Izikẹlụ 10:4 - Ika

⁴ Ya kẹ ọghọ Osolobuẹ nọ gha elu ndị chẹrobu hụ buli d'a nọdị ọnụmụzọ wẹ gha a pụ Ụlọ-nsọ. Orukpu e jun imẹ Ụlọ-nsọ, ọghọ Osolobuẹ gi pụha nọ nwungbarị ezi-ọgwa ụlọ-nsọ lekẹ ukpẹ.

Izikẹlụ 10:4 ပူးပေါင်းရင်းမြစ်များ

Ọpụpụ 40:34

Ya kẹ orukpu nọ kpumẹ Ọdụ-ozuzu, ọghọ rị Osolobuẹ ẹhụ e jun Ọdụ nsọ.

Ọpụpụ 40:35

Mozizi asazịnị ẹka banye Ọdụ-ozuzu, makẹni orukpu a nọkwasịgụọ a, ọghọ rị Osolobuẹ ẹhụ e jun imẹ Ọdụ-nsọ.

Azaya 6:1

Ahụa ahụn Eze wụ Uzịa nwụn, m hụn Osolobuẹ k'ọ nọdị alị elu ukpo-eze hụn jẹn elu, nwọn ọghọ; ẹwuru-nze o yi shịagbarị imẹ Ụlọ-NSỌ.

Izikẹlụ 1:28

Ukpẹ ahụn fihunmẹ onyẹ hụ nọ kẹ ekọn-lẹ-ogugu hụn a pụha igwere mirin zue. Ẹrịra kẹ ọghọ hụn Osolobuẹ gi pụha nọ. Kẹ m hụn a, m nọ bu ẹfọ mama alị. Ya kẹ m nọ nụ olu rị e ku oku.

Izikẹlụ 10:18

Ọghọ Osolobuẹ nọ gha ọnụmụzọ Ụlọ-nsọ pụ d'a nọdị elu chẹrobu ndị hụ.

Izikẹlụ 43:2

e lee ọghọ Chuku Izrẹlụ k'ọ gha ibe ọwụwa-ẹnyanwụn lala. Ụzụn a nọ kẹ okẹn mirin rị e huni, ebe ile hụ e gbuke yeni ọghọ a.

Izikẹlụ 43:5

Ya kẹ Mmọn Osolobuẹ nọ buli m elu, weban m ezi-ọgwa rị imẹ, m nọ hụn nị ọghọ Osolobuẹ jun imẹ Ụlọ-NSỌ.

Izikẹlụ 44:4

Ya okẹnnyẹ hụ nọ we m gha ọnụ-mgbọn bu ihun zinmẹ ẹbamịn-ugu, ẹnyi nọ ghahunmẹ, pụha ihun Ụlọ-nsọ. E lee m ẹnya, m nọ hụn a nị ọghọ Osolobuẹ e jungụọ Ụlọ Osolobuẹ! M nọ bu ẹfọ mama alị.

Izikẹlụ 9:3

Ya kẹ ọghọ Chuku Izrẹlụ nọ gha ebe o te rị elu chẹrobu ẹbụbụọ ahụn imẹ-imẹ Ụlọ-nsọ buli elu d'a nọdị ọnụ-mgbọn Ụlọ-nsọ. Osolobuẹ nọ hị okẹnnyẹ ahụn yi ẹkwa-linẹni, hụn bu ihiẹn wẹ gi e de ihiẹn ukun.

Hagaị 2:9

Ọghọ hụn k'a rị Ụlọnị k'a ka hụn te rị nke mbụ ahụn wẹ tikpọ. Mmẹ wụ Osolobuẹ ihiẹn ile rị okpuru ẹ ku ẹ. M k'e mẹ n'ọ rịnị ụnụ mma ebeni.’ Ya kẹ Osolobuẹ ihiẹn ile rị okpuru ẹ ku.”

Ọgụngụn 16:19

Ogẹn Kora gi kpọkwamagụ ndị Izrẹlụ ile nị wẹ zuni wẹ eje-umẹ Ọnụ-mgbọn Ọdụ-nsọ, Osolobuẹ nọ gi ọghọ a pụha ihun igunrun ahụn ile.

Rẹvẹleshọnụ 15:8

Ẹnwụnrụn e jun ụlọ-nsọ hụ yeni ọghọ rị Osolobuẹ ẹhụ lẹ ikẹn Osolobuẹ; onwọnzini onyẹ saẹka banye Ụlọ-nsọ hụ d'e ru nị eje-afụnfụn ẹsa ahụn ndị mmọn-ozi ẹsa ahụn gi e bi.