Izikẹlụ 16:4 - Ika

⁴ “ ‘O mẹ nke ọmụmụ ị — ụhụọhịn wẹ mụ ị, ebeni wẹ i otumẹ, egini wẹ mirin wụ ị, eteni wẹ i nnu kẹ w'e te nwa-ọhụn, afụmanị wẹ i ẹkwa.

Izikẹlụ 16:4 ပူးပေါင်းရင်းမြစ်များ

Jẹnẹsisi 15:13

Osolobuẹ nọ sị Ebram, “Ya we i ẹnya nị ụmụ ị sikọ d'e bi kẹ abịamabịa imẹ alị wụlẹni alị wẹ. Wẹ k'a wụ igbọn ebahụn; wẹ k'a bịangbu wẹ ọrọgbọ ahụa nnụ.

Ẹkwan 2:20

“Euu Osolobuẹ, ledẹ k'ọ rị m! Onyẹ k'i mẹtu ẹnịna? Nị ikpoho e ri ụmụ ẹfọ wẹ, ụmụ wẹ rị e gi ẹka wẹ a zụn? Nị ịhịan e gbu ndị nchụn-ẹjan lẹ ndị-amụma imẹ Ụlọ-nsọ Osolobuẹ?

Ẹkwan 2:22

K'i dọn a kpọ oriri ụhụọhịn mmẹmmẹ nsọ, ẹrịra k'i dọn kpọhanị m ihiẹn-egun d'e fihunmẹ m azụụn ile. Ụhụọhịn hụ Osolobuẹ ghọsị olulu rị a obi, onwọnni onyẹ wanahịnnị mọbụ hụn isi pụha — ndị m lepụ ẹnya, zụn, eṅẹnrẹn m e gbugụọ wẹ.”

Izikẹlụ 16:3

Sị wẹ, ‘Osolobuẹ Nwọn Ihiẹn Ile rị a sị Jerusalẹm: Onyẹ alị Kenaanị k'ị wụ; Kenaanị kẹ wẹ nọzị mụ ị! Nẹdi ị wụ onyẹ alị Amọ; nnẹ ị wụ onyẹ alị Hẹti.

Izikẹlụ 20:13

“Kanị ndị Izrẹlụ nọ pazịkwọ oku m imẹ atụ. Esọnni wẹ uhi m; a jụ wẹ ihiẹn ndị m sị wẹ e mẹ, hụn o mẹni onyẹ dọnmẹ wẹ ọ rị ndụn; e mẹrụ wẹ Ogẹn Ezumikẹn m ile, mẹrụ wẹ ọda-ọda. Ya m nọ sị nị m gi ọnụma sọn wẹ imẹ atụ, tikpọ wẹ.

Izikẹlụ 20:8

“Kanị e nupụnị wẹ m isi, jụ n'e gọnkọ wẹ m ntịn; onwọnni onyẹ kpọnpụ mmọn ndị ahụn rụnị ọ rị e fe, alatọnị wẹ mmọn ndị hụ wẹ rị a rụa alị Ijiptu. Ya m nọ sị nị m gi ọnụma sọn wẹ, gi olulu mẹ wẹ ihiẹn imẹ Ijiptu.

Hosia 2:3

Amamgbe m'a gba a ọtọ, e lee wẹ ọtọ a nọkẹ ụhụọhịn wẹ mụ a; e mẹ m'a gba okpokoro, gi ẹ họnrin alị ọkpọ-nkụn, gi ẹgụn mirin gbu ẹ!

Hosia 2:5

Nnẹ wẹ a gbaọlẹ ịgbaraja; nnẹ mụnị wẹ e mẹọlẹ ihiẹn ifẹnrẹn — o gi sị enwẹn ẹ, ‘M k'a gbasọnmẹ ndị mmẹ lẹ wẹ rị a sụọ, uwẹ e ye m ihiẹn m'e ri lẹ mirin m'a ra lẹ oruru lẹ ẹṅẹnrẹn-anụ m gi a kpa ẹwuru; uwẹ e ye m ofigbọn lẹ udẹn, e ye m manya m'a ra.

Luku 2:12

Ihiẹnni kẹ ụnụ jẹnkọ d'e gi marịn a: ụnụ jẹnkọ d'a hụn nwa wẹ gi ẹkwa fụma, bu dinẹ imẹ ihiẹn anụ gi e ri ihiẹn-oriri.”

Luku 2:7

Ọ nọ mụ nwa ibuzọ a, mụ a okẹnnyẹ. Ọ nọ gi ẹkwa fụma a, bu ẹ dinẹ imẹ ihiẹn anụ gi e ri ihiẹn-oriri — makẹni ebe wẹ k'a nọdị imẹ ụlọ ndị-ijẹn arịa.

Ditrọnọmi 15:15

Nyanhankwọ nị ụnụ te wụ igbọn imẹ alị Ijiptu, Osolobuẹ wụ Chuku ụnụ nọ gbapụha ụnụ; ịya kẹ m gi rị e ye ụnụ iwuni tannị.

Ditrọnọmi 5:6

“Mmẹ wụ Osolobuẹ, Chuku ụnụ hụn gha alị Ijiptu, alị ụnụ nọ wụ igbọn, wepụha ụnụ.

Joshụa 24:2

Joshụa nọ sị ndị ahụn ile, “Lee ni ihiẹn Osolobuẹ wụ Chuku Izrẹlụ ku: Mbụ mbụ, ndị nẹdi ụnụ kanị bi nfetu Iyi Yufretisi, fe mmọn-lẹ-Iyi — kẹ Tẹra nẹdi Ebraham lẹ Nahọ.