Izikẹlụ 11:5 - Ika

⁵ Ya kẹ Mmọn Osolobuẹ nọ kwọndọn m, Osolobuẹ nọ sị m, “Sị wẹ, ‘Lee ni ihiẹn Osolobuẹ ku: Ihiẹnni kẹ ụnụ ndị Izrẹlụ rị e ku; a marịnzịghọ m ihiẹn ụnụ rị e ro imẹ obi ụnụ.

Izikẹlụ 11:5 ပူးပေါင်းရင်းမြစ်များ

Ihiẹn Mẹni Nke Ibuzọ 28:9

“Ịyụ nwẹn wụ Solomọnụ nwa m, marịnkwọ Chuku nẹdi i, y'e wechanrịn enwẹn i kwan'a, wepụhachanrịn obi fe ẹ. Makẹni, Osolobuẹ e lele obi ọwụlẹ, a ghọtachanrịn ihiẹn ịhịan rị e ro. Ị chọ a, ọ nị ị hụn a; kanị ị gbakitọ a azụụn, ọ jụ ị tọ jẹnrin ejẹn.

Ẹbụ-ọma 50:21

Ụnụ hụ e mẹ ihiẹn ndịnị ile, a gba m ụnụ nkịtịn, ụnụ hụ e ro nị m nọhụ kẹ ụnụ. Kanị m rị nwan a jụgbọ ụnụ, m rị nwan a gwapụ ụnụ ihiẹn ụnụ mẹ.

Ẹbụ-ọma 7:9

Euu Chuku hụn rị ọchan, ịyụ, hụn e lele obi lẹ iroro ịhịan; dodo kụsị eje-ihiẹn ndị-njọ rị e mẹ, y'e dọnmẹ ndị ezi-omumẹ ọhụnma.

Azaya 28:15

Ụnụ hụn a nyan isi, a sị, “Ẹnyi lẹ ọnwụn e kwerigbamagụọ n'o gbukọ ẹnyi, ẹnyi lẹ alị-mmọn e kwerigbamagụọ n'o nwọnni ihiẹn o k'e mẹ ẹnyi. Ogẹn okẹn nsọngbu hụ k'e gi bịa, o rukọ ẹnyi ẹhụ, makẹni ẹnyi a gbaburugụọ ntụ, makẹni ẹnyi a warịgụọ imẹ ihiẹn wụlẹni ezigbo ẹ.”

Azaya 58:1

Gi ẹ yi oro! Agbakwọlẹ nkịtịn! Yi ẹ n'ọ han — nọkẹ opi! Gwapụ ndị nke m nnupụ-isi wẹ, gwapụ ikpụlọ Jekọpụ njọ wẹ!

Jerimaya 11:20

Kanị, Osolobuẹ ihiẹn ile rị okpuru ẹ, ịyụ hụn a han ezigbo eṅẹn, e lelezikwọ obi ịhịan lẹ iroro ẹ, nị m nwan gi ẹnya m hụn ebe ị nọ mẹgwarị wẹ, makẹni e bugụọ m oku m che i ẹka.

Jerimaya 16:17

M hụ a hụn ihiẹn ile wẹ rị e mẹ, onwọnni hụn zuerini ebe m rị, onwọnni njọ wẹ m ghalẹni e legha.

Jerimaya 17:10

“Mmẹ wụ Osolobuẹ e lele obi, e lele iroro — hụn m'e gi a kụ ịhịan ụgwọ omumẹ ẹ, ụgwọ ihiẹn ọ mẹ.”

Izikẹlụ 2:2

Hụn ahụn ọ rị e ku oku, Mmọn Osolobuẹ nọ ban imẹ m, weli m elu; m nọ nụ ihiẹn ọ rị a gwa m.

Izikẹlụ 2:7

Ị k'a gwarịrị wẹ ihiẹn m ku, wẹ gọn ntịn egọnni wẹ, makẹni ndị nnupụ-isi kẹ wẹ wụ.

Izikẹlụ 20:32

“Ihiẹn hụ ụnụ rị e ro aghakọ, ihiẹn hụ ụnụ rị a sị enwẹn ụnụ, ‘Nị ẹnyi nọ kẹ alị ndị ọzọ, ebọn ndị rị alị ndị ọzọ, ndị hụn e fe mkp'osisi lẹ ọmụma.’

Izikẹlụ 28:2

“Nwa-ịhịan, gwa onyẹ rị a kị Taya, sị a: Lee ihiẹn Osolobuẹ Nwọn Ikẹn Ile ku: Makẹni ị rị a pache, a sị, ‘Mmọn kẹ m wụ; m rị ukpo mmọn etintin ohimin ebeni a kị,’ bụ ịhịan k'ị wụ, y'ẹlẹ mmọn, ọsụọn'a n'ị rị a sị enwẹn i n'ị wụ mmọn.

