Izikẹlụ 7:23 - Ika

²³ “Mẹmẹ ẹgan, makẹni ẹdeke e jungụọ alịnị, ẹka-ikẹn e jun imẹ isi-obodoni.

Izikẹlụ 7:23 ပူးပေါင်းရင်းမြစ်များ

Ndị-nze Nke Ẹbụọ 21:16

Manasẹ e gbuzighọ ndị bu ọda nwọnlẹni ihiẹn wẹ mẹ, nke wụnị ẹdeke wẹ e jun Jerusalẹm, gha isini d'e ru isini, cheni njọ hụn ọ dọ Juda ye imẹ ẹ, nke wụnị e mẹ wẹ eje-ihiẹn ẹnya Osolobuẹ.

Ndị-nze Nke Ẹbụọ 24:4

kẹ ẹdeke ndị nwọnlẹni ihiẹn wẹ mẹ Manasẹ gbu. Makẹni Manasẹ mẹ ẹdeke ndị nwọnlẹni ihiẹn wẹ mẹ jun imẹ Jerusalẹm — ndị nwọnlẹni ihiẹn wẹ mẹ hụn o gbu; ufiri ẹ, Osolobuẹ achọnị n'ọ gbagharị.

Azaya 1:15

Ụnụ kịshidẹ ẹka elu mẹ ekpere, e bupụ m ụnụ ihun; ụnụ mẹkẹnmẹdẹ ekpere, egọnkọ m ụnụ ntịn. Ẹdeke jun ụnụ ẹka;

Azaya 59:3

Ẹdeke ndị ụnụ gbu rịsọnmẹ ụnụ ẹka; eje-ihiẹn ụnụ mẹ a ghagbarịgụọ ụnụ mkpịnsịn-ẹka ile. Ọnụ ụnụ a tụnsọnmẹ ntụ; ire ụnụ e kusọnmẹ eje-ihiẹn.

Azaya 59:7

Ụkụ a kẹrẹka wẹ ebe eje-ihiẹn rị, ara fụdẹ wẹ ọrụn igbu onyẹ nwọnlẹni ihiẹn o mẹ. Eje-ihiẹn sụọ kẹ w'e ro; ntikpọ lẹ nsọngbu kẹ w'e buhẹsọnmẹ.

Jerimaya 2:34

Ẹdeke rị ụnụ ẹbulu-ukun — ẹdeke ndị-igbẹnnyẹ nwọnlẹni ihiẹn wẹ mẹ — ụnụ nwụnlẹni ebe wẹ rị e gbukpọ ụlọ. Ihiẹn ndịnị ile mẹni,

Jerimaya 22:17

“Kanị ẹnya ị lẹ obi i rịhụ ihiẹn i k'a narịn ịhịan, igbu ndị nwọnlẹni ihiẹn wẹ mẹ, ịbịangbu ịhịan lẹ ịtụnarịn wẹ ihiẹn wẹ.”

Jerimaya 27:2

Jerimaya sị, “Osolobuẹ sị m: Gi ụdọ lẹ akp'osisi mẹmẹrin yoku w'a kpọye igbọn olu, yiri ẹ olu kẹ igbọn.

Jerimaya 40:1

Ọnwan wụ oku Osolobuẹ gwa Jerimaya ogẹn Nebuzaradanị, hụn wụ onyẹ-isi ndị-agha e che eze ndị Babilọnụ nche gi hatu Jerimaya imẹ obodo Rama. Ogẹn hụ, wẹ kpọma Jerimaya ẹgan, ya lẹ ndị ọzọ wẹ kpụnkọ Babilọnụ, ndị wẹ gha Jerusalẹm lẹ obodo ichẹn-ichẹn rị Juda kpụnrụn.

Jerimaya 6:7

Kẹ isi-mirin dọn e hupụha mirin kẹ obodoni dọn e hupụha eje-ihiẹn rị imẹ ẹ. Egbu-lẹ-egbu lẹ ntikpọ-ntikpọ kẹ w'a nụ imẹ ẹ; emu lẹ ẹhụ wẹ rụsọnmẹ kẹ m'a hụn ogẹn ile.

Jerimaya 7:6

ụnụ a bịangbubehi abịamabịa bi alị ụnụ lẹ ụmụ nwọnlẹni nẹdi lẹ ikpoho di nwụnnahịn, gbubehi ndị nwọnlẹni ihiẹn wẹ mẹ ụnụ alịnị, sọnbehi mmọn-lẹ-iyi ndị ahụn ụnụ rị e sọn rị a na ụnụ isi,

Ẹkwan 3:7

O gbọnhunmẹgụọ m — asakọ m ẹka wanahịn; o gigụọ ẹgan nyịngbu enwẹn wẹ dọnmẹ m ụzọ ohu.

Izikẹlụ 11:6

Ụnụ e gbuọlẹ ndị bu ọda imẹ obodoni; ozun ndị ụnụ gbu e jungụọ ọgbara-ogbe ẹ ile.

