Izikẹlụ 13:9 - Ika

⁹ Ẹka m k'e bitụ ndị-amụma hụ rị a hụn ọhụn ntụ, a gba-ẹfa ntụ; arịkọzị wẹ imẹ ozuzu ndị nke m; ẹfan wẹ arịkọzị ẹkụkwọ ndị Izrẹlụ; abankọzịdẹ wẹ alị Izrẹlụ. Ogẹn hụ, ụnụ a marịn nị m wụ Osolobuẹ nwọn ihiẹn ile.

Izikẹlụ 13:9 ပူးပေါင်းရင်းမြစ်များ

Ndị-nze Nke Ibuzọ 13:18

Ya onyẹ-amụma hụ ka ẹgẹdi nọ sị a, “Mmẹ nwẹn wụzị onyẹ-amụma nọkẹ yụ. Mmọn-ozi gwa m nị Osolobuẹ sị m: ‘D'e wekinhẹn ẹ, n'o d'a nọ iwe i ri, ra.’ ” (Kanị, ntụ kẹ onyẹ-amụma hụ ka ẹgẹdi rị a tụ a.)

Ẹzra 2:59

O nwọnghọ ndị gha obodo Tẹlụ-Mela, Tẹlụ-Hasha, Kẹrubu, Adọnụ lẹ Ima lụaha, kanị asanị wẹ ẹka ghọsị nị ndị Izrẹlụ mụ wẹ — ndịnị rọ:

Nehemiah 7:62

ụmụ Dẹlaya, ụmụ Tobaya lẹ ụmụ Nekoda: wẹ rị ẹbụọ kwasị ọgụn-mmẹbụọ kwasị nnụ (642).

Nehemiah 7:64

Ndịnị chọ ẹfan ikpụlọ wẹ ebe wẹ deye nke ịhịan ile, ahụnnị w'a, ya wẹ nọ gụnpụ wẹ imẹ ndị nchụn-ẹjan lẹ ọrụn wẹ — n'a rịnị wẹ ọchan.

Ẹbụ-ọma 101:7

Onwọnni onyẹ ghalẹni e ku ezioku k'e bi iwe m; onyẹ-ntụ agbọrịkọ ihun m.

Ẹbụ-ọma 69:28

Wẹ finchanpụ ẹfan wẹ imẹ ẹkụkwọ ndị k'a rị ndụn; w'a gụnkwọlẹ wẹ ye imẹ ndị ezi-omumẹ!

Ẹbụ-ọma 69:5

Osolobuẹ, yụ marịn nzuzu m ile, onwọnzikwọnị njọ m ezuerini ẹnya ị.

Ẹbụ-ọma 87:6

Mgbe Osolobuẹ k'e gi rị e detu ẹfan alị ndị ọzọ, o k'e desọnmẹ, “Zayọnụ kẹ wẹ nọ mụ ọnwan; Zayọnụ kẹ wẹ nọzị mụ hụnnị.” Sẹla

Ẹbụ-ọma 95:11

M nọ gi iwe kun enwẹn m, sị, “Abanyekọ wẹ d'e zu ikẹn hụ m kwe nkwa a.”

Azaya 4:3

Wẹ k'a kpọ ndị k'a họdụ imẹ Zayọnụ, imẹ Jerusalẹm, “Ndị rị nsọ”, ndị hụ ile Osolobuẹ detu ẹfan wẹ nị wẹ k'a rị ndụn imẹ Jerusalẹm.

Jerimaya 14:15

Lee nwan ihiẹn mmẹ wụ Osolobuẹ ku banyeni ndị-amụma ndị ahụn gi ẹfan m e bu amụma: ẹlẹ mmẹ zi wẹ, kanị wẹ hụ a sị, ‘Kẹ ọpịa-agha kẹ ụnwụn erukọ alịnị.’ Ufiri ẹ, ọpịa-agha lẹ ụnwụn k'e gbu ndị-amụma hụ.

Jerimaya 17:13

Euu, Osolobuẹ, Onyẹ hụn Izrẹlụ rị e lee! Ifẹnrẹn jẹnkọ d'e mẹgbu ndị ile latọn'ị, Ẹjan kẹ ndị latọn'ị k'a la — makẹni a latọgụọ wẹ Isi-mirin e ye ndụn.

Jerimaya 23:20

Olulu Osolobuẹ arọkọ d'e ru n'o mẹgụ ihiẹn o bu obi. Ihun k'o sikọ d'e wechanrịn ụnụ ẹnya.

Jerimaya 4:9

Osolobuẹ sị, “Ogẹn ahụn, ndụn k'a gụ eze lẹ ịhaịmẹ ẹ; egun k'a tụgbu ndị nchụn-ẹjan; o k'a gba ndị-amụma ngharị-ẹnya.”

Izikẹlụ 11:10

Ọpịa-agha k'e gbu ụnụ; m k'a nọ ebe alị Izrẹlụ ru — idẹnya ndị alị ọzọ — mẹshi ụnụ ikẹn. Ogẹn hụ, ụnụ a marịn nị m wụ Osolobuẹ.

Izikẹlụ 12:20

Wẹ k'e tikpọchanrịn obodo ile rịn'a ịhịan bi, alị hụ ile a gba okpokoro. Ogẹn hụ kẹ ụnụ k'a marịn nị mmẹ wụ Osolobuẹ!’ ”

Izikẹlụ 13:14

M k'a kụtu ụsụọ-ẹjan ahụn ụnụ te ihiẹn ma mma, kụtu ẹ ru alị, a hụndẹ wẹ iyetọ a; ọ dan, dangbu ụnụ, ụnụ a marịn nị mmẹ wụ Osolobuẹ.

