Izikẹlụ 4:2 - Ika

² Mẹ ẹ kẹ wẹ e mẹ obodo wẹ kehunmẹ: kpụyesọnmẹ ẹ ihiẹn wẹ gi e kehunmẹ obodo — kẹ mkpọnyin wẹ gi e fe mgbọn obodo hụ kẹ ebe ndị-agha ziẹntọ kẹ ihiẹn ndị wẹ gi a kụtu mgbọn.

Izikẹlụ 4:2 ပူးပေါင်းရင်းမြစ်များ

Samuẹlụ Nke Ẹbụọ 20:15

Ndị-agha ile wẹ lẹ Jụabụ wị nọ bịa d'e kehunmẹ Shẹba ye Ebẹlụ-Bẹt-Maaka. Wẹ nọ rụn mkpọnyin ye mgbọn ibuzọ rị obodo hụ — mkpọnyin w'a nọ a lụsọn obodo nwọn mgbọn agha. Ogẹn wẹ gi rị e gi ihiẹn e ti mgbọn hụ nị wẹ titu ẹ,

Azaya 22:7

Ụgbọ-ẹshin agha e jun ọdanmgbugbu ụnụ ile hụn ma mma: e zigụọ wẹ ndị-agha gi ẹshin d'e weri ọnọdị ọnụ-mgbọn ndị rị obodo ụnụ.

Jerimaya 32:24

“Lee kẹ ndị Babilọnụ tụnsọnmẹ mkpọnyin ye mgbọn obodoni, nọ ebẹhụ a lụsọn ẹ agha kẹni wẹ weri ẹ. Y'e gigụọ ọpịa-agha lẹ ụnwụn lẹ eje-emu mẹ obodoni ban ẹka ndị Babilọnụnị rị a lụsọn ẹ agha. Ihiẹn nwẹn i ku e mẹgụọ kẹ ị dọn nwan rị a hụn a.

Jerimaya 33:4

Lee ihiẹn Osolobuẹ hụn wụ Chuku Izrẹlụ ku — ihiẹnni k'o ku banyeni ụlọ ndị rị imẹ obodoni lẹ obi-eze ile ndị-nze alị Juda rụn, ụlọ ndị ahụn wẹ kụkpọsọnmẹ gi rụncheni mgbọn obodo makẹ ndị Babilọnụ kehunmẹ obodoni lẹ ọpịa-agha wẹ:

Jerimaya 52:4

Nke akpọhịn iri imẹ ifọn nke iri imẹ ahụa nke itenẹi Zẹdikaya kịma, Nebukadineza wụ eze Babilọnụ nọ kịha ndị-agha a ile d'a maye Jerusalẹm ọgụn. Nebukadineza wẹ nọ kehunmẹ obodo hụ, tụn ihiẹn wẹ gi e kehunmẹ obodo yesọnmẹ mgbọn ẹ.

Jerimaya 6:6

Lee ihiẹn Osolobuẹ ihiẹn ile rị okpuru ẹ ku, “Gbutusọnmẹ ni osisi ndị rị ụsụọ obodo Jerusalẹm gi rụnrụn mkpọnyin ndị kehunmẹ obodo nwọn mgbọn a nọ a lụ a agha. Wẹ k'e yerịrị obodoni afụnfụn — makẹni mmẹgbu-mmẹgbu jun imẹ ẹ.

Izikẹlụ 21:22

Utẹn k'a sị Jerusalẹm rọ, y'a jẹn d'a lụsọn ẹ agha. Wẹ k'a tụnnị Jerusalẹm ihiẹn wẹ gi e tikpọ mgbọn, sị wẹ tikpọ a. Wẹ k'e yi oro agha maye ẹ. Wẹ k'e bu ihiẹn ndị hụ wẹ gi e tikpọ mgbọn che ọnụ-mgbọn ndị rịn'a. Wẹ k'a tụn mkpọnyin lẹ ihiẹn ndị ọzọ w'a nọ a lụsọn alị wẹ tụnhunmẹ mgbọn agha.

Izikẹlụ 21:27

Mkpọkọ, Mkpọkọ!! M k'a la Jerusalẹm tọ Mkpọkọ! Edọnzikọ w'a d'e ru ni onyẹ jẹnkọ d'a hann'a eṅẹn a bịa; e we m'ẹ che ẹ ẹka.

Izikẹlụ 5:2

Ị nọzugụ akpọhịn ole hụ y'e gi ghọsị okehunmẹ wẹ sikọ d'e kehunmẹ Jerusalẹm, y'e weri ụzọ ohu imẹ ntutu hụ ị kọpụha, dụn a ọkụn etintinnaị Jerusalẹm hụ i seye elu ụrụa. Y'e weri ụzọ ohu, gi ọpịa-agha beyịya wẹ imẹ obodo hụ; y'a bụọ ụzọ ohu họdụnị ye imẹ ufere, m jẹnkọ d'e sepụha ọpịa-agha chụ wẹ.

Daniẹlụ 11:15

Ogẹn ahụn, eze alị rị ẹbamịn-ugu jẹnkọ d'a bịa d'e kehunmẹ obodo ohu wẹ tụnhunmẹ mgbọn, ọ rụn ihiẹn wẹ e nyinrin a lụsọn ndị rịn'a agha ye mgbọn obodo hụ; o mẹri ẹ, weri ẹ. Ndị-agha eze alị rị ẹbamịn-ndịdan asakọ ẹka che ẹ ọgụn, ndị-agha wẹ kachanrịndẹ ọgụn a lụ ahụnkọdẹ ndụn wuzo.