Izikẹlụ 22:4 - Ika

⁴ ikpe a magụọ ị yeni ịhịan i gbu, y'a rụgụọ yeni mmọn ndị hụ ị kpụ. Y'e wezụnhangụọ ogẹn i; ogẹn i e rugụọ. E mẹgụọ m'ị wụrụ ihiẹn alị ndị ọzọ a mụ ẹmụ, ihiẹn alị ile a mụ ẹmụ.

Izikẹlụ 22:4 ပူးပေါင်းရင်းမြစ်များ

Ndị-nze Nke Ibuzọ 9:7

ya wụ nị m k'e wepụ ndị Izrẹlụ imẹ alị m ye wẹ, a jụ m Ụlọ-nsọnị m dọngụ nsọ m gi e ye Ẹfan m ọghọ. Ogẹn ahụn, Izrẹlụ e họnrin eje-ihiẹn wẹ gi e lu ilu lẹ ihiẹn-ẹmụ ebe ndị alị ndị ọzọ rị.

Ndị-nze Nke Ẹbụọ 21:16

Manasẹ e gbuzighọ ndị bu ọda nwọnlẹni ihiẹn wẹ mẹ, nke wụnị ẹdeke wẹ e jun Jerusalẹm, gha isini d'e ru isini, cheni njọ hụn ọ dọ Juda ye imẹ ẹ, nke wụnị e mẹ wẹ eje-ihiẹn ẹnya Osolobuẹ.

Ihiẹn Mẹni Nke Ẹbụọ 7:20

ya wụ nị m k'e huepụ Izrẹlụ alị m nị m ye wẹ; a jụ m Ụlọ-nsọnị m dọngụ nwan nsọ makẹ Ẹfan m. E mẹ m'ẹ ihiẹn ndị alị ndị ọzọ gi a ta ịta-ẹmụ lẹ ihiẹn wẹ e legberi.

Ẹbụ-ọma 79:4

Alị ndị nọkunmẹni ẹnyi e d'a mụgbu ẹnyi; ndị fihunmẹni ẹnyi hụ a kọ ẹnyi ọnụ, e woo ẹnyi!

Jerimaya 18:16

Alị wẹ jẹnkọ nwan d'a gba okpokoro, wụrụ ihiẹn w'a mụ ẹmụ jẹnrin ejẹn; onyẹ ghafe, o be ọrịọ, finfin isi.

Jerimaya 24:9

M k'e gi wẹ họnrin ihiẹn a tụ egun lẹ ihiẹn jọgbu enwẹn ẹ ẹnya ndị alị ile rị elu ụwa. Ebe ọwụlẹ m k'a chụshi wẹ, wẹ k'a wụrụ ihiẹn-ifẹnrẹn lẹ ihiẹn wẹ gi e ku oku, ihiẹn wẹ gi a kpa ẹmụ lẹ ihiẹn wẹ gi a bụ ọnụ.

Jerimaya 44:8

Kị ụnụ rịzị nwan e gini ihiẹn ụnụ gi ẹka ụnụ mẹmẹ a kpasu m iwe? A mụye nsẹnsi e gi a rụa mmọn-lẹ-iyi rị alị Ijiptu ụnụ bịa d'e biri. Ụnụ jẹnkọ tan d'e gi ẹ tikpọ enwẹn ụnụ. Ogẹn ahụn, ụnụ e họnrin ihiẹn wẹ gi a bụ ọnụ lẹ ihiẹn-ifẹnrẹn ẹnya ndị alị ndị ọzọ ile rị elu-ụwa.

Izikẹlụ 16:57

mgbe eje-omumẹ i kelẹni wa? Alị Aram lẹ ụmụ-alị a rị nwan a mụ ị ẹmụ, wẹ lẹ ụmụ-alị Filistia e we iwe i, wẹ ile hụn nọhunmẹn'i rị nwan a mụ ị ẹmụ.

