Izikẹlụ 2:3 - Ika

³ Ọ sị m, “Nwa-ịhịan, m zikọ ị d'e kunrun ndị Izrẹlụ, alị nnupụ-isi hụ, hụn rị e feni m isi; wẹ hụ a pa oku m d'e ru tannị kẹ ndị nẹdi wẹ dọn mẹ.

Izikẹlụ 2:3 ပူးပေါင်းရင်းမြစ်များ

Ndị-nze Nke Ẹbụọ 17:14

Kanị Izrẹlụ Ẹbamịn ugu lẹ Juda egọnni ntịn; e busọnmẹ wẹ isi-ikẹn nọkẹ ndị nẹdi wẹ, hụn gilẹni Osolobuẹ wụ Chuku wẹ dọn ẹnya.

Ndị-nze Nke Ẹbụọ 17:15

A jụ wẹ uhi ẹ lẹ Iwu o gi kwọngbama enwẹn ẹ lẹ ndị nẹdi wẹ, jụ mkpịnsịn-ẹka ọ gbasọnmẹ wẹ. E sọnmẹ wẹ mmọn-lẹ-iyi la iwi, wẹ nwẹn nọ wụrụ ihiẹn la iwi. E lerisọnmẹ wẹ alị ndị ọzọ nọhunmẹni wẹ — bụ Osolobuẹ e te sịgụọ wẹ, “Emẹkwọlẹ ni kẹ w'e mẹ.”

Ẹzra 9:7

Gha ogẹn ndị nẹdi ẹnyi wẹ d'e ru tannị ikpe eje-ihiẹn ẹnyi rị e mẹ hụ a ma ẹnyi ọda-ọda. Njọ ẹnyi haịn agha gi e gbu ẹnyi lẹ ndị-nze ẹnyi lẹ ndị nchụn-ẹjan ẹnyi; ịya haịn wẹ gi a nwụnrụn ẹnyi, a kwarị ihiẹn ẹnyi, ẹnyi hụ e ri ụya ẹka ndị-nze alị ndị ọzọ k'o dọn nwan rị tannị.

Nehemiah 9:26

“Kanị e nupụkwọnị wẹ i isi; e nu wẹ Iwu i ye ụsụọ; e gbu wẹ ndị-amụma ị hụn gwa wẹ njọ wẹ kẹni wẹ gi ẹ rogharị buruhẹz'i; e mẹsọnmẹ wẹ ihiẹn bu ọda wẹ gi kpari i.

Ẹbụ-ọma 106:28

E wezighọ wẹ enwẹn wẹ kwanị mmọn wụ Baalụ alị Pioru, rimẹ anụ wẹ gi chụnyeni ndị-mmọn ẹjan.

Azaya 30:1

“Nsọngbu rị e che ụmụ rị e bu isi-ikẹn.” Ịya kẹ Osolobuẹ ku — “ụmụ rị e mẹ ihiẹn ẹka m rịlẹni; wẹ lẹ ndị ọzọ a kịgbamagụọ bụ ẹlẹ Mmọn m zi wẹ. Wẹ rị e gi ẹ e kpọn njọ a kwasị njọ.

Jerimaya 1:7

Kanị Osolobuẹ nọ sị m, “Asịkwọlẹ, ‘M wụhụ nwata.’ I k'e jẹnrịrị d'e kunrun onyẹ ọwụlẹ m zi i d'e kunrun, ku ihiẹn ọwụlẹ m sị ị ku.

Jerimaya 3:25

Nị ẹnyi gi ifẹnrẹn ihiẹn ẹnyi mẹ dan alị, nị ẹnyi nị ifẹnrẹn ihiẹn ẹnyi mẹ ru ẹnyi ẹhụ. Ẹnyi e mẹgụọ Osolobuẹ wụ Chuku ẹnyi njọ — kẹ ẹnyi kẹ ndị nẹdi ẹnyi; ghakwọrị ebe ẹnyi rị nwata d'e ru tannị, ẹnyi e ara humẹni Osolobuẹ wụ Chuku ẹnyi isi.”

Jerimaya 36:2

“Weri ẹkụkwọ detu ihiẹn ile m gwa ị banyeni alị Izrẹlụ, alị Juda lẹ alị ndị ọzọ ile — gha ogẹn m gi gwama ị oku, ogẹn Josaya gi wụ eze, d'e ru ogẹnni.

