Izikẹlụ 24:9 - Ika

⁹ Lee nwan ihiẹn Osolobuẹ Nwọn Ihiẹn Ile ku: Nsọngbu lalanị alị hụn e gbu ọchụn! Mmẹ nwẹn k'e kpọn nkụn w'e gi kpọ a ọkụn jun.

Izikẹlụ 24:9 ပူးပေါင်းရင်းမြစ်များ

Azaya 30:33

O tekẹmẹkẹ wẹ kwademẹ Tofẹtị ebe wẹ nọ a dụn ihiẹn ọkụn; a kwademẹgụọ w'a tọnị eze. E mẹgụọ wẹ mgbugbu ọkụn a miwaye, shịawaye, ọkụn lẹ nkụn e jun ẹ; umẹrẹn Osolobuẹ hụn rị e hupụha lekẹ nsịn-ẹnyanwụn rị e nwun ọkụn, e d'a mụ ọkụn ye ẹ.

Azaya 31:9

Ọmụma Asiria k'e gi egun la, Ndị ọkị-agha a k'e gi egun gbapụ, hụn wẹ gihụ hụn ahịma-agha eṅẹnrẹn.” Ịya kẹ Osolobuẹ ku, Osolobuẹ hụn ọkụn a rị Zayọnụ; Onyẹ hụn ẹnya-ọkụn a rị Jerusalẹm.

Izikẹlụ 21:2

“Nwa-ịhịan, bu ihun zinmẹ Jerusalẹm, ku ihiẹn k'e mẹ ebe ile rịn'a wẹ nọ e fe ofufe; bu amụma ihiẹn k'e mẹ alị Izrẹlụ.

Izikẹlụ 21:3

Sị alị Izrẹlụ, ‘Osolobuẹ sị: Lee ẹ, mmẹ lẹ yụ rọ! M k'e sepụha ọpịa-agha m imẹ ọbụọ a, gbupụ kẹ ndị ezi-omumẹ kẹ ndị-ejẹ rịn'a!

Izikẹlụ 22:2

“Nwa-ịhịan, y'a makọ a ikpe? Y'a makọ obodoni wẹ nọ e gbu ịhịan ikpe?! Gwapụchanrịn wẹ nwan arụ ile wẹ rị e mẹ imẹ ẹ.

Izikẹlụ 22:31

Ya kẹ m nọ nwan hu olulu m kpu wẹ kẹ mirin, gi ọnụma m hụn a dụn kẹ ọkụn tikpọ wẹ la iwi; e mẹgụọ m wẹ gi isi wẹ buru ihiẹn ile wẹ mẹ. Ya kẹ Osolobuẹ Nwọn Ikẹn Ile ku.”

Izikẹlụ 24:10

Kpacheni nwan nkụn ahụn, y'e bi ọkụn y'ẹ. Shi anụ ahụn ọhụnma, gi ihiẹn e mẹ anụ a sụọ ụsụọ gwọ a. Shi ẹ nị mirin ẹ tahịchanrịn kẹni ọkpụkpụ ndị hụ rẹnhin.

Izikẹlụ 24:5

atụnrụn ị kachanrịn mma k'i k'e werikwọ. Nu nkụn ye ẹ — i kpọngụ ọkpụkpụ ndị hụ che alị ite. Shi ẹ n'ọ gbọ-gbọ-gbọ d'e ru ni ya lẹ ọkpụkpụ ndị hụ e ghegụ.

Izikẹlụ 24:6

“ ‘Lee nwan ihiẹn Osolobuẹ Nwọn Ihiẹn ile gi ẹ e ku: Nsọngbu lalanị alịnị e gbu ọchụn, iteni tụgụ ẹnwụnrụn, ẹnwụnrụn hụn jụ n'ọ pụkọ! Gụpụha ọkpụrụkpụ-anụ ndị hụ ohu-ohu, ahọkwọlẹ wẹ ahọ.

Nahum 3:1

Nke i a gụgụọ, obodo Ninivẹ, izighẹ! Ntụ lẹ ihiẹn ị kwanarịn ndị ọzọ jun ụzọ ile! Y'a nọ onwọnni onyẹ i bu nụmanị!

Habakọkụ 2:12

O k'a jọ ị njọ, ịyụ hụn gi igbu-ọchụn a tụn obodo, onyẹ gi mmẹgbu e pumẹ obodo!

Ndị Tẹsalonika Nke Ẹbụọ 1:8

Wẹ k'e gi ọkụn rị e nwunni bịa; wẹ k'e mẹgwarị wẹ ile marịnlẹni Osolobuẹ lẹ ndị hụn mẹlẹni ihiẹn oziọma Di-nwọnni-ẹnyi Jesu ku,

Judu 1:7

Ẹrịra kẹ ndị Sodọm lẹ Gomora lẹ obodo ndị nọkunmẹni wẹ mẹzi, bu enwẹn wẹ che ughẹrẹ lẹ ihiẹn-ụrụ, ya wẹ nọ narịn afụnfụn ọkụn-itẹbitẹ. Wẹ nọ wụrụ ihiẹn wẹ gi a gba ịhịan mkpịnsịn-ẹka ẹnya.

Rẹvẹleshọnụ 14:20

Ẹlẹ imẹ obodo kẹ wẹ nọ zọkpọ wẹ. Ẹdeke hụ a gha ebẹhụ e hupụha lekẹ iyi, iyi k'e ru ịhịan isi-uvun; o husọnmẹ d'e ru maịlị isin kwasị ọgụn-itenẹi gbegbegbe!

Rẹvẹleshọnụ 16:19

Ya kẹ obodo uku hụ nọ kebe ụzọ ẹtọ; obodo shịa ẹfọ rịsọnmẹ alị ile nọ tikpọchanrịn. Osolobuẹ a nyanhan Babilọnụ uku hụ, we mkpu hụ iwe-lẹ-ọnụma a rị ye ẹ ra kẹ manya.

Rẹvẹleshọnụ 16:6

Makẹni ẹdeke ndị-nsọ lẹ ndị-amụma rị wẹ ẹka, y'e yegụọ wẹ ẹdeke ra! Ihiẹn wẹ chọ kẹ wẹ rị nwan a hụn!”

Rẹvẹleshọnụ 21:8

“Kanị, ndị ụjọ lẹ ndị-ghẹrẹghẹrẹ lẹ ndị rụnị; ndị-izighẹ lẹ ndị ughẹrẹ; ndị ile a gwọ eje-ọgụn; ndị a rụa mmọn lẹ ndị-ntụ ile — wẹ ile shikọ d'a rị odiyiri ọkụn lẹ nsịn-ẹnyanwụn hụ, hụn wụ ọnwụn nke mgbe ẹbụọ.”