M jẹnkọ d'e gbupụ ndị Juda hụ ile họdụnị hụn bu isi-ikẹn bịa alị Ijiptu d'e biri. Wẹ k'a nwụntọ Ijiptu ebeni, ọpịa-agha lẹ ẹgụn k'e gbu wẹ — kẹ onyẹ-uku kẹ onyẹ-nta. Ọpịa-agha lẹ ẹgụn k'e gbu wẹ. Wẹ k'a wụrụ ihiẹn wẹ gi a bụ ọnụ lẹ ihiẹn a tụ ịhịan egun lẹ ihiẹn wẹ gi a kpọ iyi lẹ ihiẹn ifẹnrẹn.
Wẹ k'a narịn wẹ anyịnyan-mkpukpuke wẹ lẹ anụ wẹ ndị ọzọ. M k'e fe ndịnị ye azụụn ile, ndịnị bi atụ hụn a kọ ntutu azụụnnị lẹ azụụnnị. M k'e zihẹni wẹ nsọngbu azụụn ile. Mmẹ wụ Osolobuẹ ku ẹ.
“ ‘Ọpịa-agha kẹ wẹ k'e gi gbuchanrịndẹ ndị odogun-agha a ile gbapụkọnị; wẹ k'e fe ndị ile hụn isi wanahịn ye azụụn ile, ogẹn hụ, ụnụ a marịn nị mmẹ wụ Osolobuẹ ku ẹ.
M sikọ d'e kebe ndị nke i ụzọ ẹtọ, gi ẹgụn lẹ eje-emu gbu ụzọ ohu tọ imẹ i, gi ọpịa-agha gbu ụzọ ohu kanị ẹlẹ imẹ obodo, e fe m ụzọ ohu ye alị ndị ọzọ rị ẹbamịn ile, gi ọpịa-agha chụ wẹ.
E gi m ndị-iṅẹnrẹn feyịya wẹ kẹ okẹn ufere dọn e feyịya ihiẹn, fe wẹ ye alị ndị ọzọ wẹ marịnlẹni. Ẹrịra kẹ alị wẹ dọn gba okpokoro, onwọnzini onyẹ a gha a e jẹn, onwọnzini onyẹ a gha a a la; alị ọma nwẹn nọ gba okpokoro.