Izikẹlụ 13:23

Ufiri ẹ, ụnụ ahụnkọzị ọhụn ntụ; ẹfa, ụnụ agbakọzị. M k'a zụọpụha ndị nke m ẹka ụnụ. Ogẹn hụ, ụnụ k'a marịn nị mmẹ wụ Osolobuẹ.’ ”

Izikẹlụ 20:38

M k'a gha alị ụnụ shiẹnpụchanrịn ndị ile rị imẹ ụnụ hụn a pa oku m lẹ ndị e feni m isi. M k'e wepụha wẹ alị wẹ bi, kanị abanyekọ wẹ alị Izrẹlụ, ụnụ e gi ẹ marịn nị m wụ Osolobuẹ.

Daniẹlụ 12:1

“O ru ogẹn hụ, Maịkẹlụ onyẹ-isi ndị mmọn-ozi, onyẹ hụn e che ndị nke ụnụ nche, k'a pụha. Ogẹn nsọngbu k'a rị, ụdị hụn rịtulẹni kete anị ichẹn-ichẹn e bidọnlẹ. Kanị, o ru ogẹn hụ, wẹ k'a gbapụha ndị nke ụnụ, wẹ ile ẹfan wẹ rị imẹ ẹkụkwọ hụ.

Hosia 4:5

Ọhanfie ọhanfie kẹ ụnụ a hanfiesọnmẹ ụkụ kẹ efinaị kẹ uhinhin; ndị-amụma hụzị e sọn ụnụ a hanfie; m sikọ nwan d'e tikpọ nnẹ ụnụ wụ alị Izrẹlụ.

Hosia 9:3

Ebikọzị wẹ alịnị wụ alị Osolobuẹ, Ifrem wụ Izrẹlụ k'e kinrịrị alị Ijiptu; wẹ k'e jẹnrịrị alị Asiria d'e gi ọnụ wẹ ri ihiẹn w'a sọ.

Maịka 3:5

Lee ni ihiẹn Osolobuẹ ku banyeni ndị-amụma hụn rị e dufie ndị nke m: onyẹ ye wẹ ihiẹn, e buni w'ẹ amụma rị mma. Kanị onyẹ yelẹni wẹ ihiẹn e bu wẹ nụman'a.

Maịka 3:6

Ọhịhị k'a gbakin ụnụ ẹnya, ụnụ ahụnkọzị ọhụn; ishi k'a gbakin ụnụ ẹnya, ụnụ eleghakọzị ẹfa gba; anwụn k'a rọnahịn ndị-amụma hụ, eki e ginahịn wẹ.

Luku 10:20

K'osilẹrị, aghọghọlẹ ni nị eje-mmọn rị e humẹni ụnụ isi, ka ghọghọ nị n'e deyegụọ wẹ ẹfan ụnụ imẹ elu-igwee.”

Ndị Filipi 4:3

Ẹghẹẹ, yụ wụ onyẹ-ọrụn ibe m furu wẹ gi e dọn ẹnya, m rị a rịọ ị n'ị yeni ikpoho ndịnị ẹka, makẹni e sọngụọ wẹ m lụnị oziọma ọgụn, uwẹ lẹ Klemẹnti lẹ ndị ọzọ ile mmẹ lẹ wẹ gba a rụn ọrụn — ndị ẹfan wẹ rị imẹ ẹkụkwọ ndụn-itẹbitẹ.

Hibru 12:23

Ụnụ a bịagụọ d'e kunrun igunrun ụmụ ibuzọ Osolobuẹ wẹ deye ẹfan wẹ elu-igwee lẹ Osolobuẹ lẹ enwẹn ẹ, hụn k'e kin ịhịan ile ikpe. Ụnụ a bịagụọ d'e kunrun ndị ezi-omumẹ Osolobuẹ mẹgụ nwan mmọn wẹ zu oke.

Rẹvẹleshọnụ 13:8

Ndị ile bi elu-ụwa k'e fe ẹ, ndị ile wẹ delẹni ẹfan wẹ imẹ ẹkụkwọ ndụn-itẹbitẹ, ẹkụkwọ Nwa-ebulu hụ wẹ gbu nị wẹ d'e gbe iyetọ ụwa.

Rẹvẹleshọnụ 19:20

Kanị wẹ nọ nwụndọn eje-anụ hụ lẹ onyẹ amụma-ntụ ahụn te rị a rụndọnni eje-anụ hụ ọrụn-atụmẹnya, onyẹ-amụma hụ gi ọrụn-atụmẹnya ndị hụ dufie ndị narịn ahịma eje-anụ hụ lẹ ndị fe hụn wẹ leri ẹ kpụ. Wẹ nọ tụ eje-anụ hụ lẹ onyẹ amụma-ntụ ahụn lẹ ndụn ye imẹ odiyiri ọkụn nsịn-ẹnyanwụn;

Rẹvẹleshọnụ 20:12

M nọ hụn ndị nwụnhụnnị kẹ wẹ turu nwan ihun ukpo-eze hụ, kẹ onyẹ-uku kẹ onyẹ-nta. E kpupụsọnmẹ wẹ ẹhụhụọ bu ọda; ya wẹ nọzị kpupụ ẹhụhụọ ọzọ, hụn wụ ẹkụkwọ ndụn-itẹbitẹ. Wẹ nọ gi ihiẹn wẹ detọsọnmẹ imẹ ẹhụhụọ ndị hụ kin onyẹ-onyẹ ikpe ihiẹn o mẹ.

Rẹvẹleshọnụ 20:15

Onyẹ ọwụlẹ wẹ hụnlẹni ẹfan a imẹ ẹkụkwọ ndụn-itẹbitẹ, a tụ w'a ye imẹ odiyiri ọkụn hụ.