Izikẹlụ 40:1 - Ika

¹ Ahụa nke isẹn kwasị ọgụn wẹ kpụnhan ẹnyi Babilọnụ, Osolobuẹ mẹtụ m ẹka, we m shi Jerusalẹm imẹ ọhụn. Nke akpọhịn iri daị imẹ ifọn ibuzọ kẹ ihiẹnni mẹ. Ahụa hụ mẹzi ẹ ahụa mmẹnọ wẹ tikpọ Jerusalẹm.

Izikẹlụ 40:1 ပူးပေါင်းရင်းမြစ်များ

Ọpụpụ 12:3

Gwa ndị ebọn Izrẹlụ ile nị nke akpọhịn iri imẹ ifọnni, okẹnnyẹ ọwụlẹ jẹnkọ d'a họtọnị ezi-lẹ-ụlọ a anụ wẹ sikọ d'e gbu; ezi-lẹ-ụlọ ọwụlẹ jẹnkọ d'a họtọsọnmẹ anụ ohu-ohu.

Ọpụpụ 12:41

Ụhụọhịn ahụn o zu ahụa iri kwasị ọgụn kwasị nnụ daị, ebọn ile rị imẹ ndị nke Osolobuẹ nọ gha alị Ijiptu pụ.

Ọpụpụ 40:2

“O ru ụhụọhịn ibuzọ imẹ ifọn ibuzọ, y'e tumẹ Ọdụ-nsọ, Ọdụ-ozuzu.

Izikẹlụ 11:24

Ya kẹ Mmọn Chuku nọ buru m shi imẹ elu, imẹ ọhụn hụ Chuku mẹ m hụn, wekinhẹn m ebẹhụ ndị Izrẹlụ wẹ kpụnhan Babilọnụ rị. Ọ nọ fọn m ẹnya.

Izikẹlụ 29:17

O ru ahụa nke ẹsa kwasị ọgụn, ụhụọhịn ibuzọ imẹ ifọn ibuzọ, Osolobuẹ nọ sị m,

Izikẹlụ 3:14

Mmọn-Osolobuẹ nọ buli m elu, weri m, mmẹ lẹ ẹfọ rịlẹni a sụọ m ụsụọ lẹ olulu jun m obi; ẹka Osolobuẹ kwọndọn m ọda-ọda.

Izikẹlụ 3:22

Osolobuẹ nọ bu ẹka kwasị m ebẹhụ m rị, sị m, “Lihi ọtọ shi ọdanmgbugbu, m jẹnkọ d'a nọ ebẹhụ gwa ị oku.”

Izikẹlụ 32:1

Ahụa nke mmẹbụọ wẹ kpụnhan ẹnyi imẹ Babilọnụ, ụhụọhịn ibuzọ imẹ ifọn nke mmẹbụọ, Osolobuẹ nọ sị m,

Izikẹlụ 32:17

Nke akpọhịn mmisẹn imẹ ifọn ahụn, imẹ ahụa nke mmẹbụọ hụ, Osolobuẹ nọ sị m:

Izikẹlụ 33:21

Nke akpọhịn isẹn imẹ ifọn nke iri imẹ ahụa nke mmẹbụọ hụ wẹ kpụnhan ẹnyi Babilọnụ, okẹnnyẹ ohu imẹ ndị hụn isi wanahịn ogẹn wẹ gi tikpọ Jerusalẹm nọ bịa d'e kunrun m, sị, “E tikpọgụọ wẹ Jerusalẹm!”

Izikẹlụ 37:1

Osolobuẹ mẹtụ m ẹka, gi Mmọn Osolobuẹ wepụha m, bu m che etintinnaị ọdanmgbugbu ohu. Ọkpụkpụ jun ọdanmgbugbu hụ.

Izikẹlụ 8:1

Hụn mẹ akpọhịn isin imẹ ọnwan nke isẹn imẹ ahụa mẹ ẹ isin ẹnyi nọpụ ebe wẹ kpụnjẹn ẹnyi, ndị-isi ndị Juda hụn wẹ kpụnhan ẹnyi lẹ wẹ alị Babilọnụ bịa d'a hụn m; ebẹhụ ẹnyi ile nọdị alị, ya kẹ Osolobuẹ nwọn ihiẹn ile nọ mẹtụ m ẹka.

Rẹvẹleshọnụ 1:10

O ru ụhụọhịn ohu, Ụhụọhịn Di-nwọnni-ẹnyi, ebe m rị imẹ-mmọn, m nọ nụ okẹn olu nọ kẹ opi azụụn m.