Izikẹlụ 6:9 - Ika

⁹ Ndị hụ hụn isi imẹ ụnụ k'a nyanhan m imẹ alị ichẹn-ichẹn ndị hụ wẹ kpụnjẹn wẹ, nyanhan kẹ obi dọn gbawapụ m yeni obi wẹ rịlẹni ụzọ ohu, obi wẹ hụn pụchanrịn ebe m rị shi mmọn wẹ ndị hụ chanban wẹ ẹnya, ize enwẹn wẹ a ban wẹ yeni eje-ihiẹn ile wẹ mẹ lẹ arụ ile wẹ mẹ.

Izikẹlụ 6:9 ပူးပေါင်းရင်းမြစ်များ

Ndị-nze Nke Ẹbụọ 16:10

Eze wụ Ahazị nọ jẹn Damaskọsụ d'e kunrun Tiglatị-Pilesa eze Asiria. Ọ hụn ukpo nchụn-ẹjan ohu imẹ Damaskọsụ, o se ẹ ye ẹkụkwọ, kọwachanrịn k'ọ nọ lẹ kẹ w'a dọn rụn a, we ẹ ye wẹ jẹnni Yuria onyẹ-isi nchụn-ẹjan.

Jobu 42:6

Ifẹnrẹn enwẹn m e mẹgbugụọ m; E rogharịgụọ m nwan, a gwọrị m imẹ uzunzun lẹ ntụn!”

Ẹbụ-ọma 137:1

Mkpẹnrẹn iyi rị Babilọnụ kẹ ẹnyi nọdị alị a kwan ẹkwan, ogẹn ẹnyi gi nyanhan obodo Zayọnụ.

Ẹbụ-ọma 78:40

Mgbe ole-lẹ-ole kẹ wẹ fen'ẹ isi imẹ atụ ahụn, kpasu ẹ iwe imẹ atụ ebẹhụ;

Azaya 43:24

Y'e wẹhẹnini m kalamusu e kun fuẹin mọbụ buhẹni m ụtọrọ anụ bu ọda wẹ gi chụn ẹjan. Kama, ị hụ e gi njọ ị e buye m ibu, e gi mmẹfie i e mẹ ndụn a gụ m.

Azaya 63:10

Kanị wẹ nọ femẹ isi, mẹ ize zemẹ Mmọn-nsọ Osolobuẹ. Ya Osolobuẹ nọ hutọ, họnrin eṅẹnrẹn wẹ — gidẹ ẹka a bunụmanị wẹ.

Azaya 64:6

Ẹnyi ile nọ nwan kẹ onyẹ rụnị, ezi-omumẹ ile ẹnyi rị e mẹ nọhụ kẹ nkanka ẹkwa wẹ gi sọ ezi; ẹnyi ile hụ e shinwụn nọkẹ ẹhụhụọ; njọ ẹnyi e buhuhu ẹnyi kẹ ufere.

Azaya 7:13

Ya Azaya nọ sị, “Gọn ni ntịn, ụnụ ndị ikpụlọ Defidi! Ebe ụnụ chọru ihiẹn rị ịhịan ọnụ eke hi? Ụnụ k'a chọmazị ihiẹn rị Chuku m ọnụ?

Jerimaya 3:13

Ka kwerihụ nị y'e mẹọlẹ njọ, nị y'e nupụgụọ isi okpuru Osolobuẹ wụ Chuku i, y'e wegụọ enwẹn i kwanị mmọn alị ọzọ rị ichẹn-ichẹn okpuru osisi ọwụlẹ duni, y'e mẹni ihiẹn m sị ị mẹ.” Ya kẹ Osolobuẹ ku.

Jerimaya 3:6

Ogẹn Josaya gi wụ eze Juda, Osolobuẹ nọ sị m, “Y'a hụngụọ ihiẹn Izrẹlụ Ẹbamịn-ugu danpụgụnị mẹ? O jẹnsọnmẹgụọ elu òke jẹn elu lẹ okpuru osisi ọwụlẹ duni d'a gba ịgbaraja a wụ ife mmọn ichẹn-ichẹn.

Jerimaya 51:50

Ụnụ ndị wanahịn ọpịa-agha, a la nị, emẹkwọlẹ ni ẹlẹẹ! Nyanhan nị Osolobuẹ ebẹhụ teni ụnụ rị, nyanhan nị Jerusalẹm ebẹhụ.

Izikẹlụ 12:16

Kanị, o nwọnghọ ndị m k'a nị wanahịn ọpịa-agha lẹ ẹgụn lẹ eje-emu, kẹni wẹ nọ alị ndị wẹ shikọ gi ọnụ wẹ ku obibi ile rụnị wẹ bi. Ogẹn hụ, a marịn wẹ nị mmẹ wụ Osolobuẹ.”

Izikẹlụ 16:43

“ ‘Makẹni y'a nyanhannị ihiẹn m mẹni i kẹ i rị nwata, kama, ị nọ gi eje-ihiẹn ndịnị wẹ kpasu m iwe, mmẹ nwẹn k'e mẹ i gi isi buru wẹ ile. Y'a gbagụọnị eje-ịgbaraja cheni arụ ile i mẹ? Ya kẹ mmẹ wụ Osolobuẹ Nwọn Ihiẹn Ile ku.

