Izikẹlụ 5:6 - Ika

⁶ Kanị, Jerusalẹm e nupụgụọ isi okpuru iwu m, mẹkarị alị ndị ọzọ njọ, dan iwu m karị alị ndị ile nọkunmẹn'ẹ — makẹni ndị Jerusalẹm a jụgụọ iwu ile m ye wẹ, egini wẹ wẹ bi.

Izikẹlụ 5:6 ပူးပေါင်းရင်းမြစ်များ

Ndị-nze Nke Ẹbụọ 21:11

“Manasẹ wụ eze Juda e mẹọlẹ okẹn njọ ndịnị. O mẹnahịngụọ ndị Amọ bun'ẹ ụzọ eje-ihiẹn, gi mmọn-lẹ-iyi ẹ du ndị nd Juda ye imẹ njọ.

Ndị-nze Nke Ẹbụọ 21:9

Kanị ndị Izrẹlụ egọnni ntịn. Manasẹ e duhuhu wẹ, nke wụnị e mẹ wẹ njọ mẹkarị alị ndị hụ Osolobuẹ tikpọ buche ndị Izrẹlụ.

Nehemiah 9:34

kẹ ndị-nze ẹnyi kẹ ndị-isi ẹnyi kẹ ndị nchụn-ẹjan ẹnyi kẹ ndị nẹdi ẹnyi wẹ kanị edọnmẹni Iwu i; egọnni wẹ ntịn ihiẹn ị sị ẹnyi mẹ mọbụ gi ẹka-ntịn ị dọ wẹ mẹ ihiẹn ọwụlẹ,

Nehemiah 9:35

Kẹ ogẹn ọkịkị alị ẹnyi gidẹ rị wẹ ẹka, ogẹn wẹ gi rị e ri ihiẹn ile i gi okẹn-ọhụnma ị ye wẹ imẹ alị hụ shịa ẹfọ i ye wẹ hụn e mẹ ihiẹn-ugbo, efedẹni wẹ i, erogharịnị wẹ latọ eje-obibi wẹ.

Ẹbụ-ọma 106:20

E gi wẹ okẹn-efin e ri ẹfịfịa hụn wẹ kpụ nọkin ẹnya Osolobuẹ hụn wụ Ọghọ wẹ.

Ẹbụ-ọma 78:10

Edọnmẹni wẹ ihiẹn wẹ lẹ Chuku kwerigbama, ekweni wẹ gi Iwu ẹ bi.

Ọpụpụ 16:28

Ya kẹ Osolobuẹ nọ sị Mozizi, “Elee mgbe kẹ ụnụ k'a jụbehi iwu m ye ụnụ lẹ ihiẹn m sị ụnụ mẹ?

Jerimaya 11:10

E mẹmẹzi wẹ njọ ndị nẹdi wẹ kanị hụn kwelẹni gi oku m dọn mẹ. E sọnringụọ wẹ mmọn ndị ọzọ, femẹ wẹ. Kẹ ndị Izrẹlụ kẹ ndị Juda a latọgụọ nkwerigbama mmẹ lẹ ndị nẹdi wẹ kanị kwerigbama.

Jerimaya 5:3

Euu, Osolobuẹ, ẹlẹ ezioku kẹ y'a chọ? Y'a fịan wẹ ihiẹn, anụnị wẹ ụfụ a; y'a sụdẹ wẹ kẹ nni, amụnrụnnị wẹ ihiẹn. A tọ wẹ a gba isi-akwanran, jụ n'e bihutọkọ wẹ ẹka.

Jerimaya 8:5

Kị haịn nwan ndịnị gi a kpahusọnmẹ? Kị haịn Jerusalẹm gi a latọsọnmẹ m? E kwọnkẹnmẹ ihiẹn rị e dufieni wẹ, jụ nị ekinhẹnkọ wẹ?

Jerimaya 9:6

Ndị yụ lẹ wẹ bi ẹlẹkwọ ndị w'e gi dọn ẹnya; obibi wẹ anịnị wẹ marịn m.” Ya kẹ Osolobuẹ ku.

Izikẹlụ 11:12

ụnụ e gi ẹ marịn nị m wụ Osolobuẹ — makẹni ụnụ egini iwu m bi, ụnụ edọnmẹni iwu ndị m ye ụnụ, kama, iwu alị ndị ọzọ nọkunmẹni ụnụ kẹ ụnụ gi e bi.’ ”

Izikẹlụ 16:51

Sameria emẹruni ahanmahan njọ ị: y'e mẹkarịgụọ wẹ arụ mẹcheni. Y'e gigụọ ihiẹn ị rị e mẹ kpọ umunẹ-i-ikpoho ndịnị ndị ezi-omumẹ.

Daniẹlụ 9:15

“Dodo nwan, Di-nwọnni-ẹnyi wụ Chuku ẹnyi, hụn gi ikẹn hi-ogbe gha Ijiptu wepụha ndị nke i, gi ẹ nwọnrin ẹfan d'e ru tannị, ẹnyi e mẹọlẹ njọ, ẹnyi e mẹọlẹ ihiẹn jọgbu enwẹn ẹ.

Daniẹlụ 9:5

ẹnyi e mẹgụọ njọ, ẹnyi e mẹfiegụọ. Ẹnyi a kpachanpụgụọ ẹnya mẹ njọ, e nupụ isi okpuru i; ẹnyi a latọgụọ ihiẹn ị sị ẹnyi mẹ lẹ iwu ndị i yesọnmẹ.

Daniẹlụ 9:8

Euu, Osolobuẹ, ẹnyi rị nwan e ri ụya, ẹnyi lẹ ndị-nze ẹnyi lẹ ndị-isi ẹnyi lẹ ndị nẹdi ẹnyi — makẹ njọ ẹnyi mẹ i.

Zẹkaraya 7:11

Kanị ndị nẹdi ụnụ egọnni ntịn. A gbama wẹ isi-akwanran, kụkin ntịn wẹ amamgbe w'a nụ;

Ndị Kọrẹntị Ibuzọ 5:1

E kughọdẹ w'a nị ughẹrẹ rị imẹ igunrun ụnụ, ụdị hụn ndị a rụa mmọn ghalẹni a ghẹrẹdẹ — ebe okẹnnyẹ lẹ nwunyẹ nẹdi ẹ nọ ranhịn!

Judu 1:4

Makẹni, o nwọnghọ ndị ghalẹni a tụ egun Osolobuẹ hụn gi nzuzue banhan imẹ igunrun ẹnyi, ụdị ịhịan Ẹkụkwọ-nsọ kutọgụ afụnfụn rị e cheni wẹ; ndị gi ẹfọmanị Osolobuẹ mẹ e họnrin oghere wẹ gi e bi eje-obibi, a jụdẹ Jizọsị Kraịstị hụn ịya sụọ wụ Onyẹ nwọn ihiẹn ile lẹ Di-nwọnni-ẹnyi.