọma Osolobuẹ?