Izikẹlụ 3:12 - Ika

¹² Ya kẹ Mmọn Osolobuẹ nọ buli m elu, m nọ nụ ụzụn ibe azụụn m, ụzụn ahụn nọ kẹ ụzụn okẹn mirin. Ọghọ ahụn m hụn Osolobuẹ gi pụha ebẹhụ a pụkakwọ ichẹn!

Izikẹlụ 3:12 ပူးပေါင်းရင်းမြစ်များ

Ndị-nze Nke Ibuzọ 18:12

Bụ amarịn m ebe Mmọn Osolobuẹ jẹnkọ d'e we i shi hụn m gihụ la ị tọ. M jẹn nwan d'a gwa Ehabụ, ọ bịa bụ ọ hụnn'ị, o gbu m — bụ Osolobuẹ kẹ mmẹ wụ odibo i e fe gha alị lala.

Ndị-nze Nke Ẹbụọ 2:16

Wẹ nọ sị a, “Lee ẹ, ẹnyi ndị idibo i nwọn mmadụ iri kwasị ọgụnnaị ka-ẹhụ ọhụnma-ọhụnma. Dodo, nị wẹ jẹnlele d'a chọ di-nwọnni i. Ikẹnkwọ Mmọn Osolobuẹ e burugụọ a, butọ enu ugu mọbụ imẹ ọdanmgbugbu.” Ọ nọ sị wẹ, “Mba; ezilẹ ni wẹ.”

Ẹbụ-ọma 148:2

Ndị mmọn-ozi ẹ ile, ja n'a mma! Ihiẹn ile rị okpuru ẹ, ja n'a mma!

Ẹbụ-ọma 26:8

Euu Osolobuẹ, Ụlọ ahụn i bi a sụọka m — ebẹhụ ọghọ ị rị.

Azaya 6:3

Wẹ hụ e yi, a sị ibe wẹ, “Nsọ! Nsọ!! Nsọ!! Osolobuẹ Ihiẹn Ile rị okpuru ẹ rị nsọ! Ọghọ a jun ụwa ile!”

Izikẹlụ 10:4

Ya kẹ ọghọ Osolobuẹ nọ gha elu ndị chẹrobu hụ buli d'a nọdị ọnụmụzọ wẹ gha a pụ Ụlọ-nsọ. Orukpu e jun imẹ Ụlọ-nsọ, ọghọ Osolobuẹ gi pụha nọ nwungbarị ezi-ọgwa ụlọ-nsọ lekẹ ukpẹ.

Izikẹlụ 11:1

Mmọn-nsọ nọ bushi m elu, buhẹ m ọnụ-mgbọn rị ẹbamịn ọwụwa-ẹnyanwụn Ụlọ-Osolobuẹ. Ikẹnnyẹ isẹn-kwasị-ọgụn hụ ebẹhụ wẹ gha a banye ọnụ-mgbọn hụ. M nọ hụn Ja-azanịa nwa Azuru lẹ Pẹlatịa nwa Bẹnaya imẹ wẹ. Madụ ẹbụbụọnị rị ndị-isi alị.

Izikẹlụ 2:2

Hụn ahụn ọ rị e ku oku, Mmọn Osolobuẹ nọ ban imẹ m, weli m elu; m nọ nụ ihiẹn ọ rị a gwa m.

Izikẹlụ 3:11

y'e buru ndị nke ụnụ rị imẹ ndị wẹ kpụnhan alịnị d'a gwa wẹ oku. Sị wẹ, ‘Lee ni ihiẹn Osolobuẹ nwọn ihiẹn ile ku.’ Kẹ wẹ gọn ntịn kẹ egọnni wẹ.”

Izikẹlụ 3:14

Mmọn-Osolobuẹ nọ buli m elu, weri m, mmẹ lẹ ẹfọ rịlẹni a sụọ m ụsụọ lẹ olulu jun m obi; ẹka Osolobuẹ kwọndọn m ọda-ọda.

Izikẹlụ 43:4

Ọghọ Osolobuẹ nọ gha ọnụ-mgbọn bu ihun zinmẹ ẹbamịn ọwụwa-ẹnyanwụn banhan ụlọ-nsọ.

Izikẹlụ 43:5

Ya kẹ Mmọn Osolobuẹ nọ buli m elu, weban m ezi-ọgwa rị imẹ, m nọ hụn nị ọghọ Osolobuẹ jun imẹ Ụlọ-NSỌ.

Izikẹlụ 8:3

Ọ nọ tịnpụ ihiẹn nọ kẹ ẹka, dọdọn m ntutu, mmọn Chuku nọ dọrị m ẹrịra shi imẹ elu, we m shi Jerusalẹm, imẹ ọhụn hụ gha ẹka Osolobuẹ bịa. Ọ nọ we m shi Ụlọ-nsọ, ẹhụ ọnụ-ụgba hụ rị ẹbamịn-ugu hụn wẹ gha a banye ihun-ezi rị imẹ-imẹ Ụlọ-nsọ — ebe wẹ kpụtọ mmọn ahụn wẹ gi kpasu Osolobuẹ iwe, hụn ẹnya gi rị a fụ Osolobuẹ.

Izikẹlụ 9:3

Ya kẹ ọghọ Chuku Izrẹlụ nọ gha ebe o te rị elu chẹrobu ẹbụbụọ ahụn imẹ-imẹ Ụlọ-nsọ buli elu d'a nọdị ọnụ-mgbọn Ụlọ-nsọ. Osolobuẹ nọ hị okẹnnyẹ ahụn yi ẹkwa-linẹni, hụn bu ihiẹn wẹ gi e de ihiẹn ukun.

Ọrụn Ndị-ozi 2:2

Idẹnmizi, ụzụn nọ kẹ okẹn ufere rị a kpọnị nọ gha elu-igwee bịa, jun mmụlọ wẹ nọdị.

Ọrụn Ndị-ozi 8:39

Ogẹn wẹ gi gha imẹ mirin pụha, idẹnmizi, Mmọn-nsọ Di-nwọnni-ẹnyi nọ jụrụ Filipu; okẹn-okporo hụ ahụnzịn'a, ya okẹn-okporo hụ nọ gi ịghọghọ jẹnmẹ ebe o jẹnkọ.

Rẹvẹleshọnụ 1:10

O ru ụhụọhịn ohu, Ụhụọhịn Di-nwọnni-ẹnyi, ebe m rị imẹ-mmọn, m nọ nụ okẹn olu nọ kẹ opi azụụn m.

Rẹvẹleshọnụ 1:15

ụkụ-alị a nọ kẹ igwe-bronzu wẹ finchan ọhụnma-ọhụnma, e gbuke nọkẹ sị wẹ gi ọkụn dụnchanpụ unyin rịn'a; olu ẹ hụzị a han kẹ okẹn mirin rị e huni.

Rẹvẹleshọnụ 19:6

Ya m nọ nụ okẹn olu hụn nọ kẹ olu igunrun hi-ogbe, nọkẹ nke okẹn mirin rị e huni, okẹn akpara, ọ hụ a sị, “Ịja-mma ya rịnị Osolobuẹ — makẹni Di-nwọnni-ẹnyi wụ Osolobuẹ ẹnyi, onyẹ hụn nwọn ikẹn ile, rị a kị!