Izikẹlụ 6:8 - Ika

⁸ “Kanị, o nwọnghọ ndị m k'e dọnmẹ ndụn. Ogẹn hụ, ndị ọpịa-agha k'e gbuhọdụ imẹ ụnụ k'a rị alị ndị ọzọ m k'e feyịya ụnụ ye.

Izikẹlụ 6:8 ပူးပေါင်းရင်းမြစ်များ

Nehemiah 1:8

“Dodo, nyanhan oku hụn ị gwa odibo i wụ Mozizi, sị a, ‘Omẹni ụnụ emẹni hụn runi ụnụ, m k'e feyịya ụnụ ye alị rị ichẹn-ichẹn;

Azaya 6:13

Ọsụọkwọn'a ohu imẹ iri sụọ họdụ alịnị, wẹ k'a dụn wẹ ọkụn. “Kanị, kẹ okẹn-osisi dọn a latọ mkpọgụn alị wẹ gbutugụ wẹ, ẹrịra kẹ mkpụrụ rị nsọ k'a dọn họdụ alịnị, wụrụ mkpọgụn hụ wẹ latọ.”

Jerimaya 30:11

M k'a nọyen'i, zụọpụha ị. Ọsụọn'a m tikpọchanrịn alị ndị ahụn ile m fe i ye, e tikpọchanrịnkọ m'ị. M k'e ye i afụnfụn nkesi, kanị hụn furuni; anịkọ m'ị lachanrịn ọfẹ. Ya kẹ Osolobuẹ ku.”

Jerimaya 44:14

Onwọnni akpụ onyẹ ohu imẹ ndị Juda họdụnị hụn lashi Ijiptu d'e biri hụn jẹnkọ d'a wanahịnnị mọbụ hụn isi lakin alị Juda, ọsụọn'a n'ọ rị nwan a dụ wẹ nị wẹ lakin alị Juda d'e biri; onwọnni akpụ onyẹ ohu imẹ wẹ k'a lakinni mmanị akpụ madụ ole.”

Jerimaya 44:28

Ndị k'a hụn isi wanahịn ọpịa-agha, gha Ijiptu lụaha Juda ebukọ ọda kaka! Ogẹn ahụn kẹ ndị Juda k'a họdụ imẹ alị Ijiptu e gi marịn oku onyẹ k'a bụnnị, oku m ra nke wẹ.’

Jerimaya 46:28

“Mmẹ wụ Osolobuẹ rị a sị yụ wụ odibo m Jekọpụ atụlẹ egun. Ọsụọn'a m tikpọchanrịn ndị alị ichẹn-ichẹn m feyịya ụnụ ye, etikpọchanrịnkọ m ụnụ. M k'e ye i hụ afụnfụn nị ụnụ marịn ihiẹn, kanị afụnfụn furuni sụọ; agbachanrịnkọ m ụnụ nkịtịn.”

Izikẹlụ 12:16

Kanị, o nwọnghọ ndị m k'a nị wanahịn ọpịa-agha lẹ ẹgụn lẹ eje-emu, kẹni wẹ nọ alị ndị wẹ shikọ gi ọnụ wẹ ku obibi ile rụnị wẹ bi. Ogẹn hụ, a marịn wẹ nị mmẹ wụ Osolobuẹ.”

Izikẹlụ 14:22

“K'osilẹrị, o nwọnghọkwọ ndị wẹ k'e gbuhọdụ — kẹ ikẹnnyẹ kẹ ikpoho; wẹ k'a gha imẹ Jerusalẹm dupụha wẹ; wẹ lala d'e kunrun ụnụ imẹ Babilọnụ. Ụnụ sikọ d'a hụn eje-agụngụn wẹ lẹ obibi wẹ, obi e ru ụnụ alị nị emẹni m Jerusalẹm okẹn ihiẹn ile m mẹ lẹ nsọngbu ile m wẹhẹn'ẹ mmakalaka.

Izikẹlụ 5:10

Ndị nẹdi k'a gha e ri ụmụ wẹ imẹ i, ụmụ hụ e ri ndị nẹdi wẹ. M k'e ye i afụnfụn, e feyịya m ndị k'a họdụ imẹ i ye alị ichẹn-ichẹn rị ẹbamịn ile.

Izikẹlụ 5:12

M sikọ d'e kebe ndị nke i ụzọ ẹtọ, gi ẹgụn lẹ eje-emu gbu ụzọ ohu tọ imẹ i, gi ọpịa-agha gbu ụzọ ohu kanị ẹlẹ imẹ obodo, e fe m ụzọ ohu ye alị ndị ọzọ rị ẹbamịn ile, gi ọpịa-agha chụ wẹ.

Izikẹlụ 5:2

Ị nọzugụ akpọhịn ole hụ y'e gi ghọsị okehunmẹ wẹ sikọ d'e kehunmẹ Jerusalẹm, y'e weri ụzọ ohu imẹ ntutu hụ ị kọpụha, dụn a ọkụn etintinnaị Jerusalẹm hụ i seye elu ụrụa. Y'e weri ụzọ ohu, gi ọpịa-agha beyịya wẹ imẹ obodo hụ; y'a bụọ ụzọ ohu họdụnị ye imẹ ufere, m jẹnkọ d'e sepụha ọpịa-agha chụ wẹ.

Izikẹlụ 6:7

Wẹ k'e gbu ndị nke ụnụ tọ imẹ igunrun ụnụ, ụnụ a marịn nị mmẹ wụ Osolobuẹ.

Izikẹlụ 7:16

“Ndị k'a hụn isi gbapụ k'a gbashi elu ugu, a rịa lekẹ nduru rị ọdanmgbugbu, onyẹ-onyẹ hụ a kwannị njọ a.

Zẹfanaya 3:12

M k'a latọnị ụnụ ndị nwọnlẹni ihiẹn wẹ kpọ wẹ lẹ ndị w'e legberi; wẹ k'e gi ẹfan Osolobuẹ dọn ẹnya.

Ndị Rom 9:27

Nke ndị Izrẹlụ, Azaya gi wẹ yi oro, sị, “Ọsụọn'a nị ndị Izrẹlụ bu ọda kẹ ẹjan rị mkpẹnrẹn ohimin, ndị Osolobuẹ k'a zụọpụha imẹ wẹ ebukọ ọda;