Izikẹlụ 40:2 - Ika

² Imẹ ọhụn hụ gha ẹka Osolobuẹ bịa, Osolobuẹ nọ we m shi alị Izrẹlụ, bu m che elu-ugu jẹngbu enwẹn ẹ elu. O nwọn ebe nọ kẹ obodo elu ẹ ebẹhụ, ẹbamịn ndịdan.

Izikẹlụ 40:2 ပူးပေါင်းရင်းမြစ်များ

Ihiẹn Mẹni Nke Ibuzọ 28:12

Defidi yechanrịn a ihiẹn o k'e leri tụn ihiẹn ile Mmọn Osolobuẹ buche Defidi obi banyeni ezi-ọgwa lẹ ezi-ẹgodo ụlọ-nsọ Osolobuẹ lẹ mmughẹ ile fihunmẹn'ẹ lẹ mmughẹ ndị wẹ k'e butọ ihiẹn ụlọ-nsọ Chuku lẹ ndị wẹ k'e butọ ihiẹn ndị wẹ gi kwanị Osolobuẹ.

Ihiẹn Mẹni Nke Ibuzọ 28:19

Defidi nọ sị Solomọnụ, “Ihiẹnni ile wẹ detu ebeni nọchanrịn kẹ Osolobuẹ dọn ghọsị m, ihiẹn ile wẹ sikọ d'a rụn lẹ kẹ wẹ k'a dọn rụn wẹ.”

Ẹbụ-ọma 48:2

Ugu ẹ rị nsọ jẹn elu hụn ma mma; ịya wụ ịghọghọ ụwa ile! Ugu Zayọnụ rọ — hụn rị njẹndemẹ ẹbamịn ugu obodo Eze-uku ahụn rọ.

Azaya 14:13

I te sị enwẹn i, “M k'e shi elu-igwee; m k'e bushi ukpo m elu ghafe kokisẹ Chuku ile; m k'a nọ elu ugu ozuzu mmọn ndị wẹ e fe kị, mkpọnụnụ ugu ahụn rị nsọ.

Azaya 48:2

ụnụ ndị a kpọ enwẹn ụnụ ụmụ-di-alị Obodo nsọ wụ Jerusalẹm, a sị nị Chuku Izrẹlụ kẹ ụnụ gi dọn ẹnya — Onyẹ ẹfan a wụ Osolobuẹ ihiẹn ile rị okpuru ẹ!

Izikẹlụ 1:1

Nke akpọhịn isẹn imẹ ifọn nke ẹnọ imẹ ahụa nke iri-kwasị-ọgụn, m rị mkpẹnrẹn Iyi Kẹba alị Babilọnụ, ebe wẹ kpụnjẹn mmẹ lẹ ndị Juda ibe m. Ya m nọ hụn ọhụn. Imẹ ọhụn ahụn, igwere nọ kpupụ, Chuku nọ ghọsị m ihiẹn.

Izikẹlụ 20:40

Makẹni, mmẹ, Osolobuẹ Nwọn Ihiẹn Ile, rị e ku ẹ nị Izrẹlụ ile k'a nọrịrị elu-ugu nsọ m, elu ugu rị Izrẹlụ, fe m ofufe, wẹ ile k'a nọrịrị imẹ alị Izrẹlụ ebẹhụ fe m. M k'a nabanhan wẹ ebẹhụ, nọ a lemẹzi ẹnya ihiẹn ụnụ a tụhanị m lẹ oyiye ndị hụ kachanrịn mma ụnụ e ye lẹ ihiẹn ndị ọzọ ile rị nsọ ụnụ gi e fe m.

Izikẹlụ 37:22

M k'e mẹ wẹ wụrụ alị ohu imẹ alị Izrẹlụ, elu-ugu rịsọnmẹ alị Izrẹlụ; eze ohu k'a kịma wẹ ile, onwọnzini ogẹn w'e gi wụrụ alị ẹbụọ mọbụ kebezi họnrin alị-eze ẹbụọ.

