Izikẹlụ 41:4 - Ika

⁴ Ọ ma nwan Ebe Kachanrịn Nsọ; usue ẹ wụ ụbụkụ mmisẹn kwasị ọgụn, ụshịa a wụzị ọbụkụ mmisẹn kwasị ọgụn. Ọ nọ sị m, “Ọnwan wụ Ebe Kachanrịn Nsọ.”

Izikẹlụ 41:4 ပူးပေါင်းရင်းမြစ်များ

Ndị-nze Nke Ibuzọ 6:16

Ọ nọ gi ibe osisi sida gbọnbepụ ebe shịaru ụbụkụ iri kwasị ọgụn imẹ-imẹ Ụlọ-nsọ hụ. Ibe sida ndị hụ gha alị d'e ru ifiri. O gi ebẹhụ họnrin ebe pụ ichẹn rịchanrịn imẹ-imẹ, “Ebe Kachanrịn Nsọ”.

Ndị-nze Nke Ibuzọ 6:20

Usue ebẹhụ Kachanrịn Nsọ wụ ụbụkụ iri kwasị ọgụn, ụshịa a wụ ụbụkụ iri kwasị ọgụn, ojijẹn-elu ẹ wụzị iri kwasị ọgụn. Ọ nọ gi ezigbo goru wẹ buchelẹni ihiẹn ọzọ makwama Ebẹhụ kachanrịn nsọ, gizi goru hụ makwama ukpo nchụn-ẹjan hụn o gi osisi sida rụn.

Ndị-nze Nke Ibuzọ 6:5

Ọ tụn mmughẹ-mmughẹ ye ezi nyanmasọnmẹni ẹhụ-ẹjan Ụlọ-NSỌ hụ — kẹ ẹhụ-ẹjan ọgwa rịn'a kẹ ẹhụ-ẹjan Ebẹhụ Kachanrịn Nsọ rị imẹ-imẹ Ụlọ-nsọ.

Ndị-nze Nke Ibuzọ 7:50

ihiẹn ndị hụ wẹ gisọnmẹ ezigbo goru wẹ buchelẹni ihiẹn ọzọ mẹmẹ: kẹ afẹrẹ uku ndị hụ kẹ nwa-mbu ukpẹ ndị hụ kẹ afẹrẹ ndị ọzọ rịn'a kẹ sẹnsa wẹ gi a mụ nsẹnsi kẹ ụkụ-ọnụmụzọ rịchanrịn imẹ-imẹ, ụkụ-ọnụmụzọ Ebẹhụ Kachanrịn Nsọ lẹ ụkụ-ọnụmụzọ ibẹrẹ uku rị Ụlọ-NSỌ.

Ndị-nze Nke Ibuzọ 8:6

Ya ndị nchụn-ẹjan nọ bu Ẹkpẹti-nkwerigbama Osolobuẹ hụ shi ọnọdị a imẹ mmughẹ rịchanrịn imẹ-imẹ Ụlọ-nsọ, Ebe Kachanrịn Nsọ, bu ẹ che okpuru nku chẹrobu ndị ahụn.

Ihiẹn Mẹni Nke Ẹbụọ 3:8

O mẹmẹ Ebe Kachanrịn Nsọ, ụshịa wụ ụshịa Ụlọ-nsọ hụ; k'ọ shịahan k'o suehan: ụbụkụ iri kwasị ọgụn. Goru jun ẹkpa uku ọgụn-iri kwasị nnụ (600) k'o gi nyan a.

Ihiẹn Mẹni Nke Ẹbụọ 5:7

Ndị nchụn-ẹjan nọ bubanhan Ẹkpẹti-nkwerigbama Osolobuẹ ọnọdị a, imẹ mmughẹ hụ kachanrịn imẹ a rị imẹ Ụlọ-nsọ, Ebẹhụ Kachanrịn Nsọ, okpuru nku ndị chẹrobu hụ.

Izikẹlụ 41:23

Kẹ Ebe Rị Nsọ kẹ Ebe Kachanrịn Nsọ nwọnsọnmẹ ọnụmụzọ wẹ kịkpama;

Rẹvẹleshọnụ 21:16

Obodo hụ wụ azụụn ẹnọ ahanmahan, usue ẹ lẹ ụshịa a han. Ọ ma obodo hụ, ọ gba ogige bọlụ nnụ-uku mmẹbụọ: usue ẹ lẹ ụshịa a lẹ ojijẹn-elu ẹ han.