Izikẹlụ 1:4 - Ika

⁴ E lee m ẹnya, m nọ hụn okẹn ufere gha ẹbamịn-ugu kpọla lẹ okẹn orukpu. Ọkụn hụ a gha imẹ orukpu hụ e nwunpụha, ukpẹ hụ e nwunhunmẹ ẹ. Ihiẹn nọ kẹ igwe rị e be nwanran-nwanran hụ etintinnaị ọkụn hụ.

Izikẹlụ 1:4 ပူးပေါင်းရင်းမြစ်များ

Ndị-nze Nke Ibuzọ 19:11

Osolobuẹ nọ sị a, “Pụha imẹ okporoni d'e wuzo elu-uguni ihun Osolobuẹ.” Osolobuẹ nọ ghafe: okẹn ufere nọ buruni Osolobuẹ ụzọ, e tiwa ugu hụ, e tikpọsọnmẹ ọmụma, kanị Osolobuẹ arị imẹ ufere hụ; ufere a kpọgụ, alị nọ mẹhunmẹ, kanị Osolobuẹ arịkwọ alị-ọmahihie hụ;

Ndị-nze Nke Ẹbụọ 2:11

Hụn ahụn wẹ ẹbụọ shikọ inyẹnrẹn jẹnkọ, idẹnmizi, ụgbọ-ẹshin wụchanrịn ọkụn lẹ ẹshin ndị dọkpụnkọn'a wụzị ọkụn nọ pụha, gha ẹgbata wẹ ẹbụọ, kebe wẹ. Ufere-ohiohi nọ buru Ẹlaịja lashi elu-igwee.

Ihiẹn Mẹni Nke Ẹbụọ 5:13

Ndị rị e gbu opi lẹ ndị ọkụ-ẹbụ nọgbama, e gi olu ohu a ja Osolobuẹ mma, a kpanmịn a, e gi opi lẹ kpajaị lẹ ihiẹn-egu ndị ọzọ a kpọ egu, e weshi olu elu a ja Osolobuẹ mma, a bụ ẹbụnị: “Ọ rịka mma; ihiẹn-ọsụsụọ a rị jẹnrin ejẹn.” Ogẹn hụ kẹ orukpu gi jun Ụlọ-nsọ Osolobuẹ,

Jobu 38:1

Ya kẹ Osolobuẹ nọ gha imẹ okẹn ẹbi shịarị Jobu oku, sị:

Ẹbụ-ọma 50:3

Osolobuẹ ẹnyi lala, kanị o tukọ udọn: ọkụn e bu ihiẹn e ri rị a ihun, okẹn ẹbi rị a kpọnị fihunmẹ ẹ!

Ọpụpụ 9:24

ẹkwan-igwere hụ a dan, amụma hụ ebejẹn ebelụa. Ẹbi jọgbu enwẹn ẹ ẹnịna akpọtuni imẹ alị Ijiptu kete wẹ e pumẹlẹ ẹ.

Azaya 19:1

Ọnwan wụ ihiẹn Chuku ku banyeni alị Ijiptu. Lee kẹ Osolobuẹ nyinla orukpu-igwere rị a gba ọsọ, ọ lala Ijiptu! Ẹhụ hụ a ma mmọn ile ndị Ijiptu e fe nni; obi e dẹnhingụọ ndị Ijiptu.

Azaya 21:1

Ọnwan wụ ihiẹn Chuku ku banyeni Alị ọkpọ-nkụn ahụn nọkunmẹ Ohimin: Kẹ okẹn ufere dọn a gha ẹbamịn ndịdan-mirin wụ Nẹgẹvụ a fehẹ, ẹrịra kẹ wẹ gha nwan alị-ọkpọnkụn lala d'a maye i, Babilọnụ; wẹ gha eje-alị w'a tụ egun ẹ lala.

Jerimaya 23:19

E lee nị nwan okẹn ẹbi kpọlanị, ọnụma Osolobuẹ hụn lalanị — o jẹnkọ d'a nọ isi ndị eje-omumẹ hụ bi.

Jerimaya 25:32

Osolobuẹ ihiẹn ile rị okpuru ẹ sị, “Lee n'ẹ, wẹ hụ e tikpọ otikpọ-otikpọ a gha alị, a pu alị; nsọngbu a kpọmagụọ nọkẹ okẹn ẹbi — ọ ghakwọrị ebe ụwa ru lala.”

