Izikẹlụ 22:7 - Ika

⁷ Nẹdi lẹ nnẹ hụ a na mkpari imẹ i; wẹ hụ e mẹgbu abịamabịa imẹ i, e mẹja ndị nwọnlẹni nẹdi lẹ ikpoho di wẹ nwụn.

Izikẹlụ 22:7 ပူးပေါင်းရင်းမြစ်များ

Ditrọnọmi 27:16

“Ịbụ-ọnụ ya rịnị onyẹ ghalẹni a gbaye nẹdi ẹ mọbụ nnẹ ẹ.” Wẹ kugụ a, ịhịan ile sị, “Isẹẹ!”

Malakaị 3:5

M k'a nọzụnhan d'e kin ụnụ ikpe, a shịagbu m ndị e gi ikẹn ọzọ a rụn ẹri, elekọ m ẹnya azụụn, wẹ lẹ ndị di lẹ nwunyẹ ẹnya wẹ rị ogbe lẹ ndị a shịa ẹri ntụ lẹ ndị e ri ụgwọ-ọrụn ndị wẹ we ọrụn; ndị e mẹgbu ikpoho di wẹ nwụn lẹ ndị e mẹgbu ndị nwọnlẹni nẹdi lẹ ndị e nupụ abịamabịa — ndị ile ghalẹni a gbaye m. Ịya kẹ Osolobuẹ Ihiẹn ile rị okpuru ẹ ku.

Zẹkaraya 7:10

abịangbulẹ ni ikpoho di wẹ nwụn, ndị nwọnlẹni nẹdi, abịamabịa lẹ ndị igbẹnnyẹ; amamalẹ ni ni ibe ụnụ eje-ihiẹn.”

Jerimaya 7:6

ụnụ a bịangbubehi abịamabịa bi alị ụnụ lẹ ụmụ nwọnlẹni nẹdi lẹ ikpoho di nwụnnahịn, gbubehi ndị nwọnlẹni ihiẹn wẹ mẹ ụnụ alịnị, sọnbehi mmọn-lẹ-iyi ndị ahụn ụnụ rị e sọn rị a na ụnụ isi,

Lẹvitikọsụ 20:9

Onyẹ kpọ nẹdi ẹ mọbụ nnẹ ẹ iyi, wẹ k'e gburịrị a. Ọ kpọgụọ nẹdi ẹ mọbụ nnẹ ẹ iyi, ẹdeke ẹ rị a isi.

Makị 7:10

Mozizi sị, ‘Gbaye nẹdi i lẹ nnẹ i’, sịzị, ‘Onyẹ kpari nẹdi ẹ mọbụ nnẹ ẹ, wẹ k'e gburịrị a.’

Izikẹlụ 22:29

“Ndị alị hụ a bịangbu ịhịan ọbịangbu-ọbịangbu, a narịn ịhịan ihiẹn ẹ; wẹ hụ e mẹgbu ndị igbẹnnyẹ lẹ ndị elu rị a fụ, a bịangbu abịamabịa, a narịn wẹ ihiẹn runi wẹ.

Izikẹlụ 18:12

omẹni ọ bịangbu ndị igbẹnnyẹ lẹ ndị elu rị a fụ; omẹni o zun ohin; omẹni ara wekinni ịhịan ihiẹn wẹ gi gbama ibe ẹka a; omẹni o fe mmọn, e mẹ arụ;

Itẹn 30:17

“Ẹnya hụn a mụ nẹdi ẹ ẹmụ, e legberi oku nnẹ ẹ, nnụnụ rị ọdanmgbugbu k'a gụpụha a, ụmụ udele e ri ẹ.

Itẹn 30:11

O nwọnghọ ndị a kpọ nẹdi wẹ iyi, agbọ ghalẹni a gwa nnẹ wẹ oku rị mma.

Itẹn 20:20

Onyẹ kpari nẹdi mọbụ nnẹ ẹ, ukpẹ ẹ k'e tinyụnnahịn a imẹ ẹkpa-ishi.

Ditrọnọmi 27:19

“Ịbụ-ọnụ ya rịnị onyẹ k'a napụ ndị abịamabịa, ndị nwọnlẹni nẹdi lẹ nnẹ lẹ ikpoho di wẹ nwụnhụn ihiẹn runi wẹ.” Ịhịan ile sị, “Isẹẹ!”

Ditrọnọmi 5:16

“Gbaye nẹdi i lẹ nnẹ i, kẹ Osolobuẹ wụ Chuku ụnụ dọn gwa ụnụ, n'ị hụn ụzọ tọ lẹ n'ọ hụn ụzọ masịn'ị imẹ alị ahụn Osolobuẹ wụ Chuku ụnụ rị e ye ụnụ.

Ọpụpụ 21:17

“Onyẹ kpọ nẹdi ẹ mọbụ nnẹ ẹ iyi, wẹ k'e gburịrị a.

Ọpụpụ 20:12

“Gbaye nẹdi i lẹ nnẹ i, kẹn'i tọ imẹ anị ahụn Osolobuẹ wụ Chuku i rị e ye i.

Ọpụpụ 23:9

“Abịangbukwọlẹ abịamabịa; ụnụ lẹ enwẹn ọnụ a marịnghọ k'ọ rị abịamabịa, makẹni ụnụ te wụ abịamabịa imẹ alị Ijiptu.

Ditrọnọmi 24:17

Anapụkwọlẹ ni abịamabịa mọbụ nwa nwọnlẹni nẹdi ihiẹn run'ẹ, mọbụ kịnarịn okpoho di ẹ nwụn ẹwuru ẹ gi fieri ụgwọ.

Azaya 1:23

Ndị-ọkịkị ị wụ ndị nnupụ-isi, uwẹ lẹ ndị ohin gba a wị; egho-azụụn a sụọ wẹ ile a sụọ; w'a chọsọnmẹ onyẹ k'e ye wẹ ihiẹn. W'a ra kuni ndị nwọnlẹni nẹdi ọnụ wẹ; w'a ra buchedẹ ẹnya oku ikpoho di wẹ nwụn.

Izikẹlụ 22:25

“Ndị-amụma rịn'a a kịgbamagụọ, e mẹ kẹ ẹwọrọ rị e dẹnni, a dọrinrin anụ o gbu; wẹ hụ e gbu ịhịan; wẹ hụ e buru ihiẹn rị mma lẹ ihiẹn rị mkpa; wẹ hụ e gbunarịn ikpoho bu ọda rịn'a di wẹ.

Ẹbụ-ọma 94:5

Osolobuẹ, wẹ rị a zọpịpịa ndị nke i, a bịangbu ndị hụn wụ ukuu i.

Ẹbụ-ọma 94:6

Wẹ e gbu ikpoho di wẹ nwụn lẹ abịamabịa; e gbu ndị nwọnlẹni nẹdi;

Azaya 1:17

Mụnị kẹ wẹ dọn e mẹ ihiẹn rị mma! A kwadọn ni ezigbo eṅẹn, e yeni ni ndị wẹ rị e mẹgbu ẹka. A nọ nị ndị nwọnlẹni nẹdi e ye azụụn, e kinni ni ikpoho di wẹ nwụn ọnụ wẹ.