Izikẹlụ 38:4 - Ika

⁴ M k'e sehutọ ị, bu ukpo che i agban, dọkpụnrụn yụ lẹ ndị-agha ị ile — kẹ ẹshin i kẹ ndị-agha ị gi ẹshin a lụ agha, uwẹ lẹ ẹwuru-agha wẹ zu oke; igwerigwe ndị-agha ị hụn busọnmẹ akpaịn uku lẹ nke nta, wẹ ile ndị ma gi ọpịa-agha lụ agha;

Izikẹlụ 38:4 ပူးပေါင်းရင်းမြစ်များ

Ndị-nze Nke Ẹbụọ 19:28

Ebe ị rị a bannị m mban, ebe o mẹni mkpari ị rị a kpari m e rugụọ m ntịn, m k'e kọn ukpo m ye i imi, kwa ị ngan ọnụ, gi ẹ wekin i ụzọ ị gha bịa.

Ihiẹn Mẹni Nke Ibuzọ 12:8

O nwọnzighọ ndị Gadị pụha d'a bannị Defidi ebẹhụ ọ nọ e che ẹhụ imẹ atụ. Ndị odogun-agha egun ghalẹni a tụ kẹ wẹ wụ, wẹ kwademẹ agha; wẹ ma gi akpaịn lẹ obo lụ agha. Ihun wẹ a tụ egun kẹ nke ẹwọrọ; w'e be nkanran kẹ ele rị elu-ugu.

Ihiẹn Mẹni Nke Ẹbụọ 25:5

Amazia a kpọkikomẹ ndị Juda, dọnmẹsọnmẹ wẹ ikp'ụlọ-ikp'ụlọ okpuru ndị ọkị-agha uku lẹ ndị ọkị-agha nta, kẹ ebọn Juda ile kẹ ebọn Bẹnjamini; ọ gụn ikẹnnyẹ rị ahụa ọgụn shi elu, ọ nọ hụn a nị wẹ rị nnụ-uku ọgụn-mmisẹn (300,000) k'a s'ẹka lụ agha, mazị gi obo lẹ akpaịn lụ agha.

Azaya 37:29

Makẹ olulu hụ ị rị e buni m lẹ ihiẹn ile i gi e kukarị enwẹn i, hụn ru m ntịn, m jẹnkọ d'e kọn ukpo m ye i imi, a kwa m'ị ngan ọnụ, e mẹ m'i gha ụzọ ị gha bịa kin azụụn.

Azaya 43:17

Osolobuẹ hụn mẹ ụgbọ-ẹshin lẹ ẹshin ndị ahụn chụrụ wẹ, hụn mẹ ndị-agha hụ lẹ ndị ile wẹ gi dọn ẹnya chụrụ wẹ, hụn bu wẹ gbama alị imẹ okẹn-ohimin ahụn, elihikọzị wẹ — wẹ nọ tinyụn, tinyụnchanrịn kẹ ukpẹ-ẹka —

Jerimaya 46:9

“Ẹshin-agha, zụnban nị ọgbọ-agha! Ndị ụgbọ-anyịnyan, nyin ni ọnwụn-ọnwụn! Ndị odogun-agha, wẹ shi ihun — ndị Kushi lẹ Putu rịn'a hụn e bu akpaịn lẹ ndị Ludu hụn a gba ụta!

Izikẹlụ 23:12

Ya nwẹn nọzịkwọ gbasọnmẹ ndị Asiria: kẹ ndị-isi wẹ kẹ ndị ndu-agha wẹ kẹ ndị-odogun agha wẹ, wẹ lẹ ekikẹn wẹ rigbu enwẹn ẹ mma, ndị e nyinni alị Asiria ẹshin, ikorọbịa Asiria pu mma.

Izikẹlụ 29:4

Kanị m k'e bu ukpo che i agban, e mẹ m azụn rị Iyi Naịlị ị hụ kụnrụnsọnmẹ i okpukpu. A gha m imẹ Iyi Naịlị hụ dọkpụnpụha ị, yụ lẹ azụn Naịlị hụ ile kụnrụn ị okpukpu;

Izikẹlụ 38:15

I k'a ghakwọrị alị ị ebẹhụ kachanrịn e te ẹbamịn-ugu bịa, yụ lẹ alị bu ọda yụ lẹ wẹ jẹnkọ d'a wị; wẹ ile k'e nyinhẹn ẹshin agha. O k'a wụ igwerigwe ịhịan, ndị-agha bugbu enwẹn wẹ ọda.

Izikẹlụ 38:3

sị, ‘Osolobuẹ Nwọn Ihiẹn Ile sị: eze-kanị hụn a kị alị-eze Mẹshẹki lẹ alị-eze Tubalụ, mmẹ lẹ yụ rọ!

Izikẹlụ 39:2

M k'e sehutọ ị, gha alị hụ tegbu enwẹn ẹ rị ẹbamịn-ugu dọkpụnhan ị ugu ndị rị alị Izrẹlụ d'a lụsọn wẹ agha.

Izikẹlụ 39:20

Ụnụ sikọ d'e ri anụ m k'e buye ụnụ rijun ẹfọ: anụ ẹshin lẹ ndị e nyinni wẹ lẹ anụ ndị odogun-agha lẹ ndị agha ile.’ Ya kẹ Osolobuẹ Nwọn Ihiẹn Ile ku.

Daniẹlụ 11:40

“O ru ogẹn njẹndemẹ, eze alị rị ẹbamịn-ndịdan k'e buli d'a lụsọn ẹ agha, kanị eze alị rị ẹbamịn-ugu nkẹ k'e kpọnrin igunrun ụgbọ-ẹshin lẹ ndị-agha e gi ẹshin a lụ lẹ ụgbọ-mirin zụnburu ẹ, tikpọkọ alị bu ọda nọkẹ okẹn mirin rị e huni.

Emọsụ 4:2

Di-nwọnni-ẹnyi wụ Osolobuẹ, e kungụọ ihiẹn ile o gi rị nsọ, “Eje-ogẹn lalanị ụnụ: ogẹn wẹ k'e gi ukpo kọnrin ụnụ wepụ, gi ukpo azụn kọnrinchanrịn ụnụ ile.