Izikẹlụ 40:7 - Ika

⁷ Usue mmughẹ ndị-nche wụsọnmẹ ẹgbe ohu-ohu, ụshịa wẹ wụzịkwọ ẹgbe ohu-ohu. Ẹhụ-ụlọ ndị rị ẹgbata mmughẹ lẹ mmughẹ wụ ụbụkụ ẹsatọ lẹ hụn kazị mkpikpi (8¾). Ulu ọnụmụzọ azụụn shi ẹtu-ụlọ rị ibe azụụn wụzị ẹgbe ohu, ụshịa a ẹgbe ohu.

Izikẹlụ 40:7 ပူးပေါင်းရင်းမြစ်များ

Ihiẹn Mẹni Nke Ibuzọ 23:28

Ọrụn ndị Livaị wụ iyeni ẹbozo Ẹrọnụ ẹka a rụn ọrụn rị imẹ Ụlọ-nsọ Osolobuẹ, hụn wụ ilepụ ezi rịsọnmẹ Ụlọ-nsọ ẹnya lẹ mmughẹ ndị hụ wẹ rụn nyanmanị Ụlọ-nsọ lẹ idọn ihiẹn ile rị nsọ nsọ lẹ ịrụn ọrụn ndị ọzọ ile rị imẹ Ụlọ Chuku —

Ihiẹn Mẹni Nke Ibuzọ 9:26

Kanị ndị Livaị ẹnọ, hụn kịchanrịn ndị-nche ọnụ-mgbọn nwọn e lepụ mmughẹ ndị rị Ụlọ Osolobuẹ lẹ ebe ile rịn'a w'e dọnmẹ ihiẹn rị mkpa ẹnya.

Ihiẹn Mẹni Nke Ẹbụọ 3:9

Ntu-goru rịn'a nyịnkarị pam ohu. Goru k'o gizi nyan mmughẹ ndị rị ibe elu ẹ.

Ihiẹn Mẹni Nke Ẹbụọ 31:11

Hezikaya nọ sị wẹ kwademẹ mmụlọ ndị w'e kpọntọ ihiẹn imẹ Ụlọ-nsọ Osolobuẹ, ya wẹ nọ kwademẹ wẹ.

Ẹzra 8:29

Kwọndọn ni wẹ nwan ọhụnma-ọhụnma d'e ru mgbe ụnụ jẹnkọ d'a kịpụha wẹ imẹ mmughẹ ndị rị ụlọ Osolobuẹ imẹ Jerusalẹm, ma wẹ detu idẹnya ndị-isi ndị nchụn-ẹjan lẹ ndị Livaị lẹ ndị-isi ikpụlọ ichẹn-ichẹn rị Izrẹlụ.”

Jerimaya 35:4

M nọ wẹhẹ wẹ Ụlọ-nsọ Osolobuẹ, weban wẹ mmughẹ ụmụ-azụụn onyẹ-amụma wụ Hanan nwa Igidalịa. Mmughẹ hụ e sọn nke ndị a rụn ọrụn imẹ ụlọ-nsọ, ịya rịzịkwọ elu nke Maaseya nwa Shalum. Maaseya wụ onyẹ ohu imẹ ndị e che ọnụ-mgbọn ụlọ-nsọ.

Izikẹlụ 40:10

Mmughẹ ndị nche hụ rị ẹtọ azụụnnị, ẹtọ azụụnnị, ẹworo-ụzọ hụ etintinnaị; mmughẹ ndị ahụn wụchanrịn ahanmahan, ẹhụ-ụlọ rịsọnmẹ ẹgbata wẹ wụzị ahanmahan.

Izikẹlụ 40:21

Mmughẹ ẹtọ-ẹtọ rịzị azụụnnị lẹ azụụnnị imẹ ẹ; ẹhụ-ụlọ rịsọnmẹ ẹgbata mmughẹ lẹ mmughẹ; ẹtu-ụlọ rị a ihun lẹ azụụn. Ya lẹ ọnụ-mgbọn ibuzọ hụ wụ ahanmahan: usue ẹ wụ ụbụkụ ẹsa lẹ mkpikpi kwasị ọgụn-ẹnọ; ụshịa a, ụbụkụ ẹtọ kwasị ọgụnnaị lẹ hụn kazị mkpikpi (43¾).

Izikẹlụ 40:29

Mmughẹ ndị rịn'a, ẹhụ-ụlọ hụn rịsọnmẹ ẹgbata wẹ lẹzi ẹtu-ụlọ rị a ihun lẹ azụụn lẹ ndị hụn-ẹbọ wụzị ahanmahan. Windo hụzị ọgwa a ẹhụ ile. Usue ọnụ-mgbọnni wụzị ụbụkụ ẹsa lẹ mkpikpi kwasị ọgụn-ẹnọ, ụshịa a wụzị ụbụkụ ẹtọ kwasị ọgụnnaị lẹ hụn kazị mkpikpi (43¾).

Izikẹlụ 40:33

Kẹ mmughẹ ndị rịn'a kẹ ẹhụ-ụlọ rịsọnmẹ ẹgbata wẹ kẹ ẹtu-ụlọ rị a ihun lẹ azụụn — wẹ ile lẹ ndị rị ọnụ-mgbọn hụn-ẹbọ wụ ahanmahan. Windo rịzị ẹtu-ụlọ a lẹ mmughẹ ile rịn'a. Usue ẹ wụ ụbụkụ ẹsa lẹ mkpikpi kwasị ọgụn-ẹnọ, ụshịa a wụ ụbụkụ ẹtọ kwasị ọgụnnaị lẹ hụn kazị mkpikpi (43¾).

Izikẹlụ 40:36

Mmughẹ ndị rịn'a, ẹhụ-ụlọ hụn rịsọnmẹ ẹgbata wẹ lẹ ẹtu-ụlọ rị a ihun lẹ azụụn lẹ ẹhụ-ụlọ rị ndị ọzọ wụ ahanmahan. Windo rịsọnmẹ ẹ ẹhụ ile. Usue ẹ wụzị ụbụkụ ẹsa lẹ mkpikpi kwasị ọgụn-ẹnọ, ụshịa a wụzị ụbụkụ ẹtọ kwasị ọgụnnaị lẹ hụn kazị mkpikpi (43¾).

Izikẹlụ 40:8

Ọ nọ nwan ma ẹtu-ụlọ ahụn rị ibe azụụn: ụshịa a wụ ụbụkụ mmẹnọ.

Izikẹlụ 42:5

Mmughẹ ndị rị ibe elu ashịaruni ndị rị alị, makẹni ẹtu-ụlọ ndị rị ibe elu ka ndị rị ibe alị lẹ ndị rị etintin a shịa.