Izikẹlụ 41:1

Okẹnnyẹ ahụn nọ nwan weban m Ebe Rị Nsọ, mmughẹ wẹ e bu ụzọ e ru imẹ Ụlọ-NSỌ. Ọ ma ẹhụ-ụlọ rị ọnụmụzọ a azụụnnị lẹ azụụnnị: ụshịa wẹ wụsọnmẹ ụbụkụ iri lẹ mkpikpi.

Izikẹlụ 43:12

“Ọnwan wụ iwu Ụlọ-nsọnị: ebe ile fihunmẹn'ẹ elu ugu ahụn ọ rị k'a rịchanrịn nsọ. Ịya wụ iwu Ụlọ-nsọnị.

Izikẹlụ 8:3

Ọ nọ tịnpụ ihiẹn nọ kẹ ẹka, dọdọn m ntutu, mmọn Chuku nọ dọrị m ẹrịra shi imẹ elu, we m shi Jerusalẹm, imẹ ọhụn hụ gha ẹka Osolobuẹ bịa. Ọ nọ we m shi Ụlọ-nsọ, ẹhụ ọnụ-ụgba hụ rị ẹbamịn-ugu hụn wẹ gha a banye ihun-ezi rị imẹ-imẹ Ụlọ-nsọ — ebe wẹ kpụtọ mmọn ahụn wẹ gi kpasu Osolobuẹ iwe, hụn ẹnya gi rị a fụ Osolobuẹ.

Daniẹlụ 7:1

Ahụa ibuzọ Bẹlụshaza wụ eze Babilọnụ kịma, Daniẹlụ rọ nrọ, hụnsọnmẹ ihiẹn ndị ọ hụn imẹ nrọ hụ ebe o dinẹ elu bẹdi ẹ. Ọ nọ be ihiẹn ndị hụ ọ rọhụn nkeke detu.

Daniẹlụ 7:7

“Ọhụn e mẹgụ, imẹ nrọ ahụn m rọ imẹ uhinhin, e lee m ẹnya ihun m ebahụn, e lee eje-anụ hụn mẹ wẹ ẹnọ; hụnnị wụ ihiẹn-egun; ndụn a rịka a! Eze igwe hi ogbe k'o nwọn; ọ dọkịka ihiẹn danban a ẹka, e ripụ, a zọkpụkpọ hụn ọwụlẹ họdụnị. Ọ rị ichẹn ebe eje-anụ ndị hụ bu ẹ ụzọ pụha rị; mpịn iri k'o nwọn.

Maịka 4:1

Kanị o ru ogẹn ikpanzụụn, ugu ụlọ-nsọ Osolobuẹ sikọ d'e weri ọnọdị, nwọnnahịn ugu lẹ òke ile ọghọ; ndị alị ichẹn-ichẹn jẹnkọ d'a rị e rujẹn ẹ.

Ọrụn Ndị-ozi 16:9

Uhinhin hụ, Pọlụ nọ hụn ọhụn, hụn kẹ okẹnnyẹ ohu wụ onyẹ Masẹdonia turu, a rịọ a, “Dodo, bịa Masẹdonia d'e yeni ẹnyi ẹka!”

Ọrụn Ndị-ozi 2:17

‘Osolobuẹ sị, “Ogẹn ikpanzụụn, m jẹnkọ d'e hu Mmọn-nsọ m kpu ịhịan ile. Ụmụ ụnụ ikẹnnyẹ lẹ ikpoho k'e bu amụma; ikorọbịa ụnụ k'a hụn ọhụn; ikẹnnyẹ-ọba ụnụ k'a rọ nrọ.

Ndị Galeshịa 4:26

Kanị Jerusalẹm rị elu-igwee ẹlẹ igbọn; ịya wụ nnẹ ẹnyi.