Izikẹlụ 7:18 - Ika

¹⁸ Wẹ k'e yiri ẹkwa-achọ, a ma piripiri; ifẹnrẹn k'e mẹgbu onyẹ ọwụlẹ; wẹ k'a kpụnpụ wẹ ntutu.

Izikẹlụ 7:18 ပူးပေါင်းရင်းမြစ်များ

Jẹnẹsisi 15:12

Ogẹn anwụn gi danma, okẹn ụran nọ buru Ebram; idẹnmizi, egun nọ tụma a ọda-ọda, ẹnya nọ gba a ishi kitikpọ.

Jobu 21:6

M ro ihiẹnni, egun a tụma m, ẹhụ a mama m nni.

Ẹbụ-ọma 35:26

Ndị ile gi nsọngbu m a mụ m ẹmụ ifẹnrẹn ya mẹ wẹ; w'a marịnzịlẹ hụn w'e mẹ. Ndị ile rị a nyannị m isi, wẹ jeri ụya lẹ ịfa kẹ ẹkwa.

Azaya 3:24

Hụn nkẹ w'e gi kun fuẹin, wẹ k'e shinja; ẹgbụn k'a nọkin ẹnya nfifie wẹ; isi-akpan k'a nọkin ẹnya ntutu wẹ te dọnmẹ ọhụnma; ẹkwa-achọ k'a nọkin ẹnya ẹwuru rị mma; ahịma w'e ye igbọn k'a nọkin ẹnya mma-ẹhụ wẹ.

Jerimaya 3:25

Nị ẹnyi gi ifẹnrẹn ihiẹn ẹnyi mẹ dan alị, nị ẹnyi nị ifẹnrẹn ihiẹn ẹnyi mẹ ru ẹnyi ẹhụ. Ẹnyi e mẹgụọ Osolobuẹ wụ Chuku ẹnyi njọ — kẹ ẹnyi kẹ ndị nẹdi ẹnyi; ghakwọrị ebe ẹnyi rị nwata d'e ru tannị, ẹnyi e ara humẹni Osolobuẹ wụ Chuku ẹnyi isi.”

Jerimaya 48:37

Wẹ ile jẹnkọ d'a kpụnpụ ntutu, kọpụ ẹtu; wẹ ile k'e bekika enwẹn wẹ ẹka, jeri ẹkwa-achọ ndị rị a kwan ụya.

Jerimaya 6:25

Apụkwọlẹ ni nị ụnụ jẹnkọ ugbo, aghakwọlẹni ụwaya — makẹni eṅẹnrẹn ahụn bịanị bukwọ ọpịa-agha; ihiẹn-egun fihunmẹ ẹnyi azụụn ile.

Jerimaya 6:26

“Heuu, ndị nke m, yiri ni ẹkwa-achọ, ụnụ e kperemẹ imẹ ntụn; kwan nị ụya kẹ onyẹ akpụ nwa-okẹnnyẹ ohu nwụnnahịn, makẹni onyẹ e tikpọnị lala idẹnmizi d'e tikpọ ẹnyi!”

Izikẹlụ 27:31

Wẹ k'a kọn'ị isi, jeri ẹkwa ndị ihiẹn mẹ. Wẹ k'a kwann'ị ụya, kwan a ọda-ọda.

Juwẹlụ 1:13

Ndị nchụn-ẹjan, yiri ni ẹkwa-achọ kwanma: ụnụ ile ndị ọrụn ukpo nchụn-ẹjan Osolobuẹ! D'e yiri ni ẹkwa-achọ chu ụran; ụnụ ndị a rụnnị Chuku m ọrụn! N'o nwọnzini ọka lẹ manya rịnị wẹ e gi chụn ẹjan imẹ Ụlọ-nsọ Chuku ụnụ.

Emọsụ 8:10

M k'a napụ ụnụ oriri ụnụ, ye ụnụ ẹkwan, napụ m ụnụ ẹbụ, ye ụnụ ịkwan-ụya. M k'e mẹ ụnụ ile yirisọnmẹ ẹkwa-achọ, mẹ ụnụ ile kpụnpụ ntutu. M k'e mẹ ẹ n'ọ rịkẹ ebe wẹ rị a kwan akpụ nwa-okẹnnyẹ ohu; eje-ogẹn e lu ilu k'o k'a wụ!”