Izikẹlụ 5:12 - Ika

¹² M sikọ d'e kebe ndị nke i ụzọ ẹtọ, gi ẹgụn lẹ eje-emu gbu ụzọ ohu tọ imẹ i, gi ọpịa-agha gbu ụzọ ohu kanị ẹlẹ imẹ obodo, e fe m ụzọ ohu ye alị ndị ọzọ rị ẹbamịn ile, gi ọpịa-agha chụ wẹ.

Izikẹlụ 5:12 ပူးပေါင်းရင်းမြစ်များ

Azaya 1:24

Ufiri ẹ, Onyẹ hụn nwọn ihiẹn ile, Osolobuẹ ihiẹn ile rị okpuru ẹ, Dikẹn Izrẹlụ, sị nwan, “Hmm! Ndị-iṅẹnrẹn m k'a kụrịrị ụgwọ ihiẹn wẹ mẹ; m k'e mẹgwarị ndị-iṅẹnrẹn m!

Jerimaya 13:24

M k'e feyịya ị nọkẹ ẹfịfịa-ọka ufere atụ bukọ.

Jerimaya 14:12

Ọsụọn'a wẹ bu ọnụ, egọnkọ m ntịn ẹkwan wẹ; ọsụọn'a wẹ chụn ẹjan w'a kpọ ọkụn lẹ ẹjan ọka, ewekọ m. Hụn nkẹ m'e gi narịn wẹ, m k'e gidẹ ọpịa-agha lẹ ẹgụn lẹ eje-emu gbu wẹ.”

Jerimaya 15:2

Wẹ sị ị, ‘Elebe kẹ ẹnyi jẹnkọ?’ Sị wẹ, ‘Lee ni ihiẹn Osolobuẹ ku, Ndị ọnwụn jẹnkọ d'e gbu, wẹ jẹnmẹ nị ọnwụn d'e gbu wẹ; ndị agha k'e gbu, wẹ jẹnmẹ nị agha d'e gbu wẹ; ndị ẹgụn jẹnkọ d'e gbu, wẹ jẹnmẹ nị ẹgụn d'e gbu wẹ; ndị wẹ jẹnkọ d'a kpụnrụn, wẹ jẹnmẹ ni wẹ d'a kpụnrụn wẹ.’

Jerimaya 15:9

Okpoho te gi ụmụ ẹsa k'a sọhị, kwọnbepụ, anwụn a rọn'a ebe eki rị elu; ọ fa, ụya e ri ẹ. “ ‘M k'e gi ọpịa-agha gbuzi ndị k'a họdụnị — ghahanị ndị-iṅẹnrẹn wẹ.’ ” Ya kẹ Osolobuẹ ku.

Jerimaya 21:9

Onyẹ ọwụlẹ hụn nọdị imẹ obodoni, ọpịa-agha mọbụ ẹgụn mọbụ eje-emu k'e gbu ẹ. Kanị, onyẹ ọwụlẹ hụn jẹn d'e we enwẹn ẹ ye ndị Babilọnụ hụn kehunmẹni ụnụ k'a rị ndụn; o k'a hụn isi wanahịn.

Jerimaya 24:10

M k'e gi ọpịa-agha lẹ ụnwụn lẹ eje-emu sọn wẹ d'e ru ni a gụchanrịn wẹ alịnị m ye wẹ lẹ ndị nẹdi wẹ kanị.”

Jerimaya 42:22

Gọn nị nwan ntịn; ya we ụnụ ẹnya nị omẹni ụnụ e jẹn d'e biri Ijiptu hụ ụnụ sị ụnụ jẹnkọ d'e biri, agha lẹ ụnwụn lẹ eje-emu jẹnkọ d'e gbu ụnụ.”

Jerimaya 44:27

M k'a nị eje-ihiẹn mẹ wẹ, ẹlẹ ihiẹn rị mma; onyẹ ọwụlẹ imẹ ndị Juda bi Ijiptu jẹnkọ d'a gha ọpịa-agha mọbụ ẹgụn la — d'e runi wẹ ile a nwụnchanrịn.

Jerimaya 9:15

Ya kẹ Osolobuẹ ihiẹn ile rị okpuru ẹ, hụn wụ Chuku Izrẹlụ, gi nwan sị: ‘Ihiẹn m k'e mẹ ndịnị k'e mẹ elu lu wẹ ilu kẹ ihiẹn-oriri e lu ilu, o k'a rị wẹ kẹ ndị wẹ ye mirin wẹ buche nshi ra.