Jerimaya 25:9

m jẹnkọ d'a kpọhanị ụnụ ndị alị ile rị ẹbamịn-ugu — uwẹ lẹ odibo m wụ Nebukadineza eze Babilọnụ. M k'e wẹhẹ wẹ d'e mẹ alịnị lẹ ndị rịn'a lẹ alị ndị ọzọ ile fihunmẹ alịnị ihiẹn. M k'e tikpọchanrịn wẹ, mẹ wẹ gba okpokoro, mẹ wẹ wụrụ ihiẹn w'a manị ọsụa (ọsụọ) lẹ ebe mẹ mkpọkọ-mkpọkọ jẹnrin ejẹn.

Jerimaya 4:6

Weshi ahịma elu nị ịhịan ile jẹnmẹ Zayọnụ! Gbakwọ nị ọsọ ndụn, egbukwọlẹ ni ogẹn! Makẹni m gha ẹbamịn-ugu wela ntikpọ, eje-ntikpọ k'o k'a wụkwọ!”

Jerimaya 6:1

“Zụọrịkwọ nị isi ụnụ, ụnụ ndị Bẹnjamini! Ghakwọ nị Jerusalẹm gbapụ! Gbu ni ni wẹ (opi) ọdụ imẹ obodo Tẹkụa nị wẹ gbapụ! Weshini ni wẹ ihiẹn-ahịma elu imẹ Bẹt-Hakẹrẹm kẹni wẹ gbapụ. Makẹni ẹregede nsọngbu gha ẹbamịn-ugu lala, okẹn ntikpọ hụn k'a jọgbu enwẹn ẹ.

Izikẹlụ 1:27

A hụn m nị gha ebe nọ kẹ ukun ẹ shi elu rị kẹ igwe rị e gbukeni, nọkẹsị ọkụn jun ẹ; gha ebahụn lụa alị rịzị kẹ ọkụn; ukpẹ fihunmẹ ẹ.

Izikẹlụ 13:11

Gwa nwan ndị ahụn rị e te ẹ ihiẹn-ọchan n'o k'a dan. Okẹn mirin k'e zue, huru! Ẹkwan-igwere k'a danzịkwọ; okẹn ẹbi jẹnkọ d'e nutu ẹhụ-ụlọ hụ.

Izikẹlụ 13:13

“Osolobuẹ Nwọn Ihiẹn Ile sị nwan: M k'e gi ọnụma zihẹ okẹn ẹbi, m k'e gi olulu zihẹ mirin-ozuzue; m k'e gi olulu zihẹ ẹkwan-igwere hisọnmẹ ogbe. M k'e gi wẹ tikpọ a, tikpọchanrịn a.

Izikẹlụ 43:3

Ọ nọchanrịn kẹ hụn m hụn mbụ ogẹn m gi hụn ọhụn ebe m nọ rị Jerusalẹm, ogẹn Chuku gi chọ n'o tikpọ a; ọ nọzị kẹ hụn m hụn mkpẹnrẹn Iyi-Kẹba isi mbidọn. Ya kẹ m nọ bu ẹfọ mama alị.

Izikẹlụ 8:2

M nọ hụn ihiẹn yi ịhịan: gha ukun ẹ d'e ru alị nọ kẹ ọkụn; gha ukun ẹ shi elu hụ e gbuke kẹ igwe-bronzu wẹ fichan ọhụnma.

Zẹkaraya 6:6

Ụgbọ hụn ẹshin ogi ndị ahụn dọkpụnkọ shikọ alị Babilọnụ rị ẹbamịn-ugu; ẹshin ọchan ndị ahụn hụ e sọn wẹ; ẹshin ẹkịrịka ndị ahụn shikọ alị rị ẹbamịn ndịdan-mirin.”

Hibru 12:29

makẹni ezioku-ezioku, Chuku ẹnyi wụ ọkụn hụn e bu ihiẹn e ri.

Rẹvẹleshọnụ 1:15

ụkụ-alị a nọ kẹ igwe-bronzu wẹ finchan ọhụnma-ọhụnma, e gbuke nọkẹ sị wẹ gi ọkụn dụnchanpụ unyin rịn'a; olu ẹ hụzị a han kẹ okẹn mirin rị e huni.