Izikẹlụ 40:3 - Ika

³ Ọ nọ we m shi ebẹhụ nọ kẹ obodo. E lee okẹnnyẹ ohu rị e nwun goru-goru lekẹ igwe-bronzu! Ụdọ wẹ gi linẹni kpa lẹ ẹgbe wẹ gi a ma ihiẹn hụ a ẹka. O wuzohụ ọnụ-mgbọn wẹ gha a banye ebẹhụ.

Izikẹlụ 40:3 ပူးပေါင်းရင်းမြစ်များ

Azaya 28:17

Ezigbo eṅẹn kẹ m k'a chọ ẹka ụnụ, ezi-omumẹ kẹ m k'a jụ ụnụ ukwere ẹ; ẹkwan-igwere k'e tikpọpụ ntụ hụ ụnụ gbaburu, mirin k'e huru ebahụn ụnụ warị.

Azaya 8:20

Jẹn ni d'e kunrun Iwu Osolobuẹ lẹ ihiẹn ile ọ gwa ụnụ! Omẹni oku ịhịan gwa ụnụ lẹ Iwu Osolobuẹ a dangbamanị, ịya wụ nị ukpẹ arị imẹ wẹ.

Izikẹlụ 1:27

A hụn m nị gha ebe nọ kẹ ukun ẹ shi elu rị kẹ igwe rị e gbukeni, nọkẹsị ọkụn jun ẹ; gha ebahụn lụa alị rịzị kẹ ọkụn; ukpẹ fihunmẹ ẹ.

Izikẹlụ 1:7

Ụkụ wẹ zinrin e zinrin; ọbụkụ wẹ nọkẹ nke nwa-efin, e gbuke kẹ igwe-bronzu wẹ fichan ọhụnma-ọhụnma.

Izikẹlụ 41:1

Okẹnnyẹ ahụn nọ nwan weban m Ebe Rị Nsọ, mmughẹ wẹ e bu ụzọ e ru imẹ Ụlọ-NSỌ. Ọ ma ẹhụ-ụlọ rị ọnụmụzọ a azụụnnị lẹ azụụnnị: ụshịa wẹ wụsọnmẹ ụbụkụ iri lẹ mkpikpi.

Izikẹlụ 42:16

O buche ẹgbe hụ o gi a ma ihiẹn, ọ ma a ẹbamịn ọwụwa-ẹnyanwụn, ọ gba ụbụkụ mmisẹn kwasị ọgụn ẹtọ kwasị nnụnaị (875);

Izikẹlụ 43:6

M nọ nụ kẹ olu gha imẹ Ụlọ-NSỌ a gwa m oku. Okẹnnyẹ ahụn rị a ghọsị m ihiẹn turuye m ụsụọ.

Izikẹlụ 47:3

Okẹnnyẹ hụ nọ dọn ihun ẹbamịn ọwụwa-ẹnyanwụn, gi ẹgbe o gi a ma ihiẹn makọ jẹnkọ. Ọ mapụ amụkụ ọgụn-mmisẹn kwasị nnụ (700) wụ kubiti nnụ-uku, ọ nọ we m gha imẹ mirin hụ: o ru m olu-ụkụ;

Izikẹlụ 8:2

M nọ hụn ihiẹn yi ịhịan: gha ukun ẹ d'e ru alị nọ kẹ ọkụn; gha ukun ẹ shi elu hụ e gbuke kẹ igwe-bronzu wẹ fichan ọhụnma.

Rẹvẹleshọnụ 1:15

ụkụ-alị a nọ kẹ igwe-bronzu wẹ finchan ọhụnma-ọhụnma, e gbuke nọkẹ sị wẹ gi ọkụn dụnchanpụ unyin rịn'a; olu ẹ hụzị a han kẹ okẹn mirin rị e huni.

Rẹvẹleshọnụ 11:1

Ya wẹ nọ ye m ihiẹn wẹ gi a ma ihiẹn hụn nọ kẹ mkpịnsịn. Wẹ nọ sị m, “D'a ma Ụlọ-NSỌ Osolobuẹ lẹ ukpo nchụn-ẹjan, y'a gụn ndị rị ebẹhụ e fe ofufe.

Rẹvẹleshọnụ 21:15

Mmọn-ozi hụ gwa m oku gi ẹgbe goru wẹ gi a ma ihiẹn, hụn o k'e gi ma obodo hụ lẹ ọnụ-mgbọn ndị rịn'a lẹ mgbọn ẹ.