Izikẹlụ 38:8 - Ika

⁸ Ọ nọbe, m k'a kpọ ị ọrụn; ihun-ihun, i k'e jẹn d'a lụsọn alị ohu agha: alị wẹ dọnzigụhụ kẹ agha tikpọgụ a, ndị wẹ ghagụhụ alị bu ọda wekinhẹn alị wẹ. Alị ugu wụ Izrẹlụ rọ. Alị hụn te gbabie okpokoro, wẹ nọ gha alị ndị ọzọ rị ichẹn-ichẹn welụa wẹ, e bimẹzi wẹ udọn-lẹ-ndọnkwa.

Izikẹlụ 38:8 ပူးပေါင်းရင်းမြစ်များ

Jẹnẹsisi 49:1

Omẹgụ, Jekọpụ nọ kpọkikomẹ ụmụ a ile, sị wẹ, “Nọhunmẹni m, nị m gwa ụnụ ihiẹn jẹnkọ d'e mẹ imẹ igunrun ụnụ ihun.

Ọpụpụ 20:5

akpọkwọlẹni ni wẹ isi alị mọbụ fe wẹ; makẹni mmẹ, hụn wụ Osolobuẹ, Chuku ụnụ, wụ Chuku ẹnya a fụ omẹni wẹ ye onyẹ ọzọ ihiẹn runi m. M'e gi njọ ndị ize m e ze e sọn ụmụ wẹ d'e rudẹ agbọ nke ẹtọ lẹ nke ẹnọ.

Azaya 24:22

Wẹ k'e kpọngbama wẹ ile, kẹ wẹ e kẹngbama ndị rị ngan; wẹ k'a kpọkin wẹ ye imẹ ngan, a nọbie wẹ ebẹhụ, e ye wẹ wẹ afụnfụn.

Azaya 29:6

Osolobuẹ ihiẹn ile rị okpuru ẹ k'e mẹ wẹ ihiẹn, zihẹni wẹ akpara, alị-ọmahihie lẹ okẹn ụzụn, zihẹni wẹ eje-ufere lẹ ẹbi lẹ ọkụn rị a dụnnị.

Azaya 8:9

Kokomẹmẹni ni agha-o, ndị alị ile, kanị wẹ k'e gungwọn ụnụ! Gọn ni ntịn, alị ile rịdẹ ebe ụwa ru: Kwademẹ ni agha-o, kanị wẹ k'e gungwọn ụnụ! Kwademẹkwọ nị agha-o, kanị wẹ k'e gungwọn ụnụ!

Jerimaya 23:6

Ọ kịma, Juda a hụn isi, ihiẹn emẹkọ Izrẹlụ. Ẹfan wẹ k'e gi marịn a wụ: ‘Osolobuẹ A Tụnị Ẹnyi Ụya’.

Jerimaya 30:18

Osolobuẹ sị, “M jẹnkọ d'e dọnzini ebọn Jekọpụ ụlọ wẹ ndị tikpọnị; m k'e mẹ omikẹn rụnkin ebe ile wẹ te bi mbụ; wẹ k'a rụndọnzi obodo ẹ ye ọnọdị a daị, rụndọnzi obi-eze ye ebe ọ rị mbụ.

Jerimaya 30:3

Ogẹn lala hụn m k'e gi wepụha ndị nke m wụ ndị Izrẹlụ lẹ ndị Juda ẹka ndị gini wẹ, mẹzi n'ọ rịnị wẹ mma imẹ alịnị m ye ndị nẹdi wẹ kanị weri.’ Ya kẹ Osolobuẹ ku.”

Jerimaya 32:37

‘M jẹnkọ d'a gha alị ile m gi olulu m rị a dụn kẹ ọkụn lẹ okẹn-ọnụma m chụshi wẹ wepụhazị wẹ, welụa wẹ ebeni, e mẹ m wẹ biri ẹ udọn lẹ ndọnkwa.

Jerimaya 32:5

A sị nị Osolobuẹ sị nị ‘Nebukadineza jẹnkọ d'e we Zẹdikaya shi Babilọnụ, ọ nọdị ebẹhụ d'e ru mgbe m'e gi mẹgụ a ihiẹn.’ Nị Osolobuẹ sị, ‘Ọsụọn'a nị ụnụ lụsọn ndị Babilọnụ ọgụn, ọ ghakọnị ụnụ’?”

Jerimaya 33:16

ihiẹn a rịnị Juda mma, ẹhụ e fu obodo Jerusalẹm. Ẹfan wẹ k'a gha a kpọ Jerusalẹm ogẹn ahụn wụ: ‘Osolobuẹ Mẹ Ẹnyi Gi Rị Mma.’