Izikẹlụ 16:61

Ị k'a nyanhan obibi i, ifẹnrẹn e mẹ i ogẹn i sikọ d'e nwọnhẹnzi mmunẹ i, kẹ ndị dịann'ị kẹ ndị ị dịan. M k'e we wẹ ye i, a wụrụ wẹ mmụ ị, kanị ẹlẹ ufiri nkwerigbama mmẹ lẹ yụ.

Izikẹlụ 16:63

M k'e mẹ ẹ, kẹni m gbarịgụ isi i imẹ eje-ihiẹn ile i mẹ, y'a nyanhan ihiẹn i mẹ, ifẹnrẹn e mẹ i, y'a shịapụkọzị ọnụ yeni ifẹnrẹn. Ya kẹ Osolobuẹ Nwọn Ihiẹn Ile ku.’ ”

Izikẹlụ 20:24

makẹni emẹni wẹ ihiẹn m sị wẹ mẹ, makẹni wẹ jụ uhi m, mẹrụ Ogẹn Ezumikẹn m rị ichẹn-ichẹn, bu ẹnya wẹ che mmọn ndị hụ ndị nẹdi wẹ fe.

Izikẹlụ 20:28

e webanhan m wẹ imẹ alị ahụn m kun enwẹn m kwe wẹ nkwa, wẹ nọ kwama ese elu òke ọwụlẹ wẹ hụn n'o jẹn elu lẹ ukun osisi ọwụlẹ duni, e gi ẹjan ndị hụ a kpasu m iwe; a mụyeni mmọn nsẹnsi, e hu manya wẹ e yeni wẹ.

Izikẹlụ 20:43

ụnụ a nyanhan obibi ụnụ lẹ ihiẹn ndị hụ ile ụnụ gi mẹrụ enwẹn ụnụ, ize enwẹn ụnụ a ban ụnụ makẹ eje-ihiẹn ndị hụ ile ụnụ mẹ.

Izikẹlụ 20:7

M nọ sị wẹ, ‘Onyẹ-onyẹ imẹ ụnụ ya latọ ihiẹn ndị ahụn wẹ kpụ ọ rị e fe; egilẹ ni mmọn ndị hụ rị alị Ijiptu mẹrụ enwẹn ụnụ. Mmẹ wụ Osolobuẹ hụn wụ Chuku ụnụ.’

Izikẹlụ 23:30

Ịyụ buhẹni enwẹn i ihiẹnni ile makẹni i gbasọn alị ichẹn-ichẹn nọkẹ ịgbaraja, gi mmọn wẹ mẹrụ enwẹn i.

Izikẹlụ 5:13

“ ‘Ogẹn ahụn, olulu m a rọ, ọnụma m a kụsị; ẹfọ e jun m. Ya wụ, m mẹchanrịngụ wẹ ihiẹn m k'e gi ọnụma m mẹ wẹ, a marịn wẹ nị mmẹ wụ Osolobuẹ rị nwan e gi ẹnya rị a fụnị m a gwa wẹ ihiẹnni.

Izikẹlụ 6:10

Ogẹn hụ, a marịn wẹ nị mmẹ wụ Osolobuẹ, nị ẹlẹ m rị e ku ẹ mmaka nị m k'e mẹ wẹ ihiẹnni.

Izikẹlụ 7:16

“Ndị k'a hụn isi gbapụ k'a gbashi elu ugu, a rịa lekẹ nduru rị ọdanmgbugbu, onyẹ-onyẹ hụ a kwannị njọ a.

Hosia 11:8

Euu Ifrem, nanị m'e dọn la ị tọnị wẹ tikpọ? Izrẹlụ, nanị m'e dọn we i ye wẹ tikpọ? Nị obi nị m mẹ ụnụ kẹ Adima? N'ọ nị m mẹ ụnụ kẹ Zẹbo? Obi anịnị m! Omikẹn anịkọ m!

Emọsụ 2:13

Lee nwan, m k'a bịantu ụnụ ebẹhụ ụnụ rị, ụnụ a nyụnlụa kẹ trọkụ bu okẹn ibu ibu ọka hụn nyịngbu enwẹn ẹ.

Maịka 5:13

M k'e tikpọchanrịn mmọn ile ụnụ kọma lẹ osisi ile ụnụ zumẹni mmọn; ụnụ akụkọzịnị ihiẹn ẹka ụnụ mẹmẹ isi alị.

Zẹkaraya 10:9

Ọsụọn'a nị m fe wẹ ye alị ndị ọzọ, wẹ k'a nọzịkwọ alị ndị hụ teni nyanhan m; wẹ k'a rị ndụn, wẹ lẹ ụmụ wẹ, lụahazị ebeni.

Ọgụngụn 15:39

Tasẹlụ ndịnị wẹ kẹ ụnụ k'a gha e lee kẹni ụnụ hụn ụzọ a nyanhan ihiẹn ile Osolobuẹ ku, nị ụnụ hụn ụzọ e mẹ wẹ, makẹ ụnụ gha a gbakịtọ m azụụn, mẹsọnmẹ ihiẹn rị ụnụ obi lẹ ihiẹn ndị hụ a la ụnụ ẹnya nọkẹ ndị ughẹrẹ.

Pita Nke Ẹbụọ 2:14

Ughẹrẹ jun wẹ ẹnya; ẹfọ njọ ara jun wẹ. W'a rẹrẹrị ndị kelẹni wuzo ọhụnma e ye imẹ njọ. E gigụọ wẹ ẹnya-uku zụn obi wẹ. Ndị wẹ bụ ọnụ kẹ wẹ wụ!