Jerimaya 44:20

Ya kẹ Jerimaya nọ sị ndị Juda hụ ile shịarị a oku, kẹ ikẹnnyẹ kẹ ikpoho, ndị Juda ile rị ebẹhụ,

Jerimaya 44:21

“Ụnụ amarịn nị ịya kẹ Osolobuẹ nyanhan mẹ ụnụ ihiẹn? Nị nsẹnsi ile ụnụ lẹ ndị nẹdi ụnụ mụye lẹ hụn ndị-nze ụnụ lẹ ndị-isi ụnụ lẹ ndị alị Juda ile mụye imẹ obodo ndị rị alị Juda lẹ ọgbara-ogbe Jerusalẹm k'ọ nyanhan mẹ ụnụ ya?

Jerimaya 7:2

“Turu ọnụ-mgbọn Ụlọ-nsọ Osolobuẹ, y'a nọ ebẹhụ zi ozini: Ụnụ ndị Juda ile hụn a gha ọnụ-mgbọnni a banye ụlọ-nsọ d'e fe Osolobuẹ, gọn ni ntịn ihiẹn Osolobuẹ ku.

Izikẹlụ 17:12

“Sị nwan ebọnni e nupụ isi: ‘Ụnụ amarịn ihiẹn iluni wụ?’ “Sị wẹ, ‘Eze Babilọnụ jẹn Jerusalẹm, weri eze wẹ lẹ ịhaịmẹ ẹ, we wẹ lashi Babilọnụ.

Izikẹlụ 24:3

“Ta nị ebọn isi-ikẹnni ilu, sị wẹ: Lee ihiẹn Osolobuẹ Nwọn Ihiẹn Ile ku: ọ sị, ‘Dọ ite ye ọkụn; dọ a ye; hu mirin ye imẹ ẹ.

Izikẹlụ 40:4

Okẹnnyẹ hụ nọ sị m, “Nwa-ịhịan, shịapụ ẹnya ị lẹ ntịn ị ọhụnma, y'e bu obi che ihiẹn ile m sikọ d'a ghọsị ị, makẹni ya kẹ wẹ wẹhẹni i ebeni — kẹni i hụn ụzọ gwa Izrẹlụ ihiẹn ile i sikọ d'a hụn.”

Emọsụ 7:15

Osolobuẹ nọ weri m ebe m rị e du anụ, sị m, ‘Jẹnmẹ d'e bumẹni ndị nke m wụ Izrẹlụ amụma.’

Malakaị 3:7

makẹni gha ogẹn ndị nẹdi ụnụ lala kẹ ụnụ latọma iwu m, ụnụ edọnmẹni wẹ. Bihutọ nị nwan ẹka buruhẹ m, kẹni m buruhẹzi ụnụ. Ya kẹ Osolobuẹ ihiẹn ile rị okpuru ẹ ku. “Kanị ụnụ hụ a jụ, ‘Elee ẹka kẹ ẹnyi k'e bihutọ?’

Ọgụngụn 20:10

Ya lẹ Ẹrọnụ nọ kpọkwama wẹ ile ye ihun ọmụma hụ, Mozizi nọ sị wẹ, “Lee n'ẹ, ndị nnupụ-isi, omẹni ẹnyi e wepụhanị nị ụnụ mirin imẹ ọmụmanị, ọzọba rọ?”

Ọrụn Ndị-ozi 7:51

“Ndị isi-ikẹn! Ndị kwalẹni ugun imẹ obi lẹ ntịn! Ogẹn ile kẹ ụnụ gi e gbọndọn Mmọn-nsọ, e mẹ kẹ ndị nẹdi ụnụ!

Ndị Rom 10:15

Nanị w'a dọn ku oku ẹ omẹni e zijẹnni wẹ ndị-ozi? Ya kẹ Ẹkụkwọ-nsọ gi sị nị “Ụkụ ndị wẹhẹ oziọma a rịka mma!”

Ditrọnọmi 9:24

Isi-isi kẹ ụnụ e nupụnị Osolobuẹ kete m'a marịnlẹ ụnụ.

Ditrọnọmi 9:27

Nyanhan idibo i wụ Ebraham, Aziki lẹ Jekọpụ. Fepụ ẹnya isi-ikẹn ndịnị lẹ eje-obibi wẹ lẹ njọ wẹ mẹ.