Izikẹlụ 45:4 - Ika

⁴ Idumu ndị nchụn-ẹjan wụ azụụnnị rị nsọ hụn wẹ k'a nọ tụn Ụlọ-nsọ; idumu ndị nchụn-ẹjan hụn a rụn ọrụn imẹ Ụlọ-nsọ rọ, ndị nchụn-ẹjan hụn a nọkunmẹ Osolobuẹ a rụnn'a ọrụn. Ya wụ, o k'a wụ ebe ndị nchụn-ẹjan e bi lẹ ebe Ụlọ-nsọ sikọ d'a rị.

Izikẹlụ 45:4 ပူးပေါင်းရင်းမြစ်များ

Izikẹlụ 43:19

I k'e we okoro okẹn-efin ye ndị nchụn-ẹjan, ndị ebọn Zadọkụ hụn omẹni uwẹ sụọ wụ ndị ebọn Livaị k'a gha a nọkunmẹ m, a chụnị m ẹjan. Wẹ k'e gi okoro-efin hụ chụn ẹjan-njọ, ya kẹ Osolobuẹ Nwọn Ihiẹn Ile ku.

Izikẹlụ 40:45

Ọ nọ sị m, “Mmughẹ hụn bu ihun zinmẹ ẹbamịn-ugu wụ nke ndị nchụn-ẹjan hụn e lepụ Ụlọ-NSỌ ẹnya.

Ọgụngụn 16:5

Ya ọ nọ sị Kora lẹ ndị ile sọnkọn'a, “O ru ụtụntụn ekile, Osolobuẹ a ghọsị onyẹ hụn wụ nke ẹ lẹ onyẹ hụn rị nsọ — mẹ onyẹ ahụn nọkunmẹ ẹ. Onyẹ hụn ọ họrị k'o k'a nị nọkunmẹ ẹ.

Izikẹlụ 45:1

“ ‘Ụnụ jẹnkọnị d'e keye ebọn-ebọn alị, ụnụ e we azụụn ohu kwanị Osolobuẹ. Ebẹhụ ụnụ bepụhan'a a wụrụ Idumu rị nsọ. Usue ẹ k'a wụ maịlị ẹsatọ lẹ ụzọ ohu imẹ ụzọ ẹtọ (8⅓), ụshịa a k'a wụ maịlị isin lẹ ụzọ ẹbụọ imẹ ụzọ ẹtọ (6⅔); ebahụn ile k'a rị nsọ.

Izikẹlụ 44:28

“ ‘Ukuu ndị nchụn-ẹjan k'a wụ mmẹ lẹ enwẹn m — mmẹ k'a wụ ukuu wẹ; eyelẹ ni wẹ alị imẹ Izrẹlụ. Mmẹ wụ nke wẹ.

Izikẹlụ 40:46

Mmughẹ hụ bu ihun zinmẹ ẹbamịn ndịdan wụ nke ndị nchụn-ẹjan hụn e lepụ ukpo nchụn-ẹjan ẹnya. Ndịnị wụ ụmụ Zadọkụ. Uwẹ sụọ wụ ndị ebọn Livaị sikọ d'a nọkunmẹ Osolobuẹ d'a rụnn'a ọrụn.”

Izikẹlụ 45:3

Imẹ hụnnị wẹ gi kwannị Osolobuẹ, mapụha nị ahanmahan hụn usue ẹ wụ maịlị ẹsatọ lẹ ụzọ ohu imẹ ụzọ ẹtọ (8⅓), ụshịa a wụ maịlị ẹtọ lẹ ụzọ ohu imẹ ụzọ ẹtọ (3⅓). Azụụnnị sikọ d'a rịchanrịn nsọ. Imẹ ẹ kẹ wẹ k'a nọ mapụha ebe wẹ k'a tụnye Ụlọ-nsọ.

Izikẹlụ 48:8

“Hụn sọn alị Juda k'a wụ ebe ụnụ gi kwanị Osolobuẹ. Nke Juda lẹ nke Osolobuẹ k'a nọ okẹn gha ẹbamịn ọwụwa-ẹnyanwụn d'e ru ẹbamịn ọdịdan-ẹnyanwụn. Ụshịa a k'a wụ maịlị ẹsatọ lẹ ụzọ ohu imẹ ụzọ ẹtọ (8⅓), ya lẹ nke ebọn ohu-ohu k'e suehan; Ụlọ-nsọ k'a rị ahanmahan a.