Izikẹlụ 14:4 - Ika

⁴ “Ị k'a sị wẹ nwan, ‘Osolobuẹ nwọn ihiẹn ile sị: Onyẹ Izrẹlụ ọwụlẹ hụn k'e bu obi ẹ che mmọn, gi njọ a gbọnkin enwẹn ẹ ụzọ, bịa d'e kunrun onyẹ-amụma, mmẹ lẹ enwẹn m wụ Osolobuẹ k'a zazịkwọ hụnyẹ nọkẹ onyẹ rị e fe mmọn ndị hụ ile ọ rị e fe.

Izikẹlụ 14:4 ပူးပေါင်းရင်းမြစ်များ

Ndị-nze Nke Ẹbụọ 1:16

Ẹlaịja nọ sị eze, “Lee ihiẹn Osolobuẹ ku: ‘Chuku arịdẹ Izrẹlụ hụn ị k'a jụ ọnụ ra, i gi zi wẹ d'a jụ Baalụ-Zẹbubu wụ mmọn ndị Ẹkrọnụ? Makẹ ihiẹnni i mẹ, y'e lihikọ elu-bẹdi ahụn i dinẹ; ị k'a nwụnrịrị.’ ”

Azaya 3:11

Ọ masịkọnị ndị eje-omumẹ! Wẹ k'e mẹgwarị wẹ ihiẹn wẹ mẹ.

Azaya 66:4

Mmẹ nwẹn sikọ d'e mẹshi wẹ ikẹn; m k'e mẹ ihiẹn w'a tụ egun ẹ kunrun wẹ. Makẹni, kẹ m kpọ oku, onwọnni onyẹ zanị; kẹ m ku oku, onwọnni onyẹ gi ẹ dọn. Ihiẹn rịlẹni mma ẹnya m kẹ wẹ e mẹ, ihiẹn e ze m ize kẹ wẹ a họrịsọnmẹ.

Izikẹlụ 14:3

“Nwa-ịhịan, ikẹnnyẹ ndịnị e bugụọ obi wẹ che mmọn wẹ rị a rụa, e bugụọ wẹ mmọn ndị hụ rị e mẹ wẹ a kpọgburu che enwẹn wẹ ihun. Nanị m'a dọn nwan nị wẹ jụ m ihiẹn ọwụlẹ?

Izikẹlụ 14:6

“Gwa nwan ndị Izrẹlụ nị Osolobuẹ Nwọn Ihiẹn Ile sị, Bihutọ nị ẹka! La nị mmọn ndị hụ ụnụ rị e fe tọ; wepụ nị ẹnya arụ ile ụnụ rị e mẹ!

Izikẹlụ 14:7

“Onyẹ Izrẹlụ ọwụlẹ mọbụ abịamabịa ọwụlẹ bi alị Izrẹlụ hụn k'a gbakitọ m azụụn, bu obi ẹ che mmọn ndị hụ wẹ rị e fe, gi njọ a gbọnkin enwẹn ẹ ụzọ, bịa d'e kunrun onyẹ-amụma n'ọ jụ a uche m, mmẹ wụ Osolobuẹ k'e gi ẹka m za a.

Izikẹlụ 2:7

Ị k'a gwarịrị wẹ ihiẹn m ku, wẹ gọn ntịn egọnni wẹ, makẹni ndị nnupụ-isi kẹ wẹ wụ.

Izikẹlụ 3:4

Ọ nọ sị, “Nwa-ịhịan, buru nwan ikpụlọ Izrẹlụ d'a gwa wẹ ihiẹn m ku.

Izikẹlụ 44:12

Kanị, ebe o mẹ ni a rụngụọnị wẹ ndị Izrẹlụ ọrụn ihun mmọn ndị hụ wẹ fe, gi ẹ mẹ ndị Izrẹlụ mẹ njọ, e weshigụọ m nwan ẹka elu kun enwẹn m nị wẹ k'e gi isi wẹ buru njọ wẹ. Ya kẹ Osolobuẹ Nwọn Ihiẹn Ile ku.

Zẹfanaya 1:3

m k'e tikpọchanrịn ịhịan lẹ anụmanụ; m k'e tikpọchanrịn nnụnụ e feni lẹ azụn rị imẹ ohimin lẹ ihiẹn ndị hụ ndị njọ gi rị a kpọgburu. M k'a zapụchanrịn ịhịan elu ụwa. Ya kẹ mmẹ wụ Osolobuẹ ku.