Izikẹlụ 21:28

“Yụ nwẹn, nwa-ịhịan, bu amụma, sị: Lee ihiẹn Osolobuẹ Nwọn Ihiẹn Ile ku banyeni ndị Amọnụ lẹ ụya lalanịnị wẹ!! Sị wẹ nwan, ‘Ọpịa-agha, ọpịa-agha! E sepụhagụọ wẹ ọpịa-agha w'e k'e gi gbu ụnụ; e finchangụọ w'a ọhụnma-ọhụnma, ọ hụ e be nwaịn-nwaịn nọkẹ amụma,

Izikẹlụ 22:2

“Nwa-ịhịan, y'a makọ a ikpe? Y'a makọ obodoni wẹ nọ e gbu ịhịan ikpe?! Gwapụchanrịn wẹ nwan arụ ile wẹ rị e mẹ imẹ ẹ.

Izikẹlụ 23:32

“Osolobuẹ nwọn ihiẹn ile sị: Ị k'a ra mkpu manya nwẹnẹ i ra, mkpu ahụn shịanị, mi; o k'e buhẹni i nsọngbu lẹ ịfa, makẹni ihiẹn rị a ọhụnma-ọhụnma.

Izikẹlụ 23:7

O we ẹhụ a yechanrịn wẹ: ụmụ Asiria ndị hụ rịgbu enwẹn wẹ mma, gi wẹ ile ọ rị a gbasọn lẹ mmọn wẹ mẹrụ enwẹn ẹ.

Izikẹlụ 24:7

Makẹni ẹdeke ndị o gbu rị imẹ ẹ: elu ọmụma ihiẹn ọwụlẹ rịlẹni k'o huye ẹ, o huyen'ẹ akpakalị nị ẹjan kpumẹ ẹ.

Izikẹlụ 24:8

Igi kpasu ọnụma m lẹ mmẹgwarị, a lagụọ m ẹdeke hụ tọ ẹrịra elu ọmụma hụ, makẹ ihiẹn gha e kpumẹ ẹ.

Izikẹlụ 36:15

Emẹkọzị m ụnụ a narịn mkpari ẹka alị ndị ọzọ, alị ndị ọzọ elegberikọzị ụnụ; ụnụ emẹkọzị ndị alị ụnụ dan. Ya kẹ Osolobuẹ nwọn ihiẹn Ile ku.”

Daniẹlụ 9:16

Euu Osolobuẹ, gi ufiri ezi-omumẹ i mẹ nwan kẹ i dọn e mẹ — y'a latọ olulu lẹ ọnụma i gi nwan rị e sọn Jerusalẹm, hụn wụ obodo i, ugu nsọ ị, makẹni njọ ẹnyi lẹ ụrụ ndị nẹdi ẹnyi e mẹgụọ Jerusalẹm lẹ ndị nke i wụrụ ihiẹn ndị nọkunmẹni ẹnyi gi a mụ ẹmụ.”

Lẹvitikọsụ 26:32

Ẹghẹẹ, mmẹ lẹ enwẹn m k'e tikpọ alị ụnụ la iwi, nke wụ nị ndị iṅẹnrẹn ụnụ hụn k'a bịa d'e biri ebẹhụ hụngụ k'ọ nọ, a jụsọhị wẹ.

Ọgụngụn 32:14

“Lee nwan ụnụ, agbọ ndị-njọ! Ụnụ a nọkingụọ ẹnya ndị nẹdi ụnụ, e mẹ ihiẹn ize Izrẹlụ e gi zekarịdẹ Osolobuẹ k'o zehan a mbụ!

Ditrọnọmi 28:37

Ụnụ k'a wụrụ ihiẹn w'e beni ọrịọ lẹ ihiẹn-ẹmụ imẹ igunrun ndị alị ile Osolobuẹ k'a chụshi ụnụ.

Ditrọnọmi 29:24

Ndị alị ile rị ụwa k'a rị a jụ, “Kị Osolobuẹ mẹni alịnị ihiẹnni?! Kị buhẹ okẹn-ọnụmanị a dụn kẹ ọkụn?!”

Ndị Tẹsalonika Ibuzọ 2:16

e gbọndọn ẹnyi ezilẹ ndị alị ọzọ ozi wẹ k'e gi nwọn nzụọpụha! Ẹrịra kẹ w'e mẹ ogẹn ile hụn wẹ gi e mẹjun mkpu njọ wẹ ile. Kanị, iwe-lẹ-ọnụma Osolobuẹ e kunrungụọ wẹ nwan ikpanzụụnnị.