Izikẹlụ 45:9 - Ika

⁹ “ ‘Osolobuẹ nwọn ihiẹn ile sị: O highọnị ụnụ ndị-ọkịkị Izrẹlụ! Kụsị nị ẹka-ikẹn lẹ mmẹgbu ụnụ! E mẹ ni ihiẹn rị mma lẹ ihiẹn furuni. Anapụzịlẹ ni ndị nke m ihiẹn wẹ. Ya kẹ Osolobuẹ Nwọn Ihiẹn Ile ku.

Izikẹlụ 45:9 ပူးပေါင်းရင်းမြစ်များ

Zẹkaraya 8:16

“Ka lee ni ihiẹn ndị ụnụ k'e mẹ: A gwa nị ibe ụnụ ezioku; a han nị ezigbo eṅẹn imẹ ọgwa ụnụ ile — eṅẹn udọn gi a rị;

Izikẹlụ 44:6

Sị ndịnị rị e nupụ isi, ndị Izrẹlụ, ‘Osolobuẹ Nwọn Ihiẹn Ile sị: Ndị Izrẹlụ, ebe ụnụ mẹru arụ e higụọ —

Jerimaya 22:3

Osolobuẹ sị: mẹmẹ ni ihiẹn rị mma lẹ ihiẹn furuni. A gbapụha nị ndị wẹ rị a bịangbu ẹka ndị rị a bịangbuni wẹ. Emẹjalẹ ni abịamabịa lẹ ndị nwọnlẹni nẹdi lẹ ikpoho di wẹ nwụn mọbụ gi ẹka-ikẹn sọn wẹ, egbulẹ ni ndị nwọnlẹni ihiẹn wẹ mẹ ebeni.

Azaya 1:17

Mụnị kẹ wẹ dọn e mẹ ihiẹn rị mma! A kwadọn ni ezigbo eṅẹn, e yeni ni ndị wẹ rị e mẹgbu ẹka. A nọ nị ndị nwọnlẹni nẹdi e ye azụụn, e kinni ni ikpoho di wẹ nwụn ọnụ wẹ.

Pita Ibuzọ 4:3

Ẹghẹẹ, nị ụnụ e tuhuọlẹ ogẹn ọda-ọda ogẹn ụnụ gi rị e bi kẹ ndị ghalẹni e fe Chuku, e bi obibi ifẹnrẹn, adụdụ eje-ihiẹn hụ a dụ ụnụ, ụnụ hụ a ra manya a tụ, e mẹ eje-mmẹmmẹ, e jẹn ọgbọ manya, a rụa mmọn ụnụ a marịnzị hụn ụnụ rụakọ.

Luku 3:14

Ndị-agha nọzị jụ a, sị, “Ẹnyi nwẹn? Kị ẹnyi k'e mẹ?” Ọ nọ sị wẹ, “Egilẹ ni ikẹn narịn ịhịan ihiẹn ẹ; ebuokinlẹ ni ịhịan ọnụ; a nị nị ụgwọ-ọrụn ụnụ e jun ụnụ ẹfọ.”

Maịka 2:9

Ụnụ a chụpụ ikpoho alị m iwe wẹ obi gi a sụọ wẹ ụsụọ, a napụ ụmụ wẹ ọghọ m ye wẹ, a napụchanrịn.

Jobu 22:9

Y'a chụpụghọ ndị di wẹ nwụn, a gbarị wẹ ẹka, y'a napụghọ ndị nwọnlẹni nẹdi ihiẹn wẹ gi dọn ẹnya.

Jobu 20:19

Makẹni ọ bịangbuọlẹ ndị igbẹnnyẹ, gbachanrịn wẹ ẹka; o werigụọ ụlọ ndị ọ tụnlẹni.

Jerimaya 6:7

Kẹ isi-mirin dọn e hupụha mirin kẹ obodoni dọn e hupụha eje-ihiẹn rị imẹ ẹ. Egbu-lẹ-egbu lẹ ntikpọ-ntikpọ kẹ w'a nụ imẹ ẹ; emu lẹ ẹhụ wẹ rụsọnmẹ kẹ m'a hụn ogẹn ile.

Izikẹlụ 7:11

Ẹka-ikẹn e werigụọ ọnọdị; eje-ọkpọ e werigụọdẹ ọkịkị. Onwọnni onyẹ ọwụlẹ imẹ wẹ mọbụ ihiẹn ahụn ile wẹ nwọn mọbụ ụzụn wẹ ile mọbụ ọghọ wẹ hụn k'a rịzịnị.

Izikẹlụ 7:23

“Mẹmẹ ẹgan, makẹni ẹdeke e jungụọ alịnị, ẹka-ikẹn e jun imẹ isi-obodoni.

Izikẹlụ 8:17

Ọ nọ sị m, “Nwa-ịhịan, y'a hụn? Arụ ndịnị ile ndị Juda rị e mẹ ebeni e hini nwan? Wẹ hụzịdẹ e gizi egbu-lẹ-egbu mẹjun alịnị ile, e mẹsọnmẹ ihiẹn we gi a kpasu m iwe? Enwẹn wẹ kẹ wẹ rị a kpa nsịn e ye ọnụ — ẹlẹ mmẹ!

Emọsụ 5:24

“Kama, nị nị ezigbo eṅẹn humẹ kẹ mirin, ezi-omumẹ ya humẹ kẹ mirin iyi ghalẹni a tahị.

Maịka 6:10

Echẹn kẹ ihiẹn ndị-njọ gi njọ kpajun iwe wẹ rịkwọ a, ịya lẹ eje mkpu ụnụ gi a zụ afịa?

Zẹkaraya 7:9

Osolobuẹ ihiẹn ile rị okpuru ẹ sị: “Han nị ezigbo eṅẹn; e gi ni ẹfọma lẹ omikẹn e sọn ibe ụnụ;

Emọsụ 5:15

Eje-ihiẹn ya zemẹ ụnụ ize; ihiẹn rị mma ya sụọma ụnụ; hụn n'a nị w'a han ezigbo eṅẹn ọgwa. Ikẹnkwọ Osolobuẹ, Chuku ihiẹn ile rị okpuru ẹ e gi ufiri ẹ mẹ omikẹn ụnụ, ụmụ Josẹfụ họdụnị.