Itẹn 8:13 - Ika

¹³ Ịtụ-egun Osolobuẹ wụ ize-ize eje-ihiẹn; ize mpache lẹ nhọnrọn e ze m e ze, uwẹ lẹ eje-omumẹ lẹ oku rụnị.

Itẹn 8:13 ပူးပေါင်းရင်းမြစ်များ

Jobu 1:1

O nwọn okẹnnyẹ ohu bi alị Uzu; ẹfan a wụ Jobu. Okẹnnyẹni wụ onyẹ ezioku; onwọn nkọrịanị; ọ tụ egun Chuku; ara gi eje-ihiẹn mẹ ẹhụ.

Jobu 28:28

Ya ọ nọ sị ịhịan, ‘Ịtụ egun Osolobuẹ — ịya wụ amamihiẹn, ịjụ eje-ihiẹn — ịya wụ nghọta.’ ”

Ẹbụ-ọma 101:3

Anịkọ m wẹ mẹ ihiẹn ọwụlẹ rịlẹni mma ihun m; obibi ndị rị a gbakitọ Osolobuẹ azụụn e ze m ize; onwọnni ihiẹn m gi wẹ e mẹ.

Ẹbụ-ọma 119:104

Iwu i kẹ m gi e nwọn nghọta, ịya haịn ize eje-obibi ile gi e ze m.

Ẹbụ-ọma 119:128

Ya wụnị iwu i ile rịchanrịn mma ẹnya m, eje-obibi ile e ze m ize.

Ẹbụ-ọma 138:6

Ọsụọn'a nị Osolobuẹ rị elu-igwee, ọ nyanhanzị ndị e welụa enwẹn wẹ alị; kanị, ọ ghadẹ ebe teni a hụnchanrịn ndị nhọnrọn kẹ wẹ nọ.

Ẹbụ-ọma 97:10

Ụnụ ile ihiẹn Osolobuẹ a sụọ, eje-ihiẹn ya zemẹ ụnụ ize; Osolobuẹ e dọnmẹ ndị e mẹ uche ẹ ndụn; ọ gbapụha wẹ ẹka ndị-njọ.

Ọpụpụ 1:17

Kanị ikpoho ndịnị wẹ nọ ẹka wẹ a mụ nwa a tụ egun Osolobuẹ; emẹni wẹ kẹ eze dọn ku, egbuni wẹ ụmụ-ikẹnnyẹ ndị ahụn.

Itẹn 10:31

Amamihiẹn kẹ ọnụ onyẹ ezi-omumẹ e wepụha, kanị obepụ kẹ wẹ k'e bepụ ire hụn e ku eje-ihiẹn.

Itẹn 15:9

Ụzọ ndị eje-omumẹ wụ arụ ẹnya Osolobuẹ, kanị ndị a chụsọn ezi-omumẹ a sụọ a ụsụọ.

Itẹn 16:18

Mpache bịaọlẹ, ihiẹn e sọnn'ẹ wụ ntikpọ; enwẹn ịhịan junmẹ ẹ ẹfọ, o d'a dan.

Itẹn 16:5

Ndị ile a pacheni e ze Osolobuẹ ize. Ya wekwọ ị ẹnya nị alakọ wẹ mmaka.

Itẹn 16:6

Ihiẹn-ọsụsụọ lẹ ezioku kẹ ịhịan gi e mẹ wẹ a gbagharị a njọ; egun Osolobuẹ kẹ ịhịan gi a gbanị eje-ihiẹn ọsọ.

Itẹn 3:7

Erolẹ nị y'a marịnghọ ihiẹn — ka gi egun Osolobuẹ la eje-ihiẹn tọ.

Itẹn 4:24

Wepụ eje-oku ọnụ ị; wepụ oku rụnị ụgb'ọnụ ị.

Itẹn 6:12

Onyẹ-ẹti, eje-ịhịan — ịya a ghahunmẹ, e kusọnmẹ eje-ihiẹn;

Azaya 13:11

Osolobuẹ sị, “M k'e ye ụwa afụnfụn eje-ihiẹn o mẹ, ye ndị eje-omumẹ afụnfụn njọ wẹ. M k'a napụ ndị rị e mẹkarị enwẹn wẹ nhọnrọn wẹ, e welụa m ndị ẹfọ-njọ rị e mẹkarị enwẹn wẹ alị.

Emọsụ 5:15

Eje-ihiẹn ya zemẹ ụnụ ize; ihiẹn rị mma ya sụọma ụnụ; hụn n'a nị w'a han ezigbo eṅẹn ọgwa. Ikẹnkwọ Osolobuẹ, Chuku ihiẹn ile rị okpuru ẹ e gi ufiri ẹ mẹ omikẹn ụnụ, ụmụ Josẹfụ họdụnị.

Emọsụ 6:8

Osolobuẹ, Onyẹ ahụn nwọn ihiẹn ile e kungụọ enwẹn ẹ, sị, “Mmẹ wụ Osolobuẹ, Chuku ihiẹn ile rị okpuru ẹ, sị, ‘Mpache ụmụ Jekọpụ e ze m ize! Ebe mgbaban ile wẹ tụn wẹ gi e dọn ẹnya e zezi m ize! M k'e we obodoni wụ Sameria lẹ ihiẹn ile rị n'a ye ndị k'e tikpọn'a.’ ”

Zẹkaraya 8:17

amamalẹ ni ni ibe ụnụ eje-ihiẹn; egilẹ ni ẹri-ntụ mẹ ẹhụ; makẹni ihiẹn ndịnị ile e ze m ize.” Ya kẹ Osolobuẹ ihiẹn ile rị okpuru ẹ ku.

Ndị Rom 12:9

E nwọnni ihiẹn-ọsụsụọ gha akpakalị obi pụha. A jụ nị eje-ihiẹn; e kwọnkẹnmẹ ni ihiẹn rị mma.

Ndị Tẹsalonika Ibuzọ 5:22

Gba nị nị ụdị eje-ihiẹn ile ọsọ.

Timoti Nke Ẹbụọ 2:19

Kanị iyetọ Osolobuẹ turuhụkwọ ebe ọ rị; ihiẹn wẹ deye ẹ wụ: “Di-nwọnni-ẹnyi a marịnghọ ndị wụ ndị nke ẹ” lẹ “Onyẹ ọwụlẹ hụn a kpọku ẹfan Di-nwọnni-ẹnyi ya la njọ tọ.”

Pita Ibuzọ 5:5

Ẹrịrazịkwọ, ụnụ ndị rị ibe alị, e humẹni ni ndị-isi ụnụ isi. Ụnụ ile, e welụanị enwẹn ụnụ alị ebe ibe ụnụ rị. Makẹni, Ẹkụkwọ-nsọ sị, “Osolobuẹ a nọkin onyẹ mpache ụzọ, kanị, o yeni onyẹ e welụa enwẹn ẹ alị ẹka.”

Samuẹlụ Nke Ibuzọ 2:3

Nyanbehi isi hụ; ekukarịzịlẹ enwẹn i! Osolobuẹ wụ Chuku hụn marịn ihiẹn ile; ịya e lele ihiẹn ịhịan rị e mẹ.