Izikẹlụ 12:3 - Ika

³ “Nwa-ịhịan, kịkwama nwan ihiẹn i che ẹkpa nọkẹ onyẹ wẹ wepụkọ alị a, y'a nọ idẹnya wẹ buru ẹ pụ ebe eki rị elu; y'a gha ebe ị rị pụ lekẹ onyẹ wẹ wepụkọ alị a, shikọ ebe ọzọ. Ikẹnkwọ a ghọta we — ọsụọkwọn'a nị ebọn isi-ikẹn kẹ wẹ wụ.

Izikẹlụ 12:3 ပူးပေါင်းရင်းမြစ်များ

Ẹbụ-ọma 81:13

Omẹni ndị nke m te k'e gọn m ntịn! Omẹni ndị Izrẹlụ te k'e sọn ụzọ m!

Jerimaya 10:17

Kpọnkwama nị ihiẹn ụnụ nị ụnụ e d'a gha alịnị pụ, ụnụ ndị Jerusalẹm wẹ kehunmẹ nwan.

Jerimaya 26:3

Ikẹnkwọ e gọn wẹ ntịn, onyẹ-onyẹ a kụsị eje-obibi ọ rị e bi, e gi m ufiri ẹ latọ ihiẹn m rị a chọ nị m mẹ wẹ makẹ eje-obibi wẹ.

Jerimaya 27:2

Jerimaya sị, “Osolobuẹ sị m: Gi ụdọ lẹ akp'osisi mẹmẹrin yoku w'a kpọye igbọn olu, yiri ẹ olu kẹ igbọn.

Jerimaya 36:3

Ikẹnkwọ ndị Juda a nụ ihiẹn ile m chọ nị m mẹ wẹ, onyẹ-onyẹ e bihutọ ẹka, mẹbehi eje-ihiẹn ọ rị e mẹ, a gbagharị m wẹ eje-omumẹ wẹ lẹ njọ wẹ.”

Jerimaya 36:7

Ikẹnkwọ nị wẹ rịọghọ Osolobuẹ n'ọ gbagharị wẹ, onyẹ-onyẹ a latọ eje-obibi ẹ, makẹni Osolobuẹ e kugụọkwọ a n'o k'e gi okẹn iwe lẹ okẹn-ọnụma mẹshi ndịnị ikẹn.”

Jerimaya 7:26

Kanị ndị mụkwasị ụnụ nkẹ egọnzikwọnị m ntịn, efeyeni wẹ oku m ẹnya. E busọnmẹ wẹ isi-ikẹn, mẹkarịdẹ ndị nẹdi wẹ eje-ihiẹn.’

Izikẹlụ 12:7

Ya m nọ mẹ ihiẹn ọ gwa m: ebe eki rị elu, m nọ bupụha ẹkpa m lekẹ onyẹ wẹ wepụkọ alị a; o ru ẹnyasị, m nọ gi ẹka m gupu mgbọn. Ọhịhị a gbama m nọ nọ idẹnya wẹ bu ibu m che uvun, pụ.

Izikẹlụ 3:26

M k'e mẹ ire nyanrịn ị okpo kẹni i gba nkịtịn, amamgbe y'a jụgbọma wẹ, ọsụọn'a nị ebọn nnupụ-isi kẹ wẹ wụ.

Izikẹlụ 3:27

Kanị, m gwa ị oku, a shịapụ m'ị ọnụ, y'a gwa wẹ ya, sị wẹ, ‘Lee ni ihiẹn Osolobuẹ ihiẹn ile rị okpuru ẹ ku.’ Onyẹ chọ n'o gọn ntịn y'a gọn; onyẹ sị o gọnkọ, y'e gọnlẹ; ebọn nnupụ-isi kẹ wẹ wụ.”

Izikẹlụ 33:11

Sị wẹ nwan nị mmẹ, Osolobuẹ Nwọn Ihiẹn ile, sị, ‘Ma isi m, o mẹkwọ nị ọnwụn eje-ịhịan a sụọ m asụọ! Ihiẹn m chọ wụ n'o bihutọ ẹka, rị ndụn!! Bihutọ nị ẹka! La nị eje-obibi ụnụ tọ! Kị ụnụ ndị Izrẹlụ k'a nwụnnị?’

Izikẹlụ 43:11

Omẹni ifẹnrẹn ihiẹn ile wẹ mẹ e mẹghọ wẹ, y'e mẹ wẹ marịn kẹ Ụlọ-nsọ ahụn k'a nọ — ebe wẹ k'a tụnyesọnmẹ ihiẹn ndị rịn'a, ebe w'a gha a banye lẹ ebe w'a gha a pụ ogẹn ichẹn-ichẹn. Ya wụ, gwa wẹ k'o sikọ d'a rịchanrịn lẹ usọnrọn lẹ iwu ẹ ile. Nọ idẹnya wẹ detu ihiẹn ndịnị kẹni wẹ sọnchanrịn iwu lẹ usọnrọn ẹ ile.

Luku 13:34

“Heuu Jerusalẹm! Jerusalẹm!! Obodo hụn e gbu ndị-amụma, e gi ọmụma a magbu ndị wẹ zihẹn'ẹ! Mgbe ole-lẹ-ole kẹ m chọpụ nị m kpọnkikomẹ ndị rị imẹ i kẹ nneku-ọhụhụ dọn e kpọnkikomẹ ụmụ a e ye okpuru nku ẹ, kanị y'a nịnị m!

Luku 20:13

Onyẹ hụ nwọn ugbo-vaịnị hụ nọ sị, ‘Kị m'e mẹ nwan? M jẹnkọ d'e zi ezi nwa m, ikẹnkwọ nị wẹ gbayeghọ a!’

Ditrọnọmi 32:29

K'ọ rị m wẹ nwọn uche hụn w'e gi ghọta ihiẹnni, marịn ihiẹn jẹnkọ d'e mẹ wẹ:

Ditrọnọmi 5:29

K'o furu egun m a rịsọnmẹ wẹ nwan obi ẹnịna, e gi w'ẹ e mẹ ihiẹn ile m sị wẹ mẹ, n'ọ hụn ụzọ masịnị wẹ lẹ ụmụ wẹ jẹnrin-ejẹn.

Timoti Nke Ẹbụọ 2:25

e gi nwayọ a kọwanị ndị ghalẹni e kweyen'ẹ, makẹni Osolobuẹ nwọn ikẹn mẹ wẹ rogharị, bịa d'a marịn ezioku,