Izikẹlụ 26:8 - Ika

⁸ O k'e gi ọpịa-agha gbupụ ndị bisọnmẹ ụmụ-alị Taya rị mkpẹnrẹn ohimin; o k'e kehunmẹ i, a tụnnị wẹ i mkpọnyin hụ wẹ nọ a lụsọn alị nwọn mgbọn agha, nyinrin ẹ lụsọn i agha, e dọngbama akpaịn wẹ nọkẹ okpukpu ụlọ e zinmẹn'i.

Izikẹlụ 26:8 ပူးပေါင်းရင်းမြစ်များ

Samuẹlụ Nke Ẹbụọ 20:15

Ndị-agha ile wẹ lẹ Jụabụ wị nọ bịa d'e kehunmẹ Shẹba ye Ebẹlụ-Bẹt-Maaka. Wẹ nọ rụn mkpọnyin ye mgbọn ibuzọ rị obodo hụ — mkpọnyin w'a nọ a lụsọn obodo nwọn mgbọn agha. Ogẹn wẹ gi rị e gi ihiẹn e ti mgbọn hụ nị wẹ titu ẹ,

Jerimaya 32:24

“Lee kẹ ndị Babilọnụ tụnsọnmẹ mkpọnyin ye mgbọn obodoni, nọ ebẹhụ a lụsọn ẹ agha kẹni wẹ weri ẹ. Y'e gigụọ ọpịa-agha lẹ ụnwụn lẹ eje-emu mẹ obodoni ban ẹka ndị Babilọnụnị rị a lụsọn ẹ agha. Ihiẹn nwẹn i ku e mẹgụọ kẹ ị dọn nwan rị a hụn a.

Jerimaya 52:4

Nke akpọhịn iri imẹ ifọn nke iri imẹ ahụa nke itenẹi Zẹdikaya kịma, Nebukadineza wụ eze Babilọnụ nọ kịha ndị-agha a ile d'a maye Jerusalẹm ọgụn. Nebukadineza wẹ nọ kehunmẹ obodo hụ, tụn ihiẹn wẹ gi e kehunmẹ obodo yesọnmẹ mgbọn ẹ.

Jerimaya 6:6

Lee ihiẹn Osolobuẹ ihiẹn ile rị okpuru ẹ ku, “Gbutusọnmẹ ni osisi ndị rị ụsụọ obodo Jerusalẹm gi rụnrụn mkpọnyin ndị kehunmẹ obodo nwọn mgbọn a nọ a lụ a agha. Wẹ k'e yerịrị obodoni afụnfụn — makẹni mmẹgbu-mmẹgbu jun imẹ ẹ.

Izikẹlụ 21:22

Utẹn k'a sị Jerusalẹm rọ, y'a jẹn d'a lụsọn ẹ agha. Wẹ k'a tụnnị Jerusalẹm ihiẹn wẹ gi e tikpọ mgbọn, sị wẹ tikpọ a. Wẹ k'e yi oro agha maye ẹ. Wẹ k'e bu ihiẹn ndị hụ wẹ gi e tikpọ mgbọn che ọnụ-mgbọn ndị rịn'a. Wẹ k'a tụn mkpọnyin lẹ ihiẹn ndị ọzọ w'a nọ a lụsọn alị wẹ tụnhunmẹ mgbọn agha.

Izikẹlụ 26:6

Ọpịa-agha k'e ri ụmụ-alị rị okpuru Taya ndị rị mkpẹnrẹn ohimin hụ. Ogẹn ahụn kẹ w'e gi marịn nị mmẹ wụ Osolobuẹ.

Izikẹlụ 26:9

O k'e gi ihiẹn o gi a kụtu mgbọn kụtu mgbọn i, gi ihiẹn-ọgụn a tikpọ ebe ile zeni i gi dọn ẹnya.

Habakọkụ 1:10

Onwọnni ihiẹn w'a kpọ ndị-nze alị ọwụlẹ, w'a mụdẹ ndị-ọkịkị lẹ okẹn mgbọn wẹ ile ẹmụ, wẹ dụọlẹ ẹjan ye mgbọn hụ, ọ ban wẹ ẹka;

Luku 19:43

Ogẹn lala, hụn ndị iṅẹnrẹn i jẹnkọ d'e gi kehunmẹchanrịn ị, gha azụụn ile zụnbanhan imẹ i.