Izikẹlụ 40:5 - Ika

⁵ A hụn m mgbọn fihunmẹ Ụlọ-nsọ. Usue ẹgbe ahụn okẹnnyẹ hụ gi ẹka wụ ụbụkụ iri lẹ mkpikpi (10½). Ọ nọ ma mgbọn ahụn: ulu ẹ wụ ẹgbe ohu, ojijẹn-elu ẹ wụ ẹgbe ohu.

Izikẹlụ 40:5 ပူးပေါင်းရင်းမြစ်များ

Ẹbụ-ọma 125:2

Kẹ ugu dọn fihunmẹ Jerusalẹm, ẹrịra kẹ Osolobuẹ dọn fihunmẹ ndị nke ẹ, ogẹnni lẹ jẹnrin ejẹn.

Azaya 26:1

Ogẹn ahụn, wẹ k'a bụ ẹbụnị imẹ Juda: Ẹnyi e nwọnghọ obodo zeni; Chuku e gigụọ nzụọpụha mẹmẹ mgbọn ẹ lẹ ebe w'a gbaban rịn'a.

Azaya 60:18

Anụkọzị wẹ ukwere egbu-lẹ-egbu imẹ alị ụnụ; ahụnkọzịkwọ wẹ ntikpọ lẹ owiwi ebe ọwụlẹ wụ nke ụnụ. Nzụọpụha k'e fihunmẹ ụnụ lekẹ mgbọn; ọnụ-mgbọn ụnụ a zama Ịja-mma Osolobuẹ.

Izikẹlụ 41:8

M nọzị hụn nị Ụlọ-NSỌ rị elu mgbankpo hụn shịapụhasọnmẹ azụụn ile, kẹ ya kẹ mmughẹ ndị ahụn rị ụsụọ a. Ojijẹn elu mgbankpo hụ wụ ẹgbe ohu gbegbegbe, ụbụkụ iri lẹ mkpikpi!

Izikẹlụ 42:15

Ogẹn o gi machanrịngụ Ụlọ-nsọ lẹ ihiẹn ndị rịn'a, ọ nọ gha ọnụ-mgbọn rị ẹbamịn ọwụwa-ẹnyanwụn dupụha m, ọ nọ nwan mahunmẹ ẹ azụụn ile:

Izikẹlụ 42:20

Ọ machanrịn azụụn ẹnịnọ rịn'a. Usue mgbọn ghahunmẹchanrịnn'a wụ ụbụkụ mmisẹn kwasị ọgụn ẹtọ kwasị nnụnaị (875), ụshịa a ụbụkụ mmisẹn kwasị ọgụn ẹtọ kwasị nnụnaị (875). Mgbọn ahụn kebe ebe rị nsọ lẹ ebe wẹ nọ e mẹ ihiẹn mmaka.

Izikẹlụ 43:13

“Ẹnịna kẹ ukpo nchụn-ẹjan k'a han — ụbụkụ kanị kẹ wẹ gi ma a: uroro-amị ghahunmẹ ukun ẹ hụn ẹdeke e huye, omimi ẹ wụ ụbụkụ ohu lẹ hụn kazị mkpikpi (1¾), ụshịa uroro-amị hụ wụ ụbụkụ ohu lẹ hụn kazị mkpikpi; ebe wẹ gi gbihunmẹ uroro-amị a erugụnị ọbụkụ ohu. O mẹ nke ojijẹn-elu ukpo nchụn-ẹjan ahụn,

Zẹkaraya 2:5

mmẹ nwẹn k'a wụrụ mgbọn rị e nwun ọkụn, fihunmẹ ẹ. Mmẹ k'a wụzịkwọ ọghọ a. Ya kẹ Osolobuẹ ku.’ ”

Ditrọnọmi 3:11

(Ọgụ wụ eze Bashanị sụọ te họdụ imẹ ndị Rẹfa ile, ebọn adụn-aran hụ. Igwe kẹ wẹ gi mẹmẹ bẹdi ẹ — hụn suekarị ụbụkụ mmẹtọ, shịakarị ụbụkụ isin. Bẹdi ahụn hụkwọ nwan Raba, isi-obodo ndị Amọnụ.)

Rẹvẹleshọnụ 21:12

Mgbọn ẹ hi-ogbe, jẹn elu. Ọnụ-mgbọn mmẹbụọ k'o nwọn; mmọn-ozi ohu-ohu turusọnmẹ ọnụ-mgbọn ndị hụ. Wẹ de ẹfan ikpụlọ mmẹbụọ rị Izrẹlụ ohu-ohu ye ọnụ-mgbọn ndị ahụn.