Jerimaya 48:47

“Kanị, o mẹgụ, m jẹnkọ d'e mẹ n'ọ rịzịnị alị Mụabụ mma. Mmẹ wụ Osolobuẹ ku ẹ.” Ebeni kẹ ikpe Chuku ma alị Mụabụ jẹndemẹ.

Jerimaya 49:39

“Kanị omẹgụ, m k'e mẹzi ihiẹn masịnị Ẹlam. Mmẹ wụ Osolobuẹ ku ẹ.”

Ẹkwan 4:22

Ụnụ ndị Zayọnụ, afụnfụn Osolobuẹ ye ụnụ k'a kụsị; ọ nịkọ ụnụ biekẹ alị wẹ kpụnjẹn ụnụ. Kanị ụnụ ndị Ẹdọm, Osolobuẹ jẹnkọ d'e ye ụnụ afụnfụn njọ ụnụ, kpu eje-omumẹ ụnụ oghe.

Izikẹlụ 28:26

Wẹ k'e biri ebẹhụ udọn-lẹ-ndọnkwa, tụnrụn ụlọ, rụnrụn ugbo; wẹ k'e biri udọn-lẹ-ndọnkwa ogẹn m'e gi mẹgụ ndị bikunmẹni wẹ hụn rị e legberini wẹ ihiẹn ile m k'e mẹ wẹ. Ogẹn hụ kẹ w'e gi marịn nị mmẹ wụ Osolobuẹ, hụn wụ Chuku wẹ.’ ”

Izikẹlụ 34:13

M k'e wepụha wẹ alị ndị ọzọ wẹ rị, gha alị ndị ọzọ hụ kpọnlụa wẹ alị wẹ; a nọ m elu ugu ndị rị alị Izrẹlụ lẹ ọdanmgbugbu alị Izrẹlụ lẹ ebe ile ịhịan e bi imẹ ẹ dumẹ wẹ.

Izikẹlụ 38:14

“Nwa-ịhịan, bu nwan amụma sị Gọgụ: Osolobuẹ Nwọn Ihiẹn Ile sị, ‘Ihun, ogẹn ndị nke m wụ Izrẹlụ k'e gi rị e bi udọn-lẹ-ndọnkwa, y'a nụkọ a?

Izikẹlụ 38:16

Ụnụ jẹnkọ d'a maye ndị nke m wụ Izrẹlụ, rukpumẹ alị wẹ nọkẹ orukpu. Ihun-ihun k'o k'e mẹ. M k'e wẹhẹ i d'a maye alị m ọgụn, kẹni ndị alị ichẹn-ichẹn gi ihiẹn m k'e mẹ i marịn onyẹ m wụ ogẹn m'e gi nọ idẹnya wẹ gi i ghọsị nị m rị nsọ.

Izikẹlụ 39:26

Ogẹn hụ, wẹ hụn nị wẹ bizi udọn-lẹ-ndọnkwa imẹ alị wẹ, ifẹnrẹn enwẹn wẹ e mẹgbu wẹ hụn wẹ gi la m tọ bu ẹnya che ogbe.

Habakọkụ 2:3

Makẹni ogẹn ihiẹnni k'e rugụ o kebe mẹ; o sikọ d'e mẹzurịrị — omẹkọ ntụ; ọsụọn'a o bie ebie, cheri ẹ, n'o k'e mẹrịrị — o bieghafekọ ogẹn ẹ.

Ọgụngụn 24:14

“M laburukọ nwan ndị nke m; ka gọn nwan ntịn nị m gwatọ ị ihiẹn ndị Izrẹlụ jẹnkọ d'e mẹ ndị nke i ihun.”

Ditrọnọmi 4:30

Ẹghẹẹ, ụnụ hụngụ ụya ndịnị ile ogẹn hụ, rogharị buru Osolobuẹ wụ Chuku ụnụ, mẹ ihiẹn o ku,

Pita Ibuzọ 2:9

Kanị, ụnụ nwẹn wụ agbọ wẹ họrị ahọrị; ndị nchụn-ẹjan Eze; ebọn rị nsọ; ndị nke Osolobuẹ kẹti-kẹti, kẹni ụnụ a ghọsị ẹka-ọrụn Onyẹ hụn kpọpụha ụnụ imẹ ishi bu ụnụ che imẹ ukpẹ ẹ rịgbu enwẹn ẹ mma.