Izikẹlụ 29:3

Sị: Osolobuẹ Nwọn Ihiẹn Ile sị: ‘Mmẹ lẹ yụ rọ, Fẹro eze Ijiptu, ẹregede eje-anụ hụn dinẹ ebẹhụ Iyi Naịlị rị, hụn sị, “Iyi Naịlị wụ nke m; ẹka m mẹni m'ẹ.”

Izikẹlụ 3:11

y'e buru ndị nke ụnụ rị imẹ ndị wẹ kpụnhan alịnị d'a gwa wẹ oku. Sị wẹ, ‘Lee ni ihiẹn Osolobuẹ nwọn ihiẹn ile ku.’ Kẹ wẹ gọn ntịn kẹ egọnni wẹ.”

Izikẹlụ 3:24

Mmọn-Osolobuẹ nọ ban imẹ m, bu m wuzo. Ọ nọ sị m, “Jẹnmẹ d'a kpọkin enwẹn i ye imẹ ụlọ iwe i.

Izikẹlụ 3:27

Kanị, m gwa ị oku, a shịapụ m'ị ọnụ, y'a gwa wẹ ya, sị wẹ, ‘Lee ni ihiẹn Osolobuẹ ihiẹn ile rị okpuru ẹ ku.’ Onyẹ chọ n'o gọn ntịn y'a gọn; onyẹ sị o gọnkọ, y'e gọnlẹ; ebọn nnupụ-isi kẹ wẹ wụ.”

Izikẹlụ 8:1

Hụn mẹ akpọhịn isin imẹ ọnwan nke isẹn imẹ ahụa mẹ ẹ isin ẹnyi nọpụ ebe wẹ kpụnjẹn ẹnyi, ndị-isi ndị Juda hụn wẹ kpụnhan ẹnyi lẹ wẹ alị Babilọnụ bịa d'a hụn m; ebẹhụ ẹnyi ile nọdị alị, ya kẹ Osolobuẹ nwọn ihiẹn ile nọ mẹtụ m ẹka.

Makị 2:8

Mmọn Jesu nọ gwa a ihiẹn wẹ rị e ro imẹ obi wẹ. Ọ nọ sị wẹ, “Kị haịn ụnụ gi e ro ihiẹn nọ ẹnịna imẹ obi ụnụ?

Jọnụ 21:17

Jesu nọ jụzị a ya hụn mẹ ẹ mgbe ẹtọ, “Saịmọnụ nwa Jọnụ, ihiẹn m a sụọghọ ị?” Ọ nọ fụ Pita nị Jesu jụ a mgbe ẹtọ, “Ihiẹn m a sụọghọ ị?” Pita nọ sị a, “Di-nwọnni-ẹnyi, y'a marịnghọ ihiẹn ile; y'a marịnghọ nị ihiẹn i a sụọghọ m.” Jesu nọ sị a, “Lepụ atụnrụn m ẹnya.

Ọrụn Ndị-ozi 10:44

Ebe okuni rịkwọ Pita ọnụ, Mmọn-nsọ nọ hidankwasị wẹ ile nụ oku-Chuku hụ Pita rị e ku.

Ọrụn Ndị-ozi 11:15

Ogẹn m gi kumẹ, Mmọn-nsọ nọ hidankwasị wẹ k'o dọn hidankwasị ẹnyi isi-ibuzọ.

Hibru 4:13

Ẹnya Osolobuẹ, onwọnni ihiẹn zuerini. Ẹghẹẹ, ihiẹn ile gba ọtọ, rị oghe, ẹnya onyẹ hụ ẹnyi jẹnkọ d'e ye mgbakọ.

Jemisi 3:6

Ire wụ ọkụn nke-esi. Ọ nọhụ kẹ ebe wẹ nọ bu njọ han kẹ ụwa ile che ẹnyi ẹhụ! O ruchanrịn ẹhụ ile unyin! Ọ dụnkwama ndụn ịhịan ọkụn. Ọkụn ire gi a dụn a gha ọkụn-mmọn a bịa.

Rẹvẹleshọnụ 2:23

M k'e gbu ụmụ a. Ụka ile k'e gi ẹ marịn nị mmẹ wụ onyẹ hụ e nyọnchan uche lẹ obi lẹ ni m k'a kụ onyẹ-onyẹ imẹ ụnụ ụgwọ ihiẹn o mẹ.

Samuẹlụ Nke Ibuzọ 10:10

makẹni, ogẹn Sọlụ lẹ odibo ẹ gi ru Gibia, e lee igunrun ndị-amụma kẹ wẹ bịa d'e kunrun ẹ! Mmọn Osolobuẹ nọ gi ikẹn ban imẹ ẹ, ya nwẹn nọ bannị wẹ, bumẹ amụma.

Samuẹlụ Nke Ibuzọ 10:6

Mmọn Osolobuẹ sikọ d'a ban imẹ i, y'e sọn wẹ bumẹ amụma; i jẹnkọ d'e gbehutọ wụrụ ụdị ịhịan ọzọ.