Izikẹlụ 12:19

Y'a sị ndị alị, ‘Lee ni ihiẹn Osolobuẹ nwọn ihiẹn ile ku banyeni ndị bi Jerusalẹm lẹ alị Izrẹlụ ile: wẹ k'a rị e hue uhue wẹ gha e ri ihiẹn-oriri wẹ; wẹ k'a gha a tụ egun wẹ gha a ra mirin, makẹni alị Izrẹlụ sikọ d'a gba okpokoro yeni eje-obibi ndị rịn'a bi.

Izikẹlụ 18:12

omẹni ọ bịangbu ndị igbẹnnyẹ lẹ ndị elu rị a fụ; omẹni o zun ohin; omẹni ara wekinni ịhịan ihiẹn wẹ gi gbama ibe ẹka a; omẹni o fe mmọn, e mẹ arụ;

Izikẹlụ 22:13

“Eje-ẹnya kẹ m rị e lee i makẹ eje-erere ị rị e ri lẹ ẹdeke ndị wẹ gbu imẹ i!!

Izikẹlụ 22:27

“Ndị-isi rịn'a rịsọnmẹ kẹ eje-anụ wofu ndị rị a dọwa anụ wẹ gbu: wẹ hụ e gbu ịhịan a la iwi kẹni wẹ ri ihiẹn rulẹni wẹ.

Izikẹlụ 22:9

Wẹ hụ imẹ i e buokin ịhịan ọnụ ebe wẹ n'ọ a chọ isi w'e gbu; ndị rị imẹ i hụ e ri ihiẹn-oriri ụlọ-mmọn ndị hụ rị elu ugu; wẹ hụ e mẹ arụ ichẹn-ichẹn imẹ i.

Izikẹlụ 45:9

“ ‘Osolobuẹ nwọn ihiẹn ile sị: O highọnị ụnụ ndị-ọkịkị Izrẹlụ! Kụsị nị ẹka-ikẹn lẹ mmẹgbu ụnụ! E mẹ ni ihiẹn rị mma lẹ ihiẹn furuni. Anapụzịlẹ ni ndị nke m ihiẹn wẹ. Ya kẹ Osolobuẹ Nwọn Ihiẹn Ile ku.

Izikẹlụ 8:16

Ọ nọ nwan wẹhẹ m ihun-ezi rịchanrịn imẹ hụn rị Ụlọ-nsọ Osolobuẹ: e lee ihiẹn nọkẹ madụ isẹn kwasị ọgụn rị ihun Ụlọ-NSỌ Osolobuẹ ebẹhụ e fe ẹnyanwụn!! Wẹ rị ẹgbata ẹtu-ụlọ rị ebẹhụ lẹ ukpo nchụn-ẹjan Osolobuẹ! Wẹ ile bu azụụn zinmẹ Ụlọ-NSỌ Osolobuẹ, bu ihun zinmẹ ẹbamịn ọwụwa ẹnyanwụn, a kụnị ẹnyanwụn isi alị!

Izikẹlụ 8:17

Ọ nọ sị m, “Nwa-ịhịan, y'a hụn? Arụ ndịnị ile ndị Juda rị e mẹ ebeni e hini nwan? Wẹ hụzịdẹ e gizi egbu-lẹ-egbu mẹjun alịnị ile, e mẹsọnmẹ ihiẹn we gi a kpasu m iwe? Enwẹn wẹ kẹ wẹ rị a kpa nsịn e ye ọnụ — ẹlẹ mmẹ!

Izikẹlụ 9:9

Ọ nọ sị m, “Njọ ndị Izrẹlụ Ẹbamịn-ugu lẹ ndị Juda a karịgụọ ẹka ọda-ọda; ogbugbu-ogbugbu e jungụọ alịnị, eje-obibi e jun isi-alịnị wụ Jerusalẹm — makẹni wẹ rị a sị enwẹn wẹ, ‘Osolobuẹ a jụgụọ alịnị! Osolobuẹ arị a hụn ihiẹn rị e mẹni!’

Hosia 4:2

Ihiẹn jun alịnị wụ ịkpọ-iyi lẹ ntụ lẹ igbu-ọchụn lẹ Izun-ohin lẹ ughẹrẹ; onwọnzini ihiẹn e kwọndọnni wẹ, ogbugbu-ogbugbu.

Maịka 2:2

Wẹ chọ alị mọbụ ugbo ịhịan, a narịn w'a ya; omẹni ụlọ rọ, e weri w'ẹ; wẹ hụ a bịangbu ịhịan, e weri ụlọ a; a bịangbu ịhịan, e weri ukuu ẹ.

Maịka 7:2

Ndị e mẹ uche Osolobuẹ arịzị alịnị; onwọnzini onyẹ kụrụ ọtọ. Onyẹ ọwụlẹ hụ e che n'o gbu ibe ẹ; onyẹ-onyẹ hụ e shitọnị ibe ẹ ọnyan.

Nahum 3:10

Kanị, emẹrikwọ wẹ ndị Tẹbẹsi kpụnrụn; e gizidẹ wẹ ụmụẹka wẹ a fịan ọmụma ndị rị ọkpụzọ wẹ ile, a fịangbu wẹ. A tụzịghọ wẹ mkpọ keri ndị w'a gbaye imẹ wẹ, kẹn okẹn-ịhịan ndị rịn'a ẹgbụn.