Jerimaya 9:16

M jẹnkọ d'e feyịya wẹ ye alị ichẹn-ichẹn hụn o mẹ ni kẹ wẹ kẹ ndị nẹdi wẹ amarịn, e gi m ọpịa-agha ndị-iṅẹnrẹn wẹ chụ wẹ d'e ru n'a gụchanrịn wẹ.’ ”

Izikẹlụ 12:14

“M k'e feyịya ndị ile ya lẹ wẹ wị ye ẹbamịn ile ufere e fe — kẹ ndị e yen'ẹ ẹka kẹ ndị-agha a, e sepụha m ọpịa-agha, chụ wẹ.

Izikẹlụ 14:17

“Omẹni ọpịa-agha kẹ m zihẹ alị hụ, sị, ‘Ọpịa-agha ya ghakwama alịnị’, n'e gi m'ẹ gbupụ ịhịan lẹ anụmanụ imẹ ẹ,

Izikẹlụ 14:19

“Ikẹnkwọ eje-emu e gbuni kẹ m zijẹn imẹ alị hụ, gi ọnụma sọn alị hụ, gbumẹ ịhịan lẹ anụmanụ rịn'a.

Izikẹlụ 14:21

“Mmẹ wụ Osolobuẹ Nwọn Ihiẹn Ile sị ẹrịra k'o k'a rị ogẹn m'e gi zihẹni Jerusalẹm eje-ihiẹn ẹnọnị m gi e ye afụnfụn — ọpịa-agha, ẹgụn, eje-anụ lẹ eje-emu, gi wẹ gbu ịhịan lẹ anụmanụ rị imẹ ẹ!

Izikẹlụ 16:42

Ogẹn ahụn olulu m rị e gi e sọn i a rọ, ẹnya rị a fụnị m a fụbehi m. E mẹ m jụụ, ize e zebehi m.

Izikẹlụ 21:22

Utẹn k'a sị Jerusalẹm rọ, y'a jẹn d'a lụsọn ẹ agha. Wẹ k'a tụnnị Jerusalẹm ihiẹn wẹ gi e tikpọ mgbọn, sị wẹ tikpọ a. Wẹ k'e yi oro agha maye ẹ. Wẹ k'e bu ihiẹn ndị hụ wẹ gi e tikpọ mgbọn che ọnụ-mgbọn ndị rịn'a. Wẹ k'a tụn mkpọnyin lẹ ihiẹn ndị ọzọ w'a nọ a lụsọn alị wẹ tụnhunmẹ mgbọn agha.

Izikẹlụ 24:13

“ ‘Ẹnwụnrụn ị tụ wụ eje-obibi i. Ebe o mẹni a chanchangụọ m'ị, kanị unyin i apụnị, y'e nwunchankọzị d'e ru n'e mẹgụ m'ị ihiẹn kẹ olulu m han.

Izikẹlụ 33:27

“Sị wẹ nị Osolobuẹ Nwọn Ihiẹn Ile sị, ‘Ma isi m, ọpịa-agha k'e gbu onyẹ ọwụlẹ họdụ imẹ obodo ndị ahụn mẹ mkpọkọ-mkpọkọ imẹ Izrẹlụ, m jẹnkọ d'e we ndị rị alị-ọfịa ye anụ-ọfịa gburi, gi eje-emu gbu ndị warịsọnmẹ ebe a fụ ọrụn ọbanye lẹ okporo.

Izikẹlụ 36:19

M nọ feyịya wẹ ye alị ndị ọzọ, wẹ nọ rị alị ichẹn-ichẹn ndị hụ. Ya wụ, obibi wẹ lẹ eje-ihiẹn ndị wẹ mẹ kẹ m gi kin wẹ ikpe.

Izikẹlụ 43:8

E bu wẹ ọnụmụzọ wẹ nọkunmẹ ọnụmụzọ m, ẹhụ-ụlọ ohu sụọ nọ rị ẹgbata mmẹ lẹ wẹ; e gi wẹ ụrụ ile wẹ mẹ mẹrụ Ẹfan m rị nsọ, m nọ gi iwe tikpọ wẹ.

Izikẹlụ 5:10

Ndị nẹdi k'a gha e ri ụmụ wẹ imẹ i, ụmụ hụ e ri ndị nẹdi wẹ. M k'e ye i afụnfụn, e feyịya m ndị k'a họdụ imẹ i ye alị ichẹn-ichẹn rị ẹbamịn ile.

Izikẹlụ 5:17

M k'e zihẹn'i ẹgụn lẹ eje-anụ ichẹn-ichẹn, a napụ wẹ i ụmụ. Emu lẹ ọnwụn k'a rị imẹ i; m k'e zihẹn'i agha. Mmẹ wụ Osolobuẹ e kuọl'a!’ ”

Izikẹlụ 5:2

Ị nọzugụ akpọhịn ole hụ y'e gi ghọsị okehunmẹ wẹ sikọ d'e kehunmẹ Jerusalẹm, y'e weri ụzọ ohu imẹ ntutu hụ ị kọpụha, dụn a ọkụn etintinnaị Jerusalẹm hụ i seye elu ụrụa. Y'e weri ụzọ ohu, gi ọpịa-agha beyịya wẹ imẹ obodo hụ; y'a bụọ ụzọ ohu họdụnị ye imẹ ufere, m jẹnkọ d'e sepụha ọpịa-agha chụ wẹ.

Izikẹlụ 6:8

“Kanị, o nwọnghọ ndị m k'e dọnmẹ ndụn. Ogẹn hụ, ndị ọpịa-agha k'e gbuhọdụ imẹ ụnụ k'a rị alị ndị ọzọ m k'e feyịya ụnụ ye.

Izikẹlụ 7:15

“Ọpịa-agha hụ ogbe e gbu, emu lẹ ẹgụn hụ mmụlọ e gbu. Onyẹ shi ugbo, ọpịa-agha e gbu ẹ; onyẹ nọdị imẹ obodo emu lẹ ẹgụn e gbu ẹ.

Izikẹlụ 7:3

Yụ wụ alị, nke i e d'a gụ nwan; m k'e gi olulu rị m obi mẹ i ihiẹn. M k'e ye i afụnfụn eje-obibi i; m k'a kụ ị ụgwọ arụ ile i mẹ.

Lẹvitikọsụ 26:33

M k'e feyịya ụnụ ye alị rị ichẹn-ichẹn, a mịrịn m ọpịa-agha, chụ ụnụ. Alị ụnụ k'a la iwi, obodo rịsọnmẹ alị ụnụ k'a nọ mkpọkọ-mkpọkọ:

Emọsụ 9:4

Ọsụọn'a nị ndị iṅẹnrẹn e mẹri wẹ kpụnshi wẹ alị ọzọ, m k'a sị ọpịa-agha gbu wẹ ebẹhụ; m k'e bu ẹnya zinmẹ wẹ, elekọ m ẹnya hụn m'e gi mẹyeni wẹ, kanị hụn m'e gi mẹshi wẹ ikẹn.”

Emọsụ 9:9

“M k'a sị wẹ mẹ wẹ ihiẹn ẹ, e gi m alị ndị ọzọ ile zinzin Izrẹlụ, kẹ w'e gi adana e zinzin ọka, onwọnni ẹfịfịa k'a ghafeni.

Zẹkaraya 7:14

E gi m ndị-iṅẹnrẹn feyịya wẹ kẹ okẹn ufere dọn e feyịya ihiẹn, fe wẹ ye alị ndị ọzọ wẹ marịnlẹni. Ẹrịra kẹ alị wẹ dọn gba okpokoro, onwọnzini onyẹ a gha a e jẹn, onwọnzini onyẹ a gha a a la; alị ọma nwẹn nọ gba okpokoro.

Ditrọnọmi 28:65

Imẹ alị ndị ahụn o k'e feyịya ụnụ, ẹhụ efukọ ụnụ, ụnụ ahụnkọ ebe ụnụ a nọ zu ikẹn. Osolobuẹ k'e mẹ obi ferisọnmẹ ụnụ, mẹ ẹnya rọ ebe ụnụ rị e lee ẹnya eyemẹka, mẹ ndụn olilẹnya gụ ụnụ.

Rẹvẹleshọnụ 6:8

E lee m ẹnya, e lee ẹshin e nwun ṅanhịan kẹ mkp'ẹhụhụọ rịlẹni mma! Ẹfan onyẹ rị e nyinn'ẹ wụ Ọnwụn; Alị-mmọn sọnkọ a. Wẹ nọ ye wẹ ikẹn gi ọpịa-agha lẹ ụnwụn lẹ emu lẹ eje-anụ ndị rị elu ụwa gbupụ ụzọ ohu imẹ ụzọ ẹnọ imẹ ndị rị